MATIUS 5:7 - KITAB NU TUMPU ALLA LELE MA'IMAI'

⁷ Bila-bilahi na mian anu mongkalibosi mian sangga'at; Tumpu mongkalibosije aha suele!

MATIUS 5:7 ပူးပေါင်းရင်းမြစ်များ

2 SAMUEL 17:28

Aha nomboamo mae mangko', pamutu', kasun obee' hi Daud ka' hi to sulu-suludadunyo, ka' mule' gandum, jelai, labu, gandum anu ginorengmo, sanggoleng anu momea', sanggoleng anu daka' momea', juu' nu uani' keju, susu anu momonanyo pinao' tiba domba tinopia-piangkuka. Nu sumbu' nu aha na i Daud tiba to sulu-suludadunyo no ohopmo ka' negotmo ka' mule' nalawemo kalana aha lengkatje mae i padang anu mateges.

2 SAMUEL 22:26

Belento Tumpu manonong hi mian anu manonong, ka' ma'ima' hi mian anu ma'ima'.

MAZMUR 112:4

Jingka monjingkaimo i uno nu pikat kona hi mian anu hodi' na kinyonyoanyo, kona hi mian anu adin, pangkalibosi ka' manonong.

MAZMUR 112:9

Ia mombagi-bagiakon halata'nyo, ka' mombee'i apa-apaa hi mian anu kasiasi; ia saja' mombau anu ma'ima', kalana aijo' ia balakuasa ka' oholomati.

MAZMUR 18:25

Sahingga Tumpu nombalosimo kalakuanku anu saja' totu'u na ku bau, kalana Ia monsumbu' aku madi' ko kasala'an.

MAZMUR 37:26

Ia ola saja monsabolakon ka' mombee'i ka' to ana-anaknyo tinimbalimo balakat hi ia.

AMSAL 11:17

Mian anu manonong mompo'untung butongnyo.

AMSAL 11:25

Mian anu mombee'i manjoo' panyo saidi mae ola ahi' da molabi-labi nu humpak, mian anu mongka'ima'i montulungi saidi mae suele otulungi.

AMSAL 14:21

Ihe na mongalu mian sangga'at mombaumo dosa'; panyo ihe na mongkanonongi mian kasiasi saidi' mae kantumuu'annyo sanang.

AMSAL 19:17

Montulungi mian anu kasiasi pokakanamo sumo monsaboli Tumpu; Tumpuje suele na mombalosakon.

YESAYA 57:1

Mian anu ma'ima' na gau'nyo ka' palesaya hondo hi Tumpu, de silakamo madi' ko samian pe'e na mompalahatikan ia. De silakamo aha madi'mo daagi' nukona nu kasansala'an ka' aha nilawemo i tampat anu madi'mo ko anu mompoposia.

DANIEL 4:27

Kalana aijo' tionyo ahi' belento Tuanku montuluti pokinde'ku. Bolimo belento Tuanku po ule' mombau dosa', panyo anu ma'ima' ka' anu adin na saja' obau ka' mongkalibosi ahi' anu kasiasi. Tiba jalan anu sumo aijo' belento Tuanku tataap tumuu' bilahi.”

HOSEA 1:6

Lapas aitu bengkele'ku aijo' nompohampemo anak anu ko ohua'nyo, anak boune. Tumpu notataemo hi belengku, “Hosea, sanggohi na anak nu beleyum aijo', ‘Anu Madi' Okalibosi’, saba' Aku madi'mo mongkalibosi mule' bansa Israel, ka' madi'mo hondo-hondo mongampuni aha.

HOSEA 2:1

Kalana aitu lagamo na sangalu nu beleyum ka' osanggohi “Mian anu Palesayamo hi Tumpu Allah” ka' “Nukalibosimo nu Tumpu.”

HOSEA 2:23

Ku bauje na mian-Ku anu palesayamo da tumuu'mo sanang, ka' tataapmo ilipu' nu aha. Kona hi aha anu osanggohi ‘Anu Madi' Okalibosi’ ku potoaje saba aha Kukalibosi ahi', ka' hi aha anu osanggohi ‘Misa' mian-Ku anu palesayamo’ Ku taloakonje, ‘Belemiu mian-Ku anu palesayamo’. Aha montaamije sumo uuka, ‘Beleyumo na Tumpu mami!’ ”

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MARKUS 11:25

Ka' de komiu balado'a, panyo kinyonyoaum madi' sanang hi samian ka' samian, ampuni pe'e na mian aijo', da Tuumaum i suluga' mule' mongampuni dosa-dosa'um. [

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

ROMA 11:30

U'utu mae komiu madi' mohongo-hongo Tumpu. Panyo uuka aiya Tumpu nompoto'imo tukoonyo komiu pinobebasmo i kasala'an, kalana to mia-mian Yahudi madi'mo mohongo-hongo.

1 KORINTUS 7:25

Uuka aiya mongkona to mia-mian anu ma'isa no'osoa. Mongkona han aijo', aku madi' nontalima palentah apa-apaa lengkat mae hi Tumpu. Panyo sumo mian anu kalana balakat nu Tumpu, patut opalesaya, aku mongka'oho' mombee'i pokinde'ku.

2 KORINTUS 4:1

Kami nombau kalaja aiya kalana kanonongan nu Tumpu. Mokonyo aijo' kami madi' ma'osa.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.

1 TIMOTIUS 1:13

mau mule' u'utu mae aku bapitana' ka' mongkabisa'i, ka' mule' mongalu Ia. Panyo Tumpu nongkalibosimo aku, kalana tempo'nyo aitu aku ma'isa pinalesaya, jadi madi' kusumbu' apaa na anu binaungkumo.

1 TIMOTIUS 1:16

Panyo ola mule' ahi' kalana aijo' sahingga Tumpu nongkalibosimo aku, da i Kristus Yesus timbali mompotoa iwi-iwi' na kasabalannyo hi belengku, mian anu talalo baladosa' aiya. Ka' aiyamo na timbali sa'angu' na sonto' hi iwi-iwi' na mian anu saidi' mae palesaya hi Ia da mohumpak kantumuu'an anu ma'ima' ka' sampe toka sidu-sidutu'.

IBRANI 4:16

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

IBRANI 6:10

Tumpu misa' Tumpu anu madi' adin. Ia madi' mongkolilimi apaa na anu kinalajamo miu hi Ia, ka' kalibosan anu pinotoamo miu hi Ia, tempo'nyo komiu nontulungimo to utu-utus anu sa'a-sa'angu' na kapalesaya'an, tu'utu mae ka' uuka aiya.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

1 PETRUS 2:10

Naipuan mae belemiu misa' mian anu pinalesayamo hi Tumpu, panyo uuka aiya belemiu mian anu pinalesayamo hi Tumpu. Naipuan mae belemiu madi' okalibosi nu Tumpu, panyo uuka aiya belemiu montalimamo pongkalibosi-Nyo.