MATIUS 6:33 - KITAB NU TUMPU ALLA LELE MA'IMAI'

³³ Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MATIUS 6:33 ပူးပေါင်းရင်းမြစ်များ

1 TOMU-TOMUNDO' 17:13

Boli bata-bata, “Pontina'on!” na koonyo i Elia hi ia, “Baumo Pontina'on na anu o kaan bau bagi nu belento Pontina'on ka' mule' bau bagi nu anak nu belento Pontina'on. Panyo' anu momonanyo pe'e obaui aku, sa'angu' na roti ise-ise', te labu ka' lanya' ititina' na obau ka' boa mae hi belengku.

MAZMUR 112:3

Aha sa'anakan kayamo ka' madi'mo susa', ka' ia sanangmo na kantumuu'annyo sampe toka sidu-sidutu'.

MAZMUR 37:25

Salatanmo pe'e aku daagi' olitau sampe aku ilangkai'mo ma'isa toho' aku nontoa mian anu ma'ima' na kinyonyoanyo nu pala'i nu Tumpu, kabai lee'nyo tinimbalimo mian anu ola saja' momoita apa-apaa hi mian.

MAZMUR 37:3

Palesaya hi Tumpu, ka' pombaumo palabuatan anu ma'ima' jojoongmo ilipu' aijo' ka' mingkalakuanmo ahi' tulu-tulutan.

AMSAL 10:3

Tumpu madi' mompojohok mian anu manonong kakulangan i anu okaan; panyo Ia madi' mombee'i kasampatan mian anu ma'idek nakalakuannyo sahingga mian aijo' madi' moko ala mohumpak anu nu ka'ma'i.

AMSAL 28:10

Ihe na pagala monsale'i mian anu madi' tageo' na kinyonyoanyo da mombau anu ma'idek, ia saidi mae minsoop mo i uno nu so'o. Mian anu belesi' na kinyonyoanyo saidi mae obalakati, sahingga mohumpakmo kantumuu'an ma'ima'.

AMSAL 8:18

Hi belengku sinadiamo na kakaya'an ka' suele kaholomatan ka' ka'ima'an nu kantumuu'an.

ANU MOMPOLELE POTATAE NU TUMPU 10:2

Pantasnyomo ahi' de mian anu pande mombau kalakuan anu ma'ima; ka' mian anu ponga' mombau kalakuan anu ma'idek.

YESAYA 26:9

Santuu'ku saja' monginau' Belento de pihimo kinyonyoangku montaha'imani Belento de subu-subumo. De Belento momputusimo palakala nu dunia aiya, nu sumbu'je nu mian anu jojoong idunia aiya apaa na anu sahondo-hondonyo.

YESAYA 33:6

ka' mombee'i ka amanan hi aha mian anu palesayamo hi Ia. Halata' anu momposalamat aha aijo'mo kapandean tiba ilimu' ka' mule' moholomati Tumpu.

YESAYA 45:24

To mia-mian saidi' mae montaloakonmo, ‘Ka'adilan tiba kahosonan samata-mata lengkat mae hi Tumpu!’ Iwi-iwi' na mian anu nongka'idekimo Aku, tokamo mae hi beleng-Ku ka' ma'ambangmo.

YEREMIA 23:6

De ia na mompalentah, mian nu Yehuda salamatmo ka' mule' mian nu Israel tumuu'mo madi'mo ko anu mompoposia. Tomundo' aijo' osanggohimo ‘Tumpu anu momposalamat Kita’.

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MATIUS 5:6

Bila-bilahi na mian anu molibos na mombau pongka'oho' nu Tumpu; Tumpu mompopuasje aha!

LUKAS 1:6

Kantumuu'an moto bengkele' aijo' momposanang kinyonyoa nu Tumpu. Ua-ua'aha tulut hondo i palentah ka' Atulan nu Tumpu Allah totu-totu'u.

LUKAS 12:31

Panyo komiu tionyo ko usaha da Tumpu mompalentah i kantumuu'an miu, sahingga anu sangga-sangga'at aijo' obee'je nu Tumpu hi beleyum.”

YOHANES 5:4

Kalana toto minsan malaikat nu Tumpu mintatau' i talaga aijo' ka' mongkembong ueenyo. Ka' mian masakit anu momona makakiop i talaga aijo' de ueenyo mokokembongmo tionyo ma'alin mau mule' panyakit apaa na o'oa'i.]

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

SISIKON NU TO RASUL-RASUL 20:25

Aku nambamo nolenga to Utu-utus iwi-iwi' ka' nompolelemo suele mongkona mosia na Tumpu mompalentah susumo Tomundo'. Uuka ku oa'i madi'mo daagi' mompahakabot tiba to Utu-utus.

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64

ROMA 1:17

Kalana tiba Lele Ma'ima' aijo', Tumpu nompotiju'mo mosia na bau-baunyo pompahasumbu'an nu mian tiba Tumpu po'ule'mo na'ima'; baunyo aijo'mo palesaya hi Tumpu lengkat pe'e imoonanyo toka-toka i kahimpusannyo. Aijo' pokakana sumo anu tinulismo i uno nu Kitab nu Tumpu, “Mian anu palesayamo hi Tumpu sahingga pompahasumbu'an tiba Tumpu po'ule'mo ma'ima', mian aijo' tionyo tumuu'!”

ROMA 10:3

Aha madi' monsumbu' jalannyo nu Tumpu mombau pompahasumbu'an nu mian, tiba Ia mompo'ule' ma'ima'. Ka' kalana aha ola mosi bau pongka'oho' nu aha, sahingga aha madi' tundu' i jalan anu nupotiju' nu Tumpu.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 3:22

I Paulus, i Apolos, i Petrus, dunia aiya, kantumuu'an tiba kasilakan, tempo' uuka, kabai tempo' anu tokaje mae, iwi-iwi' beleyumo na tumpunyo.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

FILIPI 3:9

ka' totu-totu'u mosa'angu'mo tiba Ia. Pompahasumbu'an anu ma'ima' tiba Tumpu, madi'mo daagi' ku posi lio nu jalan montuluti atulan nu agama. Uuka aiya aku kino pompahasumbu'anmo anu ma'ima' tiba Tumpu, kalana aku pinalesayamo hi Kristus. Jadi, pompahasumbu'an anu ma'ima' aijo' tinoka lengkat mae hi Tumpu Allah, ka' mimpu'u kalana palesaya hi Yesus Kristus.

2 TESALONIKA 1:5

Ka' aiyamo na kanyata'annyo mosia na ko adinnyo na Tumpu Allah momputusi: Komiu nongoa'imo kasansala'an kalana Dunia Bu'ou nu Tumpu, ka' kalana aijo' komiu timbalimo pantas minsoop i unonyo.

1 TIMOTIUS 4:8

Mompobiasa mongajan kantumuu'an nu butong ola sangkiding na gunanyo, panyo mompobiasa mongajan rohani mingguna i uno nu iwi-iwi' na han, kalana daagi' ko anu jinanji'mo ola bau kantumuu'an i tempo' uuka aiya ka' i tempo' anu tokaje mae imihinyo.

2 PETRUS 1:1

To Utu-utus anu totu-totu'u pinalesayamo sumo kami! I Yesus Kristus, aijo'mo Tumpu ka' Tomundo anu Momposalamat kita, nompotimbalimo kita palesaya hi Ia, kalana Ia nombaumo anu totu'u. Sulat aiya lengkat mae hi Simon Petrus, samian na posaihon ka' rasul i Yesus Kristus.

2 PETRUS 1:11

Tiba jalan anu sumo aijo' komiu obee'i hak totu-totu'u da minsoop i Kalaja'an anu sampe toka sidu-sidutu' lengkat mae hi Tumpu ka' Tomundo anu Momposalamat kita i Yesus Kristus.