MATIUS 7:7 - KITAB NU TUMPU ALLA LELE MA'IMAI'

⁷ “Poita, da komiu montalima. Lio, da komiu mohumpak. Kutetek, da tumban o tuhea'akon bau pinsoopannum.

MATIUS 7:7 ပူးပေါင်းရင်းမြစ်များ

KAJADIAN 26:32

I sinaa aitu mule' to posa-posaihon i Ishak tinokamo ka' nonsisik hi ia mongkona bubung anu kinekemo nu aha. Koonyo nu aha, “Kami nohumpakmo uee”.

1 TOMU-TOMUNDO' 3:5

Pihi-pihi aitu Tumpu nanintoamo mule' hi ia i uno nu ipion ka' notatae, “O Salomo, poita mae pa'apa na anu nu ka'ima'i, aijo' da Ku bee'mo hi beleyum!”

MAZMUR 10:17

O, Tumpu Belento nohongomo do'a nu mian anu madi' mingkaliangan na kantumuu'annyo ka' nompohosonmo kinyonyoa nu aha.

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 119:12

Ku puji'mo na Belento, o, Tumpu potiju'akon mae na aku atulan nu Belento.

MAZMUR 27:8

Belento notataemo, “Tokamo mae monsombah Aku.” Tinaamankumo, “Aku malia-lia'mo mae toka, o Tumpu;

MAZMUR 34:4

O puji' na Tumpu tiba aku na mompuji' imbo' hingga-hinggat moholomati sanggo-Nyo.

MAZMUR 37:4

Lio na kantumuu' anu ma'ima' nu beleyum hi Tumpu, Ia na mompopuas saidi' mae apaa na anu nu kahanda'i nu kinyonyoa nu beleyum.

MAZMUR 50:15

Pongkakase mae hi Beleng-Ku de nu tokaimo nu kasusa'an, Aku mompobebasmo belemiu, ka' opuji'mo nu belemiu na Aku.”

MAZMUR 69:32

Aijo'mo na lebe nu situjui nu Tumpu nu lingkudui na sapi' anu okolobanakon koloban sapi' lakinyo anu daka'.

MAZMUR 70:4

Bakas da mian anu mongkokojoimo mae aku tolokengkengmo ka' ma'ambangmo.

MAZMUR 86:5

Belento manonong, o, Tumpu, ka' kahanda' mongampuni, mian anu balado'a hi Belento, saja' nukalibosi nu Belento, nukalibosan anu madi' ko kamingkotannyo.

AMSAL 8:17

Ku kalibosi na aha anu mongka'ima'i aku, ihe na molio aku timbali mongkabot aku.

NYANYIAN ANU TALASANGGO 3:2

Aku kahanda'mo nobula ka' ilumajang sinongko na kota' nolajangi iwi-iwi' na jalan daka' tiba jalan anu toto ise-ise'. Aku noliomo anu ku una' i uno nu kinyonyoangku; iliongku panyo madi' kino hasinnyo.

YESAYA 30:19

O, belemiu anu jojoong i Yerusalem, belemiu madi'mo me saja' humang. Tumpu mongkalibosimo, ka' sampamo montaami belemiu de belemiu mongkakasemo momoita tulung hi Ia.

YEREMIA 33:3

“Poloboo'mo mae hi Belengku da Ku taamije; Ku poto'ije hi beleyum hahan anu handa hondo ka' anu okahelani hondo ka' ma'isa nu sumbu' nu beleyum.

AMOS 5:4

Tumpu notatae hi mian nu Israel, “Pinsusule'mo mae hi beleng-Ku, da belemiu timbali tumuu'.

MATIUS 18:19

Ka' da osumbu' mule': De itina' hi komiu i dunia aiya ua'aha na mian situjumo mau mule' pa'apaa na o do'akon, do'a aijo' nu talima nu Tuumang-Ku i suluga'.

MATIUS 21:22

Mau mule' apaa na anu opoita miu i uno nu do'aum, tionyo o humpak miu, asan komiu palesaya.”

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MATIUS 7:11

Mau mule' komiu ma'idek, komiu suele mombee' anu ma'ima' hi to ana-anakum. Apaa mule' Tuumaum i suluga'! Ia lebe mule' mombee' anu ma'ima' hi mian anu momoita hi Ia.

MATIUS 7:8

Kalana mian anu momoita tionyo montalima; mian anu molio tionyo mohumpak; ka' mian anu mongkutetek tionyo o tuhea'akon na pontumban.

MARKUS 11:24

Kalana aijo' inau' na aiya: De komiu balado'a ka' mompoita apa-apaa, palesayamo saba' Tumpu nombee'imo hi komiu apaa na anu opoita miu, sahingga komiu montalimamo.

LUKAS 13:25

Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’

LUKAS 18:1

Lapas aijo' i Yesus nonsisikakonmo sa'angu' na kantuangan da bau pompotingan anu saja' mombatuki Ia, da aha aja' balado'a, ka' boli mongoa'i susa'.

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

YOHANES 15:7

De komiu saja' mosa'angu' tiba Aku, ka' pangajalan-Ku maninguna' i kinyonyoaum, poita hi Tuuma mau mule' apaa na o kahanda'i miu; anu opoita miu atina' tantu obee'.

YOHANES 4:10

I Yesus nontaami, “De beleyum monsumbu' apaa na anu nubee' nu Tumpu ka' ihe na mompoita monginum hi beleyum tantu beleyum na momoita monginum hi Ia, ka' Ia tionyo mombee'i beleyum uee kantumuu'an.”

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

ROMA 3:11

madi' ko samian pe'e na anu monsumbu' ka' madi' ko samian pe'e na anu monsombah hi Tumpu.

IBRANI 11:6

De madi' bala'iman, madi' ko samian pe'e timbali moko ala momposanang kinyonyoa nu Tumpu. Kalana mian anu toka hi bele nu Tumpu tionyo ahi' palesaya saba' Tumpu daagi', ka' Tumpu mombalosije mian anu molio Ia.

YAKOBUS 5:15

De do'a nu aha opotoka nu palesaya anu totu-totu'u, Tumpu nompa'alin mian anu masakit aijo', ka' mongampuni to dosa-dosa'nyo anu binaunyomo.

1 YOHANES 3:22

Ka' apaa na anu opoitanto hi Ia, o humpakto, kalana kita tinulu-tulutanmo i palentah-Nyo iwi-iwi' ka' nombaumo apaa na anu momposanang kinyonyoa-Nyo.