MATIUS 6:9 - KITAB NU TUMPU ALLA LELE MA'IMAI'

⁹ Jadi balado'a sumo uuka, ‘Tuuma mami isuluga': Sa'a-sa'angu'nyo kita na Tumpu. O'amalakon kitamo na anu o sombah ka' anu o'angga'i.

MATIUS 6:9 ပူးပေါင်းရင်းမြစ်များ

2 SAMUEL 7:26

Toka-toka iyaya mae mian saja' mompopodaka' sanggo nu belento Tumpu ka' montaloakon, 'Tumpu Anu Daka' na kuasanyo aijo'mo Tumpu Allah nu aha Israel.' Sahingga sampe toka sidu-sidutu' samian na anu lengkat mae hi lee'ku namompalentah salaku tomundo' hi bansa aiya.

1 TOMU-TOMUNDO' 8:43

O poita da itina' mae i kajojoongan nu Belento i suluga' o hongo mae nu Belento na do'anyo ka' bee'mo apaa na anu pinoitanyomo. Sahingga iwi-iwi' na bansa i songko-songko na dunia monsumbu'mo Belento ka' montulutimo Belento susumo mian nu Israel anu pinalesaya'mo. Da nusumbu' nu aha na laigan anu ku bau aiya bau tampat ponsomban Belento.

1 TAWARIKH 17:24

Iyaya mae na mian saja' mompopodaka' sanggo nu Belento, ka' motatae, ‘Tumpu anu Daka' na kuasanyo aijo'mo na Tumpu Allah nu Israel.’ Sampe toka sidu-sidutu' samian na lee'ku na mompalentah salaku tomundo'.

2 TAWARIKH 20:6

ka' binalado'amo daka-daka' na notatae, “O Tumpu, Tumpu Allah nu mompolee' mami! Belento Tumpu Allah kiita' i suluga' ka' mompalentah iwi-iwi' na bansa i dunia aiya. Daka' hondo na kuasa nu belento, ka' madi' opoko hungku'i; madi' ko mian anu moko ala mongewa belento.

NEHEMIA 9:5

Aha nonsombahmo Tumpu Allah nu aha i sinaa aitu tinampu'unan nu aha to mia-mian nu aha Lewi aijo'mo: i Yesua, i Kadmiel, i Bani, i Hasabneya, i Serebya, i Hodia, i Sebanya, ka' i Petanya. Aha notataemo: “Tinjomo ka' puji' na Tumpu Allah-nto! Opuji' na Ia sampe toka sidu-sidutu'! Opuji' na sanggo-Nyo anu saja' opopodaka', sanggo anu opalias molingkudui iwi-iwi' na bau pompuji'.”

MAZMUR 111:9

Ia nompobebasmo mian anu palesayamo hi Ia, ka' nombaumo palajanjian anu sampe toka sidu-sidutu' tiba aha. Iamo na Tumpu anu susi' ka' baani!

MAZMUR 115:3

Tumpu-nto kiita' mae i suluga', Ia nombaumo apaa na anu tinanga'an-Nyomo.

MAZMUR 72:18

Opuji' na Tumpu, Tumpu nu aha Israel! Ola Ia na timbali mombau han anu okabangangi.

YESAYA 37:20

O, Tumpu, Tumpu mami, posalamat mae na kami da madi' nu patei nu aha mian Asyur haha aijo' da iwi-iwi' na bansa idunia aiya monsumbu' saba' ola-olanyomo ahi' Belento na Tumpu.”

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 6:3

Aha motatae daka-daka' hi samian toka hi samian: “Susi', susi', susi'. Susi' na Tumpu Anu Daka' na Kuasanyo. Ia anu talasanggo Nu songkohi na dunia aiya.”

YESAYA 63:16

Te misa' Belentomo ahi' na Tuuma mami? I Abraham tiba i Yakub madi' Monsumbu' kami. Panyo belento o, Tumpu atina'mo ahi na Tuuma mami anu Nomposalamatmo kami daagi' pe'e naipuan mae.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

YEHEZKIEL 36:23

Ku potoamo na kasusi'an nu sanggong-Ku anu balakuasa aijo', sanggo anu ihumimi'anmo nu belemiu hi aha to bansa-bansa, sahingga nu sumbu'je nu aha taalu' Akumo ahi' na Tumpu. Aku, Tumpu Anu Matangkas na Kuasanyo notataemo. Ku pakemo na belemiu da momponyata' hi aha bansa-bansa taalu' Aku aiya susi'. Tumpu anu Susi' hondo.

YEHEZKIEL 38:23

Tiba jalan anu sumo aijo' na Aku mompotoa hi sinin na bansa taalu' Akumo ahi' aiya na anu daka' na kakuasa'an tiba mule' susi'. Sahingga nu sumbu'je nu aha taalu' Akumo ahi' na Tumpu.”

IMAMAT 10:3

Lantas i Musa notataemo hi Harun, “Aijo'mo na anu kokoonyo nu Tumpu tempo'nyo Ia notatae, 'Iwi-iwi' na anu mombau apaa na anu Ku poto'i tionyo ahi' mongadati kasusi'an-Ku. Aku mompotoamo katalasanggoan-Ku hi aha iwi-iwi' bansang-Ku.' ” Panyo i Harun ola nomohokot.

HABAKUK 2:14

Panyo susumo ambai pinobuke'anmo nu uee sumo aijo'mo na dunia aiya pinobuke'anmo nu ilimu' mongkona Tumpu tiba mule' ahi' kakuasa'an-Nyo.

ZAKHARIA 14:9

Sahingga Tumpu mompalentahmo salaku tomundo' i songko-songko na dunia; toto samian monsombahmo Ia salaku Tumpu ka' monsumbu'mo Ia i uno nu sanggo anu pokakana.

MALEAKHI 1:11

Aku o adati nu mian iwi-iwi' isongko-songko na dunia. Iyayamae kamangian opapui salaku bau pongadati sanggong-Ku ka' osombahkon suele na koloban-koloban anu memang ahi' pantas, kalana iwi-iwi' na bansa mongadati mae Aku!

MATIUS 10:29

Ohua' na tomonsi' peheet timbali o oli nu samata na doi anu talalo ise'. Mau mule' sumo aitu madi' ko sa'angu' pe'e manabu' i tano' de madi' kalana pongka'oho' nu Tuumaum.

MATIUS 23:9

Ka' boli komiu molaga, mau pe'e ola samian i dunia aiya, ‘Tuuma’, kalana Tuumaum ola samian, aijo'mo Tuuma anu Kiita' i Suluga'.

MATIUS 26:29

Palesayamo: Aku madi' mompo'ule' monginum anggur aijo' sampe toka i tempo'nyo Aku monginumje anggur anu bu'ou hingga-hinggat tiba komiu i Dunia Bu'ou nu Tuumang-Ku.”

MATIUS 26:42

Po'ule' mule' i Yesus namba binalado'a, Ia notatae, “Kita Tuuma, de kasansala'an aiya tionyo Ku oa'i, ka' madi' opoko pojo'onakon, bakas pongka'oho'mo nu Kita Tuuma na jadi.”

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

MATIUS 5:48

Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

MATIUS 6:14

De komiu mongampuni mian anu mombau sala' hi beleyum, Tuumaum i suluga' suele mongampunije kasala'anum.

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

MATIUS 7:11

Mau mule' komiu ma'idek, komiu suele mombee' anu ma'ima' hi to ana-anakum. Apaa mule' Tuumaum i suluga'! Ia lebe mule' mombee' anu ma'ima' hi mian anu momoita hi Ia.

LUKAS 15:18

Aku molengkatmo ka' mamba hi tuumangku, ka' motatae hi ia: Papa, aku binala dosa'mo i ahop nu Tumpu ka' i ahop nu kita tuumangku.

LUKAS 15:21

‘Papa,’ tukoonyo nu anak aijo', ‘aku binala dosa'mo i ahop nu Tumpu tiba hi Papa. Madi'mo nukona na aku osanggohi anak i Papa.’

LUKAS 2:14

“Puji' na Tumpu i langit anu matangkas hondo! Ka' i bawo nu dunia, salamatmo na mian anu momposanang kinyonyoa nu Tumpu!”

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

ROMA 8:15

Kalana Roh nu nubee' nu Tumpu hi komiu, madi' monsaduakon komiu timbali botuan, sahingga komiu tumuu' i uno nu kabuhukan. Ola o, Roh nu Tumpu aijo' mompotimbali komiu to ana-anak nu Tumpu. Ka' kalana kuasa nu Roh nu Tumpu aijo', kita molaga Tumpu aijo', “Tuuma, o Tuumangku!”

GALATIA 1:1

To Utu-utus jama-jama'at i da'erah Galatia, Aku, i Paulus, ka' iwi-iwi' moto utus Kristen anu tiba aku, montaha'imani ka' o amalakon da Tumpu Tuumanto ka' Tumpu Yesus Kristus mombee'i balakat ka'ima'an hi komiu. Aku tinimbali rasul misa' ola pongka'oho' nu manusia kabai kalana i hangkat nu manusia, panyo i Yesus Kristus ka' Tumpu Allah Tuumanto anu nompo'ule'mo nompotumuu' Ia sinilaka.

GALATIA 4:6

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.”

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

ANU PINOTO'I HI YOHANES 4:11

“O Tumpu, o Tumpu mami! Ola Belento na pantas montalima pompuji', pongadati ka' kuasa. Kalana Belento na nompotimbali iwi-iwi' na apaa, ka' kalana pongka'oho' nu Belento suele iwi-iwi' apaa tinimbalimo, ka' tinumuu'mo.”

ANU PINOTO'I HI YOHANES 5:12

Ka' dinaka-daka'an nu aha na nanyanyi, “Anak nu domba anu kinolotmo aijo', pantas na montalima kuasa, kakaya'an, kapandean, ka' kahosonan; Ia pantas o adati, opopodaka' ka' o puji-puji'!”