MATIUS 7:12 - KITAB NU TUMPU ALLA LELE MA'IMAI'

¹² O bau na mian sangga'at sumo apaa na anu oka'ima'i nu bau nu aha hi komiu. Aijo'mo na batunyo nu atulan i Musa, ka' pangajalan nu to nabi-nabi.”

MATIUS 7:12 ပူးပေါင်းရင်းမြစ်များ

YEHEZKIEL 18:21

De mian anu ma'idek na kinyonyoanyo madi'mo daagi' mombau dosa' ka' sola'mo montuluti iwi-iwi' na atulan-Ku ka' mombaumo palabuatan anu ma'ima' ka' anumo ahi' sahondo-hondonyo ia na madi' ahi' silaka.

IMAMAT 19:18

Boli mombalosi kasala'an nu mian ka' boli mongka'ideki mian sangga'at, panyo kanonongi na sangko mian susumo belemiu mongkanonongi posi butong nu belemiu! Akumo na Tumpu.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MALEAKHI 3:5

Notatae na Tumpu Anu Daka' na Kuasanyo, “Aku tokamo mae hi belemiu da momputusimo. Aku malia'mo timbali sakisi de momputusimo to tukang-tukang sihir, to mia-mian anu lewa' masala', anu tinimbali sakisai baleko', hi anu madi' adin na mombee'i gaji kona hi aha mian anu mongala tambo, hi aha anu madi' ko ka'adilannyo kona hi aha to balu-balu, to ana-anak anu madi'mo ko tuumanyo ka' tinanyo, ka' aha mian nu salipu'an mae, ka' mule' kona hi aha mian iwi-iwi' anu madi' mongadati Aku.”

MATIUS 5:17

“Boli monsangka saba' Aku toka da mohapusi atulan i Musa tiba ajalan nu to nabi-nabi. Aku toka misa' da mohapusi, panyo da mopotiju' alati'nyo anu sahondo-hondonyo.

LUKAS 6:31

Obau na kalakuan hi mian sangga'at sumo anu oka'ima'i miu, nubau nu aha hi komiu.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

YAKOBUS 2:8

Komiu nombaumo anu totu'u, de komiu nontulutimo atulan nu Kalaja'an anu tuli-tulis i uno nu ayat nu Kitab nu Tumpu aiya, “Okalibosi na sangko mian, sumo komiu mongkalibosi posi butong miu.”