MATIUS 6:32 - KITAB NU TUMPU ALLA LELE MA'IMAI'

³² Hahan aijo' saja' pagala o lio nu to mia-mian anu madi' monsumbu' Tumpu. Padahan Tuumaum anu i suluga' monsumbu', saba' komiu mompalalui iwi-iwi' aijo'.

MATIUS 6:32 ပူးပေါင်းရင်းမြစ်များ

1 TOMU-TOMUNDO' 19:6

I Elia noposilele'mo duhu-duhuk, lantas nontoamo koko ubaknyo saangu' na roti anu tinunu ka' selekan ko isinyo uee. Kinaannyomo ka' inginumnyomo, lapas aijo' po'ule' mule' ia nale'.

MAZMUR 103:13

Susumo tuuma mongkalibosi to ana-anaknyo, sumo aijo'mo na Tumpu mongkalibosi mian anu tulu-tulutan hi Ia.

MAZMUR 17:14

Boli mae na aku nupoposia nu to mia-mian anu montambun halata' nu aha i dunia aiya. Hukum na aha nu balaa' anu pinotoukamo nu Belento pohukum aha. Ka' to maku-makumpu nu aha suele ahi' o hukum.

YEREMIA 45:5

Kadaka' beleyum mongindimo da opopodaka'? Boli sumo aijo', Barukh! Iwi-iwi' na manusia Ku hukumo nu balaa', panyo beleyum na maumo ahi' pa' mosiamo tionyo ahi' opotumuu'. Maumo ahi' pa' moya na kalambanan nu beleyum, beleyum na tataap ahi' tumuu'. Aku, Tumpu notataemo.”

MATIUS 6:8

Boli sumo aha. Sinumbu'mo nu Tuumaum apaa na anu opalalui miu, mau ma'isa pe'e komiu nomoita.

LUKAS 12:30

Hahan sumo aijo' nu tumput nu mian anu madi' monsumbu' Tumpu. Padahan Tuumaum, monsumbu', komiu mompalalui iwi-iwi' aijo'.

EFESUS 4:17

Mokonyo aijo' tiba sanggo nu Tumpu, aiyamo na anu ka'oho' kutaloakon ka' kupokeman: bolimo daagi' tumuu' sumo to mia-mian anu madi' monsumbu' Tumpu, ka' mompopikilakon anu madi' mingkaliangan.

FILIPI 4:19

Tumpu anu kusombah, anu manjo-manjoo' na kakaya'an hi Kristus Yesus, momposukupakonje kapalaluan miu.

1 TESALONIKA 4:5

Boli tumuu' mombatuki kahanda' nu napisu hi bengkele'um, sumo anu nu bau nu to mia-mian anu madi' monsumbu' Tumpu.