MATIUS 6:16 - KITAB NU TUMPU ALLA LELE MA'IMAI'

¹⁶ “De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:16 ပူးပေါင်းရင်းမြစ်များ

2 SAMUEL 12:16

Lantas i Daud binalado'amo hi Tumpu da anaknyo aijo' ma'alin. Ia lewa'mo binapuasa' ka' de malommo ia male'mo isalo nu salipi'nyo sampe mopatas.

2 SAMUEL 12:21

Nontoa han aijo' to posa-posaihonnyo notataemo hi ia, “Kami madi' mangalati' pa' mosia na belento Tomundo'. Tempo'nyo anak aijo' daagi tutuu', belento Tomundo' binapuasa' ka' mule' lewa' nohaangi ia, panyo salatan ia sinilakamo belento Tomundo' nobulamo ka' mule' nongkaanmo!”

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

NEHEMIA 1:4

Salatan i hongongkumo na lele aijo', aku sinumuhangmo ka' i humang. Pa' piniansinaa na kopinnyo na aku saja' sinusa'. Aku lajangmo binapuasa' ka' binalado'a hi Tumpu Allah,

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MAZMUR 109:24

Ike-ike'ku i langkakatanmo kalana binapuasa'mo, butongku talalomo hondo nagesuk.

MAZMUR 35:13

Tempo'nyo aha nasakit aku sinusa'mo ka' madi'mo nongkaan; aku natidukumo ka' binalado'amo,

MAZMUR 69:10

Tahahumo hondo na aku monginde'i Laigan nu Belento kalana ku ka'ima'i, mian mongkokojoi, mompopo'ambang Belento suele aiya kinonamo mae hi butongku.

DANIEL 9:3

Lantas aku binalado'amo totu-totu'u hi Tumpu nompoita da okalibosi mae. Aku mule' binapuasa'mo ka' nompusokmo hude kalung ka' sinumuhangmo i abu'.

MALEAKHI 3:14

Belemiu notatae, ‘Palasuma na aku monsombah Tumpu. Apaa na gunanyo mombau anu halus obaunto salaku bau pongadati Tumpu Anu Daka' na Kuasanyo kabai opotoanto hi Ia nakalakuanto salaku bau pomponyata saba' kita aiya nompele-pele'mo na nombau kasala'anto?

MATIUS 6:1

“O inau', boli komiu mompojalan palentah nu agama i ahop nu mian da'isan da nu toa nu mian. De komiu mombau sumo aijo', komiu madi' mohumpak tamboo nu Tuumaum i suluga'.

MATIUS 6:2

Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

MATIUS 6:5

“De komiu balado'a, boli sumo to mia-mian anu mongka' oho' bapula-pula. Aha mongka'oho' balado'a tinjo-tinjo i laigan pogalejaan ka' i popanga'an nu jalan da nu toa nu mian. O inau', aijo'mo na tamboonyo anu tinalimamo nu aha.

MARKUS 2:18

Daagi' ko sa'angu' na tempo' anu saja' mombatuki Yohanes anu Mompalamandikan ka' to mia-mian nu Farisi hau-haunyo puasa'. Lantas daagi' ko mian tinoka hi Yesus ka' nompokilawa, “Kadaka' anu saja' mombatuki Yohanes anu Mompalamandikan ka' anu mombatuki mian nu Farisi bapuasa', panyo anu mombatuki Kita Tuuma i madi'?”

LUKAS 18:12

Aku bapuasa' pinduan saduminggu, ka' monsombahkon hi kita iwi-iwi' apaa na anu i humpakku, sampulu' na bagian, sambagian na anungku.’

LUKAS 2:37

i Hana binalumo, ka' uuka umunnyo uwalumpulu'mo opat na taun. Madi' toho' ia mompala'i Laigan nu Tumpu. Sinaa ka' malom, ia monsombah i kiijo' hi Tumpu balado'a ka' bapuasa'.

SISIKON NU TO RASUL-RASUL 10:30

Tinaaman i Kornelius, “Tolunsinaamo ka' uuka kila-kila tempo'nyo sumo uuka aiya, aku hau-haunyo balado'a i laigan jam totolu' ohanimo malom. Monti-montiik samian na mo'ane tinuminjo i ahopku. Baju' nu mian aijo' jongkilaban.

SISIKON NU TO RASUL-RASUL 14:23

Ka' i toto sa'angu' na jama'at, i Paulus ka' i Barnabas nohangkatmo to pola-polaya' nu to jama-jama'at aijo'. Lantas binalado'a ka' binapuasa', aha nompotalima to pola-polaya' aijo' hi Tumpu anu nupalesaya nu aha aijo'.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

2 KORINTUS 11:27

Aku mokalaja totu-totu'u nongusahakon mompai patemo: toto minsan madi' hoyot, madi' mongkaan, madi' monginum, saja' mongintim ohop, mabakin kalana madi' sukup na baju' ka' madi' ko tampat kajojoongan.

2 KORINTUS 6:5

kami sinakisa, tinalungku', ka' opatei; kami nokalajamo make-makeke, toto minsan madi' hoyot ka' toto minsan madi'mo ko anu okaan.