MATIUS 6:2 - KITAB NU TUMPU ALLA LELE MA'IMAI'

² Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

MATIUS 6:2 ပူးပေါင်းရင်းမြစ်များ

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 37:21

Mian anu ma'idek na kinyonyoanyo monsabon hi mian ka' madi'mo daagi' monsule'akon panyo mian anu ma'ima' na kinyonyoanyo na mombee'i ahi' ka' sanang ahi' na kinyonyoanyo.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

AMSAL 20:6

Manjoo' na mian anu mangaku butongnyo salaku sangalu panyo anu totu-totu'u tulu-tulutan, mahan na okabot.

ANU MOMPOLELE POTATAE NU TUMPU 11:2

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.

YESAYA 10:6

Kusaimo na aha Asyur da mamba montumbuhi bansang-Ku anu madi'mo nompalesaya Aku ka' nonsabapimo da Aku notambuha'mo. Sinaing-Kumo na Asyur da mompahuhuakon mae ka' mule' da montomangi ka' mompahampeja'akon bansang-Ku susumo abu' aijo' ijalan.”

YESAYA 58:7

Obagi na kaanon nu belemiu hi mian anu mo'ohopmo, otalima na to mia-mian anu mahalajangan i laigan nu belemiu. Obee'i baju' na mian anu langgo' ka'boli mojalo i utus nu belemiu anu palalumo otulungi.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

HOSEA 8:1

Tumpu notatae, “Po'onyi'mo na tanda kalana ko lobosmo mae montumbuhi. Sampobali' montumbuhimo mae lipu'-Ku susumo bonyia' monsabutmo kaanonnyo! Mian-Ku anu palesayamo nolanggaimo palajanjian-Ku tiba aha ka' madi'mo nontuluti pangajalan-Ku.

MATIUS 15:7

Komiu mian baleko'! Kona hondo apaa na anu tinaeakonmo i Yesaya mongkona komiu, aitumo,

MATIUS 16:3

Ka' daagi' subu komiu motatae, ‘Sinaa aiya ujanmo, saba' langit momea' ka' mohungkom.’ Jadi, komiu timbali mongkila-kila loonu, kalana montoa baunyo nu langit, padahan tanda-tanda nu tempo'nyo kiamat madi' opoko kila-kila miu!”]

MATIUS 22:18

I Yesus monsumbu' tanga'an nu aha anu ma'idek aijo', jadi Ia notatae, “He to mia-mian anu geguan! Kadaka' komiu molio-lio kasala'an-Ku?

MATIUS 23:5

Iwi-iwi' anu nu bau nu aha ola da nu toa nu mian. Aha sangaja' mompake kahohon anu opake balado'a opobolaa ka' opo uli-ulit ka' mompomantan na jambu-jambu nu juba' nu aha!

MATIUS 23:6

Aha mongka'ima'i tampat anu ma'ima' i bau-bauon ka' kulusi anu ma'ima' hondo i to lai-laigan pogalejaan.

MATIUS 24:51

Saba' posaihon-posaihon aijo' pinahandokeakon totu-totu'u nu tuannyo ka' ingalin nokiijo' i tampat nu to mia-mian anu palangues. Aha humaang ka' mongoa'i sansala i kiijo' mae.”

MATIUS 5:18

O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:3

Panyo komiu, de komiu mombee' sadaka', bee'mo hoko-hokot, da madi' ko anu monsumbu'.

MATIUS 6:5

“De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

MATIUS 7:5

Ee baleko'! Alinakon pe'e na pangkot i posi mataum, timbalije beleyum montoa totu-totu'u, ka' timbali mongalinakon sangkunyit na kau' i mata nu utusum.

MARKUS 12:39

Aha mongka'ima'i i tampa-tampat anu talalo ma'ima' i laigan pogalejaan, ka' i to lame-lamean.

MARKUS 7:6

I Yesus nontaami, “Komiu to mia-mian baleko'! Totu'u hondo apaa na anu tinaeakon i Yesaya mongkona komiu, aijo'mo, ‘Sumo aiya na koonyo nu Tumpu. To mia-mian aijo' ola ahi' monsombah Aku nu potatae, panyo kinyonyoa nu aha majo'on lengkat hi beleng-Ku.

LUKAS 11:41

Anu i uno nu mangko' ka' i leanum aijo', aijo'mo na anu tionyo obee' miu hi to mia-mian anu kasiasi. Tiba jalan aijo', iwi-iwi' timbalije mompobelesi' butong komiu.

LUKAS 11:43

Silaka na komiu, to mia-mian nu Farisi! Komiu mongka'ima'i tampa-tampat anu o angga'i i uno nu laigan pogalejaan, ka' ka'oho' o adati i pasa-pasan.

LUKAS 12:33

Pobaluk na anu daagi' hi beleyum ka' bee' na doinyo hi mian kasiasi. Pombaumo dompet bau kapentingan nu butongum, anu madi' toho' ma'idek, aijo'mo halata' anu opo una' i suluga'. Halata' aijo' madi' ko kapolapusannyo, kalana madi' nupoko ala nu anu buling, ka' atak madi' moko ala mongidei.

LUKAS 12:56

Komiu mian anu mongka'ima'i saja' mimpula-pula! Komiu timbali mongkila-kila sinaa ola montoa lupa nu langit ka' tano'. Kadaka' tanda-tanda nu tempo' aiya madi' opoko kila-kila miu?”

LUKAS 13:15

Tumpu nontaami, “Baleko' na komiu aiya! I sinaa nu Sabat iwi-iwi' na mian mompolapas sapi' kabai keledainyo i pangkungnyo, ka' oboa i sambiha'nyo da opo'inum nu aha.

LUKAS 20:46

“Obala'ingati na aha to gulu-gulu' agama. Nuka'ima'i nu aha na kolalajang mibaju' nu juba' mantan, ka' sanang na o adati iyayamae i pasan. Nuka'ima'i nu aha na i tampa-tampat anu o angga'i, i uno nu laigan pogalejaan tiba i bau-bauon.

LUKAS 6:24

Panyo silaka na komiu anu kaya uuka aiya; kalana komiu nongoa'imo kasanangan!

LUKAS 6:42

Mosia na komiu montaloakon hi utusum, ‘Imbo', utus da ku alinakon na kau' sangkunyit atina' i uno nu mataum,’ yo aitu i uno nu posi mataum daagi' ko balak anu madi' otoa miu? O anu baleko'! Alinakon pe'e na balak anu daagi' i posi mataum. Atina'je ka' komiu moko toa mana-manasa, ka' timbali mongalinakon sangkunyit na kau' i mata nu utusum.”

YOHANES 13:29

Daagi' ko anu monsangka i Yesus nompokau i Yudas mongoli apa-apaa anu opalalui i bau-bauon aitu, kabai mombee'i doi sangkiding hi mian kasiasi – kalana i Yudas pontoongi doi anu nulimu' nu aha.

YOHANES 5:41

Aku madi' molio da o puji' nu mian.

YOHANES 5:44

Mosia na komiu timbali palesaya, de komiu molio da o puji' nu bubu komiu ka' madi' bala usaha molio pompuji' anu lengkat mae hi Tumpu, anu ola-olamo Ia na Tumpu?

YOHANES 7:18

Mian anu mombee' posi pangajalannyo, molio da o'adati na butongnyo. Panyo mian anu molio da o'adati na anu nonsai mae Ia, mian aijo' hodi' madi' baleko' na ia.

SISIKON NU TO RASUL-RASUL 10:2

Ia mian anu mabuhuk hi Tumpu ka' iwi-iwi' na to utu-utusnyo monsombah Tumpu. Ia saja' montulungi mian nu Yahudi anu kasiasi, ka' ia saja' balado'a hi Tumpu.

SISIKON NU TO RASUL-RASUL 10:31

Ia notatae, ‘Kornelius! Tumpu nontalimamo do'a nu beleyum ka' monginau' ka'ima'an nu kinyonyoaum.

SISIKON NU TO RASUL-RASUL 10:4

I Kornelius nontonto'i Malaikat aijo' ka' nabuhukmo lantas notatae, “Daagi' ko apaa Tuan?” Tinaaman nu malaikat aijo', “Do'aum ka' ka'ima'an nu kinyonyoaum tinalimamo nu Tumpu ka' Tumpu nonginau'mo beleyum.

SISIKON NU TO RASUL-RASUL 11:29

Sahingga iwi-iwi' anu saja' mombatuki Yesus nomposa'angu'mo tanga'an da mompakatu pontulungi hi to utu-utus anu jojoong i Yudea; toto samian mompakatu yayamo anu nu poko ala.

SISIKON NU TO RASUL-RASUL 24:17

Salatan tino pia-piangkukamo ahi' na taun madi' jinojoong i Yerusalem, aku ninsusule'mo nokiijo' da momboa doi pontulungi hi bansangku, ka' monsombakon koloban hi Tumpu.

SISIKON NU TO RASUL-RASUL 9:36

Kiijo' i Yope daagi' ko samian na boune sanggonyo i Tabita. Ia samian anu palesaya hi Yesus. (Sanggonyo i uno nu basa' nu Yunani, i Dorkas alati'nyo jonga.) Ia ola ahi' saja' mombau hahan anu ma'ima' ka' montulungi to mia-mian kasiasi.

ROMA 12:8

Mian anu ko balakat mongkakeha'i mian sangga'at, tionyo totu-totu'u mongkakeha'i mian sangga'at. Mian anu ko balakat mombee'i mian sangga'at apaa na anu daagi' hi ia, tionyo obau na aijo' nu kinyonyoa manonong ka' pantas. Mian anu ko balakat mongatun, tionyo totu-totu'u mongatun. Mian anu ko balakat mompotoa kalibosan hi mian sangga'at, tionyo obau nu kinyonyoa sanang.

1 KORINTUS 13:3

Mau mule' iwi-iwi' na anu daagi' hi belengku kubee' hi mian kasiasi, ka' kubee' na butongku da opapui, panyo aku madi' mongkalibosi to mia-mian sangga'at, saba' iwi-iwi' aijo' madi' hondo ko kaliangannyo.

GALATIA 2:10

Sala'sa'angu' na poitaon nu aha aijo' da kami mompalahatikan mian anu kasiasi. Ka' aku mule' sanang na mombau han aijo'.

EFESUS 4:28

Mian anu biasa mombuling, bolimo daagi' ia mombuling. Sahanyo ia mokalaja keke-keke, da hasin nu kalajanyo ia mohumpak kaanon ka' timbali montulungi anu kakulangan.

1 TESALONIKA 2:6

Kami madi' mule' mompagala da mohumpak pompuji' lengkat hi mian – kabai hi komiu kabai hi mian sangga'at. Anu sahondo-hondonyo salaku rasul i Kristus, kami timbali ahi' montuntut apa-apaa lengkat hi komiu.

1 TIMOTIUS 6:18

Poita hi aha da mompotoa ka'ima'an, da manjoo' na mombau hahan anu ma'ima', manonong, ka' mongka'ima'i mobagi.

FILEMON 1:7

Utusku i Filemon, kalibosanum kona hi iwi-iwi' mian anu palesaya hi Tumpu nompolame'mo aku, ka' nongkakeha'imo aku! Iwi-iwi' mian anu pinalesayamo hi Tumpu i lame'mo kalana kita Utus.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

1 PETRUS 4:11

Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 SAMUEL 15:30

Tinaaman i Saul, “Binaladosa'mo na aku. Panyo tulungi mae kita Tuumangku, imbo' minsusule'mo hingga-hinggat tiba aku da aku monsombahmo Tumpu Allah nu belento Tuumangku. Tiba jalan anu sumo aijo' belento Tuumangku mongadatimo aku i ahop nu to pola-polaya' nu bansangku tiba mule' i ahop nu aha iwi-iwi' na mian nu Israel.”