MATIUS 6:18 - KITAB NU TUMPU ALLA LELE MA'IMAI'

¹⁸ da madi' ko anu monsumbu' saba' komiu bapuasa', sangadinyo Tuumaum anu madi' kantoan aijo'. Ia montoa palabuatanum anu sulu-suluk aijo', ka' mombee'ije tamboonyo hi komiu.”

MATIUS 6:18 ပူးပေါင်းရင်းမြစ်များ

MATIUS 6:4

Bakas na palabuatanum aijo' madi' nu sumbu' mau pe'e ihe, boli mompiakon Tuumaum i suluga'. Ia montoa palabuatanum anu sulu-suluk aijo', ka' mombee'je tamboonyo hi beleyum.”

MATIUS 6:6

Panyo de komiu balado'a, pinsoop i salipi' ka' tumban na sabatan, lantas balado'a hi Tuumaum anu madi' kantoan aijo'. Saba' Tuumaum na montoa palabuatanum anu sulu-suluk mombee'je tamboonyo hi beleyum.

ROMA 2:6

Kalana Tumpu mombalosakonmo hi toto samian pokakana tiba apaa na anu binaunyomo.

2 KORINTUS 10:18

Kalana mian anu opuji' aitumo mian anu nu puji' nu Tumpu, misa' mian anu mosi puji' butongnyo.

2 KORINTUS 5:9

Kalana aijo' kami bala usaha totu-totu'u da momposanang kinyonyoa-Nyo, maumu kami daagi' hau-haunyo jojoong i laigan mami aiya, kabai pe'e i kiita'mo mae.

1 PETRUS 1:7

Anu nupatui aijo'mo kahanda' momponyata' pa' komiu totu-totu'u palesaya hi Tumpu kabai madi'. Mosoni' pe'e anu timbali ma'idek, o uji' nu apu. Jadi, palesaya miu anu totu-totu'u molingkudui oli nu mosoni', jadi tionyo ahi' o uji' suele da timbali mahoson. Ka' tiba jalan sumo aijo' komiu o puji' ka' o angga'i tiba opopodaka' toka i sinaa-Nyo de i Yesus Kristus po'ule'mo toka.

1 PETRUS 2:13

Kalana Tumpu, sahingga tionyo ahi' belemiu mati aluk hi batu-batu anu mongkuasai manusia; mau hi Kaisar anu talalo mongkuasai,