MATIUS 6:28 - KITAB NU TUMPU ALLA LELE MA'IMAI'

²⁸ Kadaka' komiu bata-bata mongkona pakean miu? Palahatikan na to bunga-bunga bakung anu tumuu' i padang. Bunga-bunga aijo' madi' mokalaja ka' madi' montonun;

MATIUS 6:28 ပူးပေါင်းရင်းမြစ်များ

HOSEA 14:5

Tumpu notatae, Mian-Ku anu palesayamo nonoteba'mo na kalakuannyo po ule'mo Ku ala, ka' kinyonyoang-Ku totu-totu'u mongkalibosimo aha madi'mo daagi Ku tambuha'i.

MATIUS 10:10

Boli mule' momboa botutu nu sadaka', kabai ohua' na paan na pakean bau kapalaluan nu lumambanannum, kabai sapatu, kabai tokon. Sabab mian anu mokalaja kakonannyomo na mohumpak tambo de ia palalumo.

MATIUS 6:25

Kalana aijo' o inau'; boli bata-bata i kantumuu'anum apaa na anu o kaan miu ka' o inum, kabai apaa na anu o pake miu. Te misa' kantumuu'an molingkudui anu o kaan, ka' butong molingkudui pakean?

MATIUS 6:27

Ihe na hi komiu anu kalana bata-bata timbali mompomantan umunnyo mau mule' sangkiding?

MATIUS 6:31

Boli bata-bata ka' motatae, ‘Apaa na anu o kaanto’, kabai ‘apaa na anu o inumto’, kabai ‘apaa na anu o pakento’?

LUKAS 10:41

“Marta, Marta!” tinaaman nu Tumpu. “Beleyum bata-bata ka' tasiaga mompopikilakon, aiya ka' aijo',

LUKAS 12:11

De komiu oboa i to lai-laigan pogalejaan da opalesa i ahop nu pamalentah kabai anu ko kuasa, boli bata-bata mongkona mosia na komiu tionyo mompototu'u butong, kabai mongkona apaa na anu tionyo otaloakon miu.

LUKAS 12:22

Lantas i Yesus notatae hi anu saja' mombatuki Ia, “Aijo' na sababnyo Aku motatae, ‘Boli bata-bata mongkona kantumuu' anum, aijo'mo pa' apaa na anu okaan miu, kabai apaa na anu opake miu.’

LUKAS 12:27

Soba potomatakon mosia na bunga-bunga bakung tumuu'; bunga-bunga aijo' madi' mokalaja, madi' mule' montonun. Panyo i Tomundo' Salomo anu kaya sumo aijo' madi' mompake pakean anu ko ima'nyo sumo bunga-bunga aijo'!

LUKAS 3:11

I Yohanes nontaami, “Mian anu ko baju' ohua', tionyo mombee'i sa'angu' hi mian anu madi' ko baju'; ka' anu daagi' ko kaanon tionyo mombagi.”

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

1 PETRUS 5:7

Sampa' o'asanakon iwi-iwi' hi Tumpu na anu ma'isa talalo matantu i uno nu kinyonyoa nu belemiu, kalana Ia na mongkalesang komiu.