MATIUS 7:2 - KITAB NU TUMPU ALLA LELE MA'IMAI'

² Kalana sumo komiu mompisala'i mian sangga'at, sumo aitu mule' na Tumpu mompisala'i komiu. Ka' sukat anu o pake miu hi mian sangga'at, tionyo o pake suele nu Tumpu hi komiu.

MATIUS 7:2 ပူးပေါင်းရင်းမြစ်များ

2 SAMUEL 21:5

Tinaaman nu aha, “I Saul tomundo' anu pinile'anmo nu Tumpu ko kahanda' mompateimo kami iwi-iwi' da kami madi'mo daagi' ko anu otoa hi aha Israel iwi-iwi'.

MAZMUR 109:17

Ia sanang hondo na mongkutuki; bakas da ia nukona nu kutuk! Ia madi' sanang na mombalakati, Bakas da ia madi' mohumpak balakat!

NOSABATMO 21:24

mata obolosi nu mata, bese' obolosi nu bese', lima obolosi nu lima, tengke obolosi nu tengke,

YESAYA 33:1

Silakamo na to sampo-sampobali'to! Aha mompahuhuakon maumo aha madi' opa huhuakon, ka' mombau palabuatan ma'idek maumo madi' obau apa-apaa na anu ma'idek hi aha. Panyo salatan moko pahuhuakonmo ka' mombaumo palabuatan anu ma'idek aha mule' ahi silakamo kalana sola' mompahuhuakon ka' mombau palabuatan anu ma'idek.

YEREMIA 51:24

Tumpu notatae, “Posi sakisimo mosia na Aku uuka aiya mombalosimo Babel tiba mian anu jojoong ikiijo' ka' mule' iwi-iwi' na palabuatan ma'idek nu aha anu binaumo nu aha hi Yerusalem.

OBAJA 1:15

“Totu-totu'u ohanimo mae na sinaanyo, Aku Tumpu momputusimo to bansa-bansa. Apaa na anu binaumo nu Edom aijo'mo na bau pombalosingku ia. Ia suele mongoa'imo apaa na anu binaunyomo.

MATIUS 6:14

De komiu mongampuni mian anu mombau sala' hi beleyum, Tuumaum i suluga' suele mongampunije kasala'anum.

MARKUS 4:24

Lantas i Yesus notatae mule', “Palahatikan apaa na anu ohongo miu aiya! Ukulan anu opake miu hi mian sangga'at, suele opake nu Tumpu hi komiu – ka' daagi' mule' lebe manjoo'.

LUKAS 6:38

Bee'i na mian sangga'at, da Tumpu suele mombee'i beleyum; komiu montalimaje pombee'i molabi-labi anu tinakanmo ma'i-ma'ima' bau bagi miu. Kalana anu opake pontakanan komiu hi mian sangga'at, aijo'mo suele na opake pontakanan anu miu, nu Tumpu.”

2 KORINTUS 9:6

O inau'! Mian anu monsa'u bine' toto sangkiding, mohumpak hasinnyo suele sangkiding. Panyo mian anu monsa'u bine' manjo-manjoo', mohumpak hasinnyo suele manjoo'.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

ANU PINOTO'I HI YOHANES 18:6

Obau na ia sumo pinombaunyomo belemiu; obalosi na ia pinduan lipat han iwi-iwi' na anu binaunyomo. Isi na mangko'nyo nu inumon pinduan lipat nu anu lebe molangui anu pinosadiakonnyomo hi belemiu.

TO MIA-MIAN KOPIAN 1:7

Koonyo i Adoni-Bezek, “U'utu mae pitumpulu' na tomundo pinatagakonkumo na kanumpu nu limanyo ka' kanumpu nu tengkenyo, lantas pinojohokumo na aha mongkaan tuuha' nu anu kinaanmo anu manabu lengkat mae aita' i meja'ku. Uuka aiya Tumpu Allah nombaumo aku pokakana sumo aku nombaumo aha.” I Adoni-Bezek ahennyo binoamo i Yerusalem, ka' ikiijo'mo mae na ia sinilaka.

TO MIA-MIAN KOPIAN 5:27

I tengke i Yael na ia notua' madi'mo kino nyawanyo timpa-timpas i tano' sinilakamo.

1 SAMUEL 15:33

Lantas i Samuel notataemo, “Susumo bajak nu beleyum nombaumo manjoo' na tina nu anak amdi'mo ko anaknyo, sumo aitumo na beleyum saidi' mae madi'mo ko anaknyo.” Lantas pinahantabasakonmo i Samuel na i Agag i ahop nu mezbah ikiijo' i Gilgal.