MATIUS 5:48 - KITAB NU TUMPU ALLA LELE MA'IMAI'

⁴⁸ Tuumaum i suluga' mongkalibosi iwi-iwi' na mian totu-totu'unyo. Komiu tionyo suele sumo aitu.”

MATIUS 5:48 ပူးပေါင်းရင်းမြစ်များ

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

2 SAMUEL 22:31

Palabuatan nu Tumpu Allah sinukupmo hondo apaa na anu jinanji'mo nu Tumpu opalesaya! Ia sumo kanta kona hi mian iwi-iwi' anu mamba hi Ia da nu jagai.

MAZMUR 37:37

Palahatikan na mian anu ma'ima' na kinyonyoanyo tiba anu hodi' na kinyonyoanyo; mian anu mongka'ima'i paladamean ko ka'ima'an nu humpak aiya mae i ahop.

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 19:2

da mompotoka hi bansa Israel palentah aiya, “Tionyo ahi' belemiu susi', kalana Aku Tumpu Allah nu belemiu susi'.

IMAMAT 20:26

Belemiu madi'mo Ku pogalum tiba bansa-bansa sangga'at da belemiu timbalimo anung-Ku. Belemiu tionyo ahi' susi' kalana Aku na Tumpu ka' mule' Aku susi'.

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

MATIUS 5:47

Ka' de komiu mombee'i salan do'a ola hi to sanga-sangaluyum, apaa na ka'ima'annyo? To mia-mian anu madi' monsumbu' Tumpu suele mombau sumo aijo'?

LUKAS 6:36

Tionyo komiu ko kalibosan susumo Tuumaum suele ko kalibosan!”

LUKAS 6:40

Madi' ko mulit anu molingkudui gulu'nyo. Panyo mulit anu binala gulu'mo pokakanamo sumo gulu'nyo.

2 KORINTUS 13:11

Ahennyo, to Utu-utus, sabole-bole ahi' komiu lame', ka' bala usaha da timbali ganap. Ala na pokinde'ku iwi-iwi'. Sabole-bole ahi' komiu momposa'angu' kinyonyoa ka' mompaha hongo-hongo. Tumpu Allah Anu talalo Mongkalibosi ka' saja' mompodame, aijo' na saja' monjagai komiu.

2 KORINTUS 13:9

Kami sanang de kami madi' moko ala mombau apa-apaa, ka' komiu na mahoson. Kami mule' balado'a da komiu timbali ganap.

2 KORINTUS 7:1

To Utu-utus anu okanonongi! Iwi-iwi' na anu jinanji'mo aijo' kona hi kita. Mokonyo aijo' iwi-iwi' na anu mombusiki kinyonyoa ka' butongto tionyo ahi' opobelesi'. Tumpu tionyo ahi' okabuhuk da kita timbali tumuu' maima ka' hondo-hondo mombau apaa na anu nu palentahkon.

EFESUS 3:1

Mokonyo aijo' aku, i Paulus, tinalungku'mo kalana i Kristus Yesus bau kapentingan kona hi komiu anu misa' Yahudi.

PO'ULE' INGULIT 18:13

Jadi tionyo ahi' belemiu mohongo-hongo Tumpu Allah nu belemiu nu kinyonyoa anu totu-totu'u.”

PO'ULE' INGULIT 27:10

Kalana aijo' otuluti na Tumpu Allah nu belemiu ka' bau iwi-iwi' na palentah-Nyo anu binee'kumo hi belemiu sinaa aiya.”

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 4:12

Salan do'a lengkat mae hi Epafras. Ia suele lengkat mae atina' i gampa miu. Ia posaihon i Kristus Yesus anu saja' tapakun mondo'akon komiu. Ia nompoitamo hi Tumpu sabole-bole da kapalesaya'an miu timbali mahoson ka' komiu totu-totu'u timbalimo otaha'imani, da sahondo-hondonyo na kinyonyoa miu tulu-tulutan i pongka'oho' nu Tumpu.

YAKOBUS 1:4

O jaga da kasabalan nu kinyonyoa miu aijo' saja' opo boa-boa sampe komiu totu-totu'u ma'ima'mo ka' madi'mo kakulangan i uno nu han mau pe'e pa' apaa.

1 YOHANES 3:3

Iwi-iwi' na mian anu montaha'imani i Kristus susumo aiya, mompokopiani ahi' butongnyo da totu-totu'u susi', belesi' madi' baladosa' sumo i Kristus susi'.