MATIUS 7:24 - KITAB NU TUMPU ALLA LELE MA'IMAI'

²⁴ “Yoh, mian anu mohongo potataeng-Ku aiya, ka' montuluti, pokakana sumo mian pande anu mompotinjo laigannyo i bawo nu batu.

MATIUS 7:24 ပူးပေါင်းရင်းမြစ်များ

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 111:10

Ihe na mongkahanda'i da pande tionyo ahi' moholomati Tumpu. Ia mompopangalati' mian iwi-iwi' anu tulu-tulutan. O, puji' na Tumpu sansina-sinaa!

MAZMUR 119:130

De otalangkan, pangajalan nu Belento mompojingka, mompopangalati' mian anu madi' talalo pande.

MAZMUR 119:99

Anu ku pangalati'i molingkudui anu nu pangalati'i nu to gulu-gulu'ku, kalana aku saja' montutugi palentah iwi-iwi' nu Belento.

AMSAL 10:25

De ko tombusisi' montuda'mae mohopu' na mian anu ma'idek na kinyonyoanyo; panyo mian anu madi' tageo' na kinyonyoanyo tataap mahoson sampe toka sidu-sidutu'.

AMSAL 10:8

Mian anu pande mongka'ima'i pokinde'; panyo mian anu potataenyo madi' singguan saidi' mae mohumpak kasusa'an.

AMSAL 12:7

Mian anu ma'idek na kinyonyoanyo saidi mae madi'mo ko angga'nyo ka' silakamo ka' madi'mo otoa-toa; panyo mian anu manonong saidi mae tataap ko angga'nyo sampe molundu-lundu na tulunan.

AMSAL 14:8

Mian anu pande monsumbu' mompopikilakon apaa na anu tionyo obau, panyo mian anu ponga' nu akali nu kaponga'annyo.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 16:18

Kalana aijo' osumbu'mo, beleyum atina' i Petrus, batu anu mahoson. Ka' aita' i batu, aiya na Aku mompotinjo Grejang-Ku, anu madi' opoko hungku'i; mau mule' anu monsilakai!

MATIUS 24:45

Koonyo mule' i Yesus, “Desumo aitu, posaihon anu mosia na anu mohongo-hongo ka' anu pande? Ia na anu o hangkat nu Tuannyo da timbali kapala nu to posa-posaihon sangga'at, da mombee'i aha mongkaan toka i tempo'nyo.

MATIUS 25:2

Aha olima' anu ponga', ka' anu olima' sangga'atannyo na pande.

MATIUS 25:4

Aha olima' na langkoyang anu pande nomboa pansona' ka' nontoukai lanya'.

MATIUS 25:9

‘Madi' timbali!’ tinaaman nu to ana-anak langkoyang anu pande aijo', ‘kalana dumo kita iwi-iwi' madi' sukup na lanya'. Lako'mo pongoli i toko.’

MATIUS 7:25

Tempo'nyo ujan tudun, ka' iaba' toka tiba mombun makansang montintip laigan aijo', laigan aijo' madi' motua' kalana pinotinjomo i bawo nu batu.

MATIUS 7:26

Ka' mian anu mohongo potataeng-Ku aiya, panyo madi' montuluti, ia pokakana sumo mian ponga' anu mompotinjo laigannyo i bawo nu bone'.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

YOHANES 13:17

De osumbu'mo miu iwi-iwi' aiya, bilahi na komiu de mombau.

YOHANES 14:15

“De komiu mongkalibosi Aku, komiu tionyo monjalanakon to pale-palentah-ngKu.

YOHANES 15:10

De komiu monjalanakon iwi-iwi' na palentah-ngKu, komiu saja' montuluti pongkalibosing-Ku, pokakana sumo Aku saja' montuluti pongkalibosi nu Tuuma, kalana monjalanakon palentah-Nyo iwi-iwi'.

YOHANES 15:14

Komiu atina'mo na to bela-bela'-Ku, de komiu mombau apaa na anu pinalentahkon-Kumo hi komiu.

ROMA 2:13

Kalana mian po'ule'mo ma'ima' tiba Tumpu, misa' kalana mian aijo' nonsumbu'mo atulan nu agama Yahudi, panyo kalana ia nombaumo apaa na anu tuli-tulis i uno nu atulan aijo'.

1 YOHANES 2:3

De kita tulu-tulutan hi iwi-iwi' na palentah nu Tumpu, aijo'mo na tandanyo taalu' kita nonsumbu'mo Tumpu.