MATIUS 6:10 - KITAB NU TUMPU ALLA LELE MA'IMAI'

¹⁰ Kitamo na Tomundo' mami. O'amalakon kitamo na mompalentah i dunia ka' kahanda'to o tuluti sumo i suluga'.

MATIUS 6:10 ပူးပေါင်းရင်းမြစ်များ

NEHEMIA 9:6

Lapas aijo' mian da'isan nu aha Israel binalado'amo sumo uuka: “Belentomo na Tumpu, belentomo Sa'a-sa'angu'nyo na Tumpu Allah; pinotimbalimo nu Belento na mandala' iwi-iwi' aita' i langa, ka' suele ambai tiba tano' ka' iwi-iwi' na anu daagi' i unonyo, lantas pinotumuu'mo nu Belento ka' jinaganmo nu Belento. Iwi-iwi' na anu balakuasa aita i langit tolodadupu monsombah Belento; aha montuluti Belento ka' tina'alukmo.

MAZMUR 2:6

Ia notatae, “Kiita' mae i Sion puge'Nyo anu susi' aijo' anung-Ku i hangkatkumo na tomundo' anu pinile'an-Kumo.”

MAZMUR 40:8

Lantas aku notataemo, “Aiyamo na aku, i uno nu lulunan nu kitab, tinulismo na aku.

YESAYA 2:2

Isinaa anu aiya mae ihop puge'nyo tampat Laigan nu Tumpu matangkasmo ka' tuminjo'mo hodi-hodi' aita ito bungku-bungkutnyo ka' mule' to puge-puge'nyo. Iwi-iwi' na bansa moduyu-duyutmo mamba mokiijo',

YEREMIA 23:5

Tumpu notatae, “Tokaje mae na tempo'nyo, Ku hangkatje na tomundo' samian anu adil lee' mae i Daud. Tomundo' aijo' saidi' mae pande na mompalentah ka' apa-apaa na obau saja' adin ka' saja' totu'u isongko-songko na lipu'.

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

DANIEL 4:35

Iwi-iwi' na bansa i dunia aiya madi' ko alati'nyo. Tumpu na mongkuasai malaekat kiita' i suluga' ka' mule' mian anu jojoong i dunia aiya. Madi' ko samian pe'e na anu moko ala monggagakon tanga'an-Nyo, madi' ko anu baani mompokilawa apaa na anu binau-Nyomo.”

DANIEL 7:13

Anu tinoangku pihi-pihi aijo', tinoangku daagi' ko anu susumo manusia. Ia tinoka mae sinaput nu kundom lantas nambamo hi Ia anu tumuu' sampe toka sidu-sidutu' ka' pinoto'imo na sanggonyo hi ia.

DANIEL 7:27

Kakuasa'an tiba katalasanggoan nu iwi-iwi' na kalaja'an i dunia aiya, obee'mo hi mian anu palesayamo hi Tumpu Anu Matangkas na Kuasanyo. Kakuasa'an nu aha mompalentah madi'mo daagi' ko kamingkotannyo ka' mule' iwi-iwi' na anu balakuasa i dunia aiya ta'alukmo ka' mule' tulu-tulutanmo.”

ZAKHARIA 9:9

O, mian anu jojoong i Sion, balame-lame'mo! O, mian anu jojoong i Yerusalem pontaligalaimo! Toamo! Tomundo' nu beleyum tinokamo ka' inguntungmo mae na nahampate! Ia tomundo' anu adin momomboamo mae kasalamatan. Panyo madi' bakadaka'an na ia toka mae monsake'i keledai, sa'angu' na keledai anu daagi' bata'nyo.

MATIUS 12:50

Mian anu mombau pongka'oho' nu Tuumang-Ku anu i suluga', iamo na utus mo'ane, utus boune ka' tinang-Ku.”

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 26:42

Po'ule' mule' i Yesus namba binalado'a, Ia notatae, “Kita Tuuma, de kasansala'an aiya tionyo Ku oa'i, ka' madi' opoko pojo'onakon, bakas pongka'oho'mo nu Kita Tuuma na jadi.”

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MATIUS 7:21

“Madi' iwi-iwi' na mian anu molaga Aku, ‘Tumpu, Tumpu,’ anu moko ala timbali mian anu palesayamo hi Tumpu, panyo ola to mia-mian anu mombau kahanda' nu Tuumang-Ku anu i suluga'.

MARKUS 11:10

Higahiyakon na kapalentahan-Nyo anu tokaje mae – pamalentahan i Daud mompolee'to! Puji'mo na Tumpu Anu Matangkas na Kuasa-Nyo!”

MARKUS 3:35

Mian na utus mombau pongka'oho' nu Tumpu, iamo na utus mo'ane, utus boune ka' tinang-Ku.”

LUKAS 19:11

Hau-haunyo mian daagi' mohongo i Yesus basisik, Ia nonsisikakon sa'angu' na kantuangan. Kalana tempo' aitu Ia kiijo' koko Yerusalem, ka' mian monsangka, saba' Tumpu malia'mo mompalentah susumo Tomundo i dunia aiya.

LUKAS 19:38

Aha noloboo'akon, “Balakatiakon na Tomundo anu tinokamo mae kalana sanggo nu Tumpu! Salamat i suluga', ka' o puji' na Tumpu Allah!”

LUKAS 22:42

Lantas tinolodadupu ka' binalado'a. “Tuuma,” na koo-Nyo, “de timbali opojo'onakon hi beleng-Ku na sansala anu tionyo Ku oa'i aiya. Panyo boli o ala i pongka'oho'-Ku, o ala ahi' samata-mata i pongka'oho' nu Kita Tuuma.” [

YOHANES 4:34

Lantas i Yesus notatae, “Anu Ku kaan aijo'mo mombatuki pongka'oho'-Nyo anu nonsai mae Aku, ka' mompotimbali kalaja anu binee'-Nyo hi beleng-Ku.

YOHANES 6:40

Memang aiyamo na nuka'ima'i nu Tuumang-Ku: Da iwi-iwi' na anu montoa Anak ka' palesaya hi Ia ko kantumuu'an anu talakana' toka sidu-sidutu', ka' po'ule' Kupotumuu' i Sinaa Kakiamatan.”

YOHANES 7:17

Mian anu montuluti pongka'oho' nu Tumpu, monsumbu' pa' pangajalan-Ku lengkat mae hi Tumpu kabai posi lengkat mae hi beleng-Ku.

SISIKON NU TO RASUL-RASUL 13:22

Salatan Tumpu nompobelentimo ia i pangkatnyo, Tumpu Allah nongangkat mule' i Daud da timbali tomundo nu aha. Ka' aiyamo na anu tinaloakon nu Tumpu mongkona i Daud, ‘Aku nohumpakmo i Daud anak i Isai aijo' samian anu momposanang kinyonyoang-Ku. Iamo na mian anu mombau pongka'oho'-Ku.’

SISIKON NU TO RASUL-RASUL 21:14

I Paulus madi' mongka'oho' mohongo kami, sahingga kami madi'mo nontewa' ia, “Bakas kahanda'mo nu Tumpu na timbali,” nakoonyo mami.

SISIKON NU TO RASUL-RASUL 22:14

Lapas aitu ia notataemo hi belengku, ‘Tumpu mompolee'to nompile'imo beleyum, da beleyum monsumbu' pongka'oho'-Nyo, ka' montoa i Yesus Posaihon nu Tumpu ka' mohongo posi potatae i Yesus.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

EFESUS 6:6

Boli mombau sumo aijo', ola de tempo'nyo komiu ojagai, ola da mohumpak pompuji' nu mian. Panyo tionyo ahi' obau miu na aijo' susumo posaihon i Kristus anu nontulutimo nu kinyonyoa totu-totu'u mosia na pongka'oho' nu Tumpu.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

1 TESALONIKA 4:3

Aiyamo na kahanda' nu Tumpu: Da komiu tumuu' samata-mata hi Ia, susi' mati kojo'on hi iwi-iwi' palabuatan masala'.

1 TESALONIKA 5:18

I uno nu han iwi-iwi' tionyo ahi' komiu saja' montalima kase, kalana aijo'mo na anu nu ka'ima'i nu Tumpu hi komiu, sumo mian anu tumuu' mosa'angu' tiba i Kristus Yesus.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 10:36

Komiu palalu sabaan, da komiu moko ala mombau anu nukahanda'i nu Tumpu, sahingga mohumpak anu jinanji'-Nyomo.

IBRANI 10:7

Lantas Aku notataemo, ‘Aiyamo na Aku; o Tumpu! Aku toka da mombau anu okahanda'i nu Belento susumo anu tinulismo i uno nu Kitab nu Tumpu mongkona butong-Ku.’ ”

IBRANI 13:21

O amalakon da Tumpu anu pinolengkatan mae nu kabilahian aijo' momposukup hi komiu iwi-iwi na han anu ma'ima' anu opalalui miu da moko ala mombau apaa na anu Nu kahanda'i. O amalakon da kalana i Yesus Kristus, Tumpu na mokalaja i uno nu butongto apaa na anu Nu kahanda'i. Tionyo ahi' i Kristus o puji' sampe toka sidu-sidutu'! Amin.

1 PETRUS 2:15

Kalana Tumpu mongkahanda'i da anu toto ima-ima' na binau miu, belemiu monggintumimo nganga' nu mian anu basisik ponga'.

1 PETRUS 4:2

Kalana aijo', saja' ahi' komiu tumuu' i dunia aiya mombatuki pongka'oho' nu Tumpu, ka' misa' mombatuki pongka'oho' nu manusia.

ANU PINOTO'I HI YOHANES 11:15

Lantas malaikat ko popitu'nyo nompuuhimo tolompetnyo, sahingga i hongomo i suluga' na potatae anu toto daka-daka' hondo nompoto'i, “Kakuasa'an mompalentah dunia tempo' uuka i limamo nu Tumpu-nto ka' Tomundo anu Momposalamat anu jinanji'-Nyomo. Ia na mompalentah sampe toka sidu-sidutu'!”

ANU PINOTO'I HI YOHANES 12:10

Lantas aku nohongo potatae anu daka', i suluga' nontaloakon, “Uukamo aiya na tempo'nyo Tumpu momposalamatmo mian anu pinalesayamo hi Ia! Uuka aiya Tumpu mompotoamo kuasa-Nyo salaku Tomundo! Uuka aiya Tomundo anu Momposalamat anu jinanji'mo aijo' suele mompotoamo kakuasa'an-Nyo! Kalana anu mompisala'i to Utu-utusto i ahop nu Tumpu sinaa ka' malom, sinabatakonmo lengkat mae i suluga'.

ANU PINOTO'I HI YOHANES 19:6

Lapas aijo' aku nohongomo apa-apaa sumo potatae nu anu sanggombu na mian da'isan hondo; lewo'nyo sumo bokon anu mingkalulun ka' sumo gohung poli-polintup. Ku hongo aha notatae, “O puji' na Tumpu! Kalana Tumpu, Tumpunto anu Matangkas na kuasanyo aijo' tempo' uuka nompalentahmo!

ANU PINOTO'I HI YOHANES 20:4

Lantas tinoangkumo na to kasu-kasuhangan, ka' to mia-mian anu sinumuhang i to kasu-kasuhangan haha aijo' binee'anmo kuasa da momputusi hukuman. Aku nontoa suele santuu' nu to mia-mian anu kinolongmo na ubaknyo kalana aha nompototu'umo i Yesus, ka' nompolelemo potuunon lengkat mae hi Tumpu. Mian haha aijo' madi' monsombah binatang kabai patongnyo. Aha mule' madi' toho' nontalima tanda nu binatang aijo' i siakan kabai i lima nu aha. Sahingga aha po'ule'mo tinumuu' ka' po'ule'mo nompalentah salaku tomundo tiba i Kristus kopinnyo samadala na taun.