MATIUS 5:8 - KITAB NU TUMPU ALLA LELE MA'IMAI'

⁸ Bila-bilahi na mian anu molino na kinyonyoanyo; aha monsumbu'je Tumpu!

MATIUS 5:8 ပူးပေါင်းရင်းမြစ်များ

KAJADIAN 32:30

Lapas aijo' i Yakub notataemo, “Aku nompaha piamo tiba Tumpu Allah, ka' aku daagi' tinumuu'.” Kalana aijo' sinanggohannyomo na tampat aijo' Pniel.

2 SAMUEL 22:27

Kakona hi mian anu Nu poto'i na butong nu Belento susi' panyo mian anu mombau anu ma'idek na oka'ideki ahi' nu Belento.

MAZMUR 15:2

Mian anu kantumuu'annyo madi' ko alunyo ka' saja' mombau anu ma'ima', ka' madi' baleko' na montaloakon anu totu'u;

MAZMUR 18:26

O Tumpu, Belento madi' mongkolilimi mian anu madi' mongkolilimi Belento ka' manonong hi mian anu manonong hi Belento.

MAZMUR 24:4

Mian anu madi' ko alunyo na pikilannyo ka' madi' mombau anu ma'idek, anu madi' mimpula-pula basumpa' ka' madi' monsombah pilogot.

MAZMUR 51:10

Sahanyo aku sola'mo mohongo lele anu lame', da kinyonyoa anu ihansunanmo nu Belento aiya po ule' ahi' montaligalai.

MAZMUR 51:6

Hi Belentomo, hi Belentomo na binaladosa'anku, ka' binaungkumo na anu nu anggap nu Belento ma'idek. Sahingga konanyomo ahi' na Belento mohukumo mae aku, adin memang na kaputusan nu Belento.

MAZMUR 73:1

Mazmur i Asaf. Manonong hondo na Tumpu Allah hi mian anu palesayamo hi Ia, ka' mule' hi mian anu kinyonyoanyo hodi'.

AMSAL 22:11

Mian anu mongka'ima'i kinyonyoa anu madi' tageo' ka' madi kasan na potataenyo, timbali bau sangalu nu tomundo.

SISIKON NU TO RASUL-RASUL 15:9

Tumpu montoa kita pokakana sumo aha. Ia nompobelesimo kinyonyoa nu aha, kalana aha palesaya.

1 KORINTUS 13:12

Apaa na anu otoanto uuka aiya daagi' sumo lolung anu madi' manasa i uno nu mongkitaan. Panyo saidi' mae otoantoje mana-manasa. Uuka aiya ma'isa kusumbu' iwi-iwi', panyo saidi' mae kusumbu'je iwi-iwi', pokakana sumo Tumpu monsumbu' songko-songko butongku.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

TITUS 1:15

Iwi-iwi na apaa susi' kona hi to mia-mian anu susi'. Panyo kona hi to mia-mian anu pikilannyo mahenyu ka' anu madi' palesaya, madi' hondo-hondo ko anu susi', kalana pikilan ka' kinyonyoa nu aha nahenyumo!

IBRANI 10:22

Kalana aijo', imbo' da kita mongohanimo Tumpu ka' kinyonyoanto hodi'mo ka' palesayamo totu-totu'u; ka' kinyonyoanto anu pinosusi'mo ka' madi'mo ko kasala'an o oa'i, ka' butongto pinobelesi'mo nu uee anu molino.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

IBRANI 9:14

Yo, de baso' tiba abu'nyo aijo' moko ala mompobelesi kahenyuan nu to mia-mian, apaa mule' baso' i Kristus. Kalana kuasa nu Roh anu sampe toka sidu-sidutu', i Kristus nonsombahkonmo posi butong-Nyo hi Tumpu salaku koloban anu ma'ima'. Baso'-Nyo mompobelesi kinyonyoanto da bolimo mombau atulan nu agama anu madi' kogunanyo, da kita timbali mombau palentah nu Tumpu anu tumuu'.

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 4:8

O'ohani na Tumpu, da Tumpu suele mongohanije komiu. Obaso'i na lima miu, komiu anu baladosa'! Ka' opolino na kinyonyoa miu, komiu anu mopanga' na kinyonyoa!

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

ANU PINOTO'I HI YOHANES 22:4

ka' montoamo ohup-Nyo. Sanggo-Nyo saidi' mae o tulisje i siakan nu Aha.