MATIUS 6:5 - KITAB NU TUMPU ALLA LELE MA'IMAI'

⁵ “De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

MATIUS 6:5 ပူးပေါင်းရင်းမြစ်များ

MAZMUR 5:2

O Tumpu, potombihingakon mae na potataengku, toakon mae na kasusa'anku.

MAZMUR 55:17

Panyo aku mongkakasemo hi Tumpu, Tumpuje na momposalamat aku.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 16:5

Iwi-iwi' na mian anu takabun nu ka'ideki nu Tumpu; Ian madi' mompojohok aha da madi' ohukum.

YESAYA 1:15

De komiu balado'a mohangkat lima nu belemiu, saba' Aku madi' mompalahatikan. Aku madi' mompajuli mau manjoo' na do'a nu belemiu, Aku madi' mohongo, kalana lima nu belemiu aijo'mo na anu pinatean nu belemiu.

YEREMIA 29:12

Sahingga belemiu momoitamo mae tulung hi beleng-Ku. Belemiu tokamo mae balado'a hi beleng-Ku ka' Ku taamimo na do'a nu belemiu.

DANIEL 6:10

Sahingga i Tomundo' Darius nontekengimo sulat palentah aijo'.

MATIUS 21:22

Mau mule' apaa na anu opoita miu i uno nu do'aum, tionyo o humpak miu, asan komiu palesaya.”

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

MATIUS 23:6

Aha mongka'ima'i tampat anu ma'ima' i bau-bauon ka' kulusi anu ma'ima' hondo i to lai-laigan pogalejaan.

MATIUS 6:1

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:2

Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

MATIUS 9:38

Kalana aijo' poita hi tumpu nu ale' aijo', da ia monsai mae anu mompadak padakonnyo.”

MARKUS 11:25

Ka' de komiu balado'a, panyo kinyonyoaum madi' sanang hi samian ka' samian, ampuni pe'e na mian aijo', da Tuumaum i suluga' mule' mongampuni dosa-dosa'um. [

MARKUS 12:38

Ia notatae hi aha, “Balajaga-jaga hi to gulu-gulu' agama. Aha mongka'ima'i kolalaajang tiba jubah anu mantan ka' mongka'ima'i otabea'i i to pasan-pasan.

LUKAS 11:43

Silaka na komiu, to mia-mian nu Farisi! Komiu mongka'ima'i tampa-tampat anu o angga'i i uno nu laigan pogalejaan, ka' ka'oho' o adati i pasa-pasan.

LUKAS 18:1

Lapas aijo' i Yesus nonsisikakonmo sa'angu' na kantuangan da bau pompotingan anu saja' mombatuki Ia, da aha aja' balado'a, ka' boli mongoa'i susa'.

LUKAS 18:13

Panyo topo tage hasin aijo' tinuminjo jo'o-jo'on ka' madi' baani montihanga langit. Ka' nompanyamo saha'annyo ia notatae, ‘O Tumpu, kalibosiakon na aku mian baladosa' aiya!’ ”

LUKAS 20:47

Aha mongakali to balu-balu, ka' mongagoi laigannyo. Ka' da bau pongkulubi ka'idekan nu aha aijo', aha balado'a manta-mantan! Hukuman nu aha saidi' mae maboat!”

LUKAS 6:24

Panyo silaka na komiu anu kaya uuka aiya; kalana komiu nongoa'imo kasanangan!

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

EFESUS 6:18

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

1 TESALONIKA 5:17

ka' saja' balado'a.

YAKOBUS 4:6

Mau mule' sumo aijo', balakat nu Tumpu anu binee'nyomo hi kita lebe daka' molingkudui pongka'oho' nu rohto aijo'. Mokonyo aijo' i uno nu Kitab nu Tumpu tinulis mule', “Tumpu mompisala'i anu ko bubuun, panyo mule' Ia mongkalibosi mian anu kinyonyoanyo mati aluk.”