MATIUS 6:4 - KITAB NU TUMPU ALLA LELE MA'IMAI'

⁴ Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

MATIUS 6:4 ပူးပေါင်းရင်းမြစ်များ

MAZMUR 139:12

saba' pintung aijo' madi' ahi' mompintungi Belento; malom aijo' majingkamo susumo sinaa, ka' pintung aijo' susumo jingka.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

MAZMUR 44:21

De maluanyo kami madi'mo monsombah Tumpu, lantas balado'amo hi pilogot sangga'at,

AMSAL 25:22

Tiba jalan anu sumo aijo', beleyum mombaumo la da ma'ambang ka' Tumpu mombalakatimo beleyum.

YEREMIA 17:10

Aku, Tumpu monselidiki kinyonyoa kinyonyoa nu manusia Ku uji'. Batu-batu mian Ku balosakon sitimbang tiba kalakuannyo, ka' Ku bee'i hukuman sitimbang tiba palabuatannyo.”

YEREMIA 23:24

Madi' ko samian na moko ala momposuluk butongnyo da madi' Ku toa, kalana Aku daagi' iyaya mae na tampat: kiita' isuluga' ka' aiya idunia.

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

MATIUS 6:18

da madi' ko anu monsumbu' saba' komiu bapuasa', sangadinyo Tuumaum anu madi' kantoan aijo'. Ia montoa palabuatanum anu sulu-suluk aijo', ka' mombee'ije tamboonyo hi komiu.”

MATIUS 6:3

Panyo komiu, de komiu mombee' sadaka', bee'mo hoko-hokot, da madi' ko anu monsumbu'.

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

LUKAS 14:14

Beleyum obalakati, kalana mian haha aijo' madi' moko ala mombalosi ka'ima'anum. Ka'ima'anum nubalosije nu Tumpu, de to mian-mian anu ma'ima' po'ule'mo je opotumuu' mau ia silakamo.”

LUKAS 8:17

Madi' ko anu sulu-suluk na madi' kantoan; ka' madi' ko anu ohokotakon na madi' o hongo ka' osumbu'.

1 KORINTUS 4:5

Mokonyo aijo', kalana misa' pe'e tempo'nyo, boli komiu lia-lia' montantukan batu-batu mian kosala'nyo kabai madi'. Tanda'i tokaje na Tumpu. Iaje na mompoto'i iwi-iwi' lahasia anu sulu-suluk i uno nu pintung. Iaje na mompotalang tanga'an anu sulu-suluk i uno nu kinyonyoa nu mian. Tempo'je aitu ka' batu-batu mian mohumpak pompuji' lengkat hi Tumpu anu patut nu talima.

IBRANI 4:13

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

YUDAS 1:24

Tumpu, na anu moko ala monjagai da komiu madi' manabu', ka' anu moko ala momboa komiu i ahop-Nyo anu talasanggo ka' mongoa'i lame' ka' madi' ko apa-apaa na anu sinala'.

ANU PINOTO'I HI YOHANES 2:23

Anu mombatuki ia Kupatei suele da iwi-iwi' na jama'at sinsumbu' saba' Akumo na Ia anu mompangalati'i pikilan ka' kinyonyoa nu mian. Komiu Ku balosije sumo apaa na anu binaumo miu i toto samian.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.