MATIUS 6:6 - KITAB NU TUMPU ALLA LELE MA'IMAI'

⁶ Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

MATIUS 6:6 ပူးပေါင်းရင်းမြစ်များ

2 TOMU-TOMUNDO' 4:33

I Elisa nontumbanmo sabatan lantas ia binalado'amo hi Tumpu.

MAZMUR 34:15

patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

AMSAL 25:22

Tiba jalan anu sumo aijo', beleyum mombaumo la da ma'ambang ka' Tumpu mombalakatimo beleyum.

YESAYA 26:20

Pinsoopmo i uno nu laigan nu beleyum, o, belemiu bansangku, lantas tumbanmo mae na sabatan. Paninsulukmo mau ola sasaingoni' sampe Tumpu madi'mo motambuha'.

YESAYA 65:24

Ma'isa pe'e aha mongkakase mae, Ku taamimo na aha, ma'isa pe'e aha lapas na balado'a, Ku talimamo na do'a nu aha.

MATIUS 14:23

Salatan mian da'isan aijo' mambamo, i Yesus noliba'mo i sa'angu' na bungkutnyo sausa'nyo da balado'a. Tempo'nyo aitu pinihimo, i Yesus daagi' kiijo' mae sausa'nyo.

MATIUS 6:18

da madi' ko anu monsumbu' saba' komiu bapuasa', sangadinyo Tuumaum anu madi' kantoan aijo'. Ia montoa palabuatanum anu sulu-suluk aijo', ka' mombee'ije tamboonyo hi komiu.”

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

YOHANES 1:48

“Mosia na Kita Tuuma nonsumbu' aku?” pinokilawa i Netanael hi Yesus. I Yesus nontaami, “Ma'isa pe'e i Filipus nolaga beleyum, tinoang-Kumo na beleyum i patu nu kau' ara aijo'.”

YOHANES 20:17

“Boli o toongi na Aku,” koonyo i Yesus hi ia, “kalana Aku ma'isa noliba' namba hi Tuuma. Panyo lako'mo hi to utu-utus-Ku, ka' poto'iakon hi aha, taalu' uuka aiya Aku moliba'mo mamba hi Tuumang-Ku, ka' Tuumaum Tumpung-Ku, ka' Tumpuum.”

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

SISIKON NU TO RASUL-RASUL 10:9

Dodododopnyo sina-sinaa, hau-haunyo aha lumajang ka' malia'mo toka i Yope, i Petrus noliba' nokiita' i laigan ka' binalado'a.

SISIKON NU TO RASUL-RASUL 9:40

I Petrus nonsai aha iwi-iwi' mosabat, lantas ia dinumaladupu ka' binalado'a. Lapas aijo' ia nongahopi bangke' i Dorkas ka' notatae, “Tabita, pobulamo!” Sahingga i Dorkas nonjilakon matanyo, ka' salatan ia nontoa i Petrus, ia sinumuhangmo.

ROMA 8:5

To mia-mian anu tumuu' mombatuki sipat nu mian saja' mompopikilakon apaa na anu nukahanda'i nu sipat nu mian. Panyo to mia-mian anu tumuu' mombatuki pongka'oho' nu Roh nu Tumpu Allah, saja mompopikilakon apaa na anu nukahanda'i nu Roh nu Tumpu.

EFESUS 3:14

Mokonyo aitu aku tinolodadupumo i ahop nu Tuuma.