MATIUS 5:6 - KITAB NU TUMPU ALLA LELE MA'IMAI'

⁶ Bila-bilahi na mian anu molibos na mombau pongka'oho' nu Tumpu; Tumpu mompopuasje aha!

MATIUS 5:6 ပူးပေါင်းရင်းမြစ်များ

MAZMUR 107:9

Kalana Ia nompopuasmo mian anu i negotmo, ka' nombee'i molabi-labi mian anu no'ohopmo nu iwi-iwi' na anu ma'ima'.

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 17:15

Panyo aku na daagi' ahi' montoa Belento, kalana aku madi' ko kasala'an. Salatan aku mobulamo, kinyonyoangku lame'mo kalana Belento tokamo mae.

MAZMUR 63:5

Sansina-sinaa i uno nu kantumuu'anku, aku montalima kaseh hi Belento; ku hangkat na limangku mokiita' hi Belento ka' balado'a.

MAZMUR 65:4

Dosa'ku iwi-iwi' naboatmo hondo hi belengku, panyo ingampunanmo nu Belento.

MAZMUR 84:2

Ma'ima' ka' momposanang hondo kinyonyoa na kajojoongan nu Belento, o, Tumpu Anu Daka' na Kuasanyo!

AMSAL 10:24

Mian anu madi' tageo' na kinyonyoanyo mohumpak apaa na anu nu kahanda'i; panyo mian anu ma'idek na kinyonyoanyo mohumpak apaa na anu talalo hondo nu kabuhuk.

AMSAL 21:21

Ihe na balausaha da ka'adilan ka' mompaha kali-kalibosi obau, saidi mae mohumpak kantumuu'amu bilahi, kaholomatan, ka' mantan na umun.

NYANYIAN ANU TALASANGGO 5:1

Aku tinokamo i ale'ku, sindua'anku pangantinku. Ilimu'kumo na mur tiba lampa-lampangku potik tiba juu' nu uani'ku kinaankumo inginumkumo na susu tiba uee nu anggurku. Pongkaanmo ka ponginumo to sanga-sangalungku. Inummo sampe nu osaimo na sindua'anku.

YESAYA 25:6

I Puge'nyo nu Sion, Tumpu Anu Daka' na Kuasanyo momposadiamo anu okaan i bau-bauon nu aha iwi-iwi' na bansa i dunia aiya. Nu tatuakonmo na kaanon anu toto ima-ima' hondo tiba anggur anu memang pinile'anmo.

YESAYA 41:17

De bansang-Ku sisinoe'mo aijo' moliomo uee, ka' gogohong nu aha pakamo kalana negotmo, saba' Aku, Tumpu na montaamije do'a nu aha; Tumpu nu Israel na madi' ahi' mompala'i mian anu palesayamo hi Ia.

YESAYA 44:3

Kalana Ku bulokakonmo mae na ujan aiya itano' anu notismo, ka' nompojalanmo kaunyo itano' anu nategesmo. Ku bee'mo na kakuasa'an-Ku hi lee' nu beleyum, ka' mombalakatimo makumpu nu beleyum.

YESAYA 65:13

Sabenannyo mian anu monsombah Aku na mongkaan ahi' padahan belemiu mo'ohop. Aha monginum, padahan belemiu megot. Aha bilahimo, padahan belemiu ma'ambangmo.

YESAYA 66:11

Belemiu mongoa'ije ka'ima'an nu kantumuu'an, susumo samian na anak monsusu hi tinanyo.

YEREMIA 31:25

Aha anu nalawemo Ku pohosonmo ka' anu ilundengmo kalana no'ohopmo Ku pobosumo.

LUKAS 1:53

Mian mo'ohop pinopuas-Nyo nu iwi-iwi' na ka'ima'an, mian kaya i laa'akon tiba madi' ko apa-apaa.

LUKAS 6:21

Bila-bilahi na komiu anu mo'ohop uuka aiya; komiu opobosuje! Bila-bilahi na komiu anu humaang uuka aiya; komiu kumojoje!

LUKAS 6:25

Silaka na komiu anu mobosu uuka aiya; kalana komiu saidi' mae mo'ohopmo! Silaka na komiu anu kumojo uuka aiya; kalana komiu saidi' mae susa' na kinyonyoa ka' humaang!

YOHANES 4:14

“panyo mian anu monginum uee anu Ku bee', madi'mo daagi' megot sidu-sidutu'. Kalana uee anu Ku bee' aijo' timbalimo mata nu uee i uno nu butongnyo anu mo'ili mosabat ka' mombee'i ia kantumuu'an talakana' sampe toka sidu-sidutu'.”

YOHANES 6:27

Boli mokalaja de ola da mohumpak anu okaan anu timbali mingkot ka' mawa'i. Bakalaja da pohumpakan anu okaan, anu madi' toho' mawa'i ka' anu mombee'i kantumuu'an anu talakana' ka' sampe toka sidu-sidutu'. Anu okaan aijo' nubee'je nu Anak Mian hi beleyum, kalana Ia i hangkatmo nu Tumpu, Tuuman-To.”

YOHANES 7:37

I sinaa kamingkotannyomo nu lamean aijo', aijo'mo sinaa anu talalo hondo penting, i Yesus tinuminjomo i Laigan nu Tumpu ka' notatae daka-daka', “Mian anu megot toka mae hi beleng-Ku da monginum.

ANU PINOTO'I HI YOHANES 7:16

Aha madi'mo daagi' mongoa'i mo'ohop kabai megot; batu nu sinaa kabai singit anu mapanas hondo madi'mo daagi' montoyo'i aha,