MATIUS 6:7 - KITAB NU TUMPU ALLA LELE MA'IMAI'

⁷ De komiu balado'a, boli opo uli-ulit sumo to mia-mian anu madi' monsumbu' Tumpu. Aha monsangka, saba' poitaon nu aha tionyo Nu hongo, sabab do'a nu aha anu mantan aijo'.

MATIUS 6:7 ပူးပေါင်းရင်းမြစ်များ

ANU MOMPOLELE POTATAE NU TUMPU 5:7

De montoa polaya' mongkabisa'i mian anu kasiasi boli bangang, mongagoi hak nu aha ka' madi' mombee'i aha ka adilan. Toto samian na pegawenyo nu lindungi nu atasannyo ka' ua-ua aha aijo' na aha nu lindungi nu anu lebe matangkas na pangkatnyo.

MATIUS 18:17

De ia madi' montalima pokinde' nu to mia-mian aijo', poto'i na han aijo' hi jama'at. Ka' kahimpusannyo de ia madi' mongka'oho' montalima pokinde' nu jama'at, anggapmo na ia sumomo anu montage hasin, ka' samian anu madi' monsumbu' Tumpu Allah.”

MATIUS 26:39

Lapas aitu, i Yesus namba gagana' majo'on, lantas Ia tinolodadupumo i tano' ka' binalado'a. “Kita Tuuma”, Ia notatae, “de timbali pojo'onakon mae hi beleng-Ku na kasansala'an-Ku anu tionyo Ku oa'i aijo'. Panyo boli mombatuki pongka'oho'-Ku, panyo batukimo na pongka'oho' nu Kita Tuuma.”

MATIUS 26:42

Po'ule' mule' i Yesus namba binalado'a, Ia notatae, “Kita Tuuma, de kasansala'an aiya tionyo Ku oa'i, ka' madi' opoko pojo'onakon, bakas pongka'oho'mo nu Kita Tuuma na jadi.”

MATIUS 26:44

Po'ule' mule' i Yesus nompala'i aha kinopintolunnyo da balado'a ka' nontaeakon potatae anu pokakana.

MATIUS 6:32

Hahan aijo' saja' pagala o lio nu to mia-mian anu madi' monsumbu' Tumpu. Padahan Tuumaum anu i suluga' monsumbu', saba' komiu mompalalui iwi-iwi' aijo'.

SISIKON NU TO RASUL-RASUL 19:34

Panyo salatan aha nontoa taalu' ia mian nu Yahudi, nohingga-hinggat na aha noloboo' hoso-hoson, “Tumuu' na i Artemis, pilogot boune mian nu Efesus!”