MATIUS 5:39 - KITAB NU TUMPU ALLA LELE MA'IMAI'

³⁹ Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

MATIUS 5:39 ပူးပေါင်းရင်းမြစ်များ

1 TOMU-TOMUNDO' 22:24

Sahingga nokiijo'mo na i Nabi Zadekia nongohani i Mikha, lantas i hapa'nyomo na ohupnyo lantas notatae, “Madi' toho' na Roh nu Tumpu mompala'imo aku ka' monsampo sisikmo beleyum?”

AYUB 16:10

To mia-mian lewa'mo nongkokojoi aku, nu nganga'akon nu aha daka-daka' na nganga' nu aha lewa' mongalu aku; aku ilibutanmo nu aha ka' i hapa'mo nu aha na gagisingku.

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

AMSAL 24:29

Boli motatae, “Aku tionyo mombalosakon ia apaa na anu binaunyomo hi belengku!”

YESAYA 50:6

Ku bee'mo na tundunku hi mian anu mondokemo mae aku; ka' mule' gagisingku hi mian anu monggautmo jangkutku. Aku madi' mombilokakon ohupku, tempo'nyo aku sola'mo o'alu ka' sola'mo otupe'i

MOHAANGI 3:30

Maumo ohapa' ka' lewa' opobau-bau, iwi-iwi' aijo' otalimanto mo ahi'.

IMAMAT 19:18

Boli mombalosi kasala'an nu mian ka' boli mongka'ideki mian sangga'at, panyo kanonongi na sangko mian susumo belemiu mongkanonongi posi butong nu belemiu! Akumo na Tumpu.

MIKHA 5:1

Tumpu notatae, “O, Betlehem Efrata beleyum sala'sa'angu' na kota' anu ise' hondo i daerah Yehuda! Panyo atina' hi beleyum Ku hangkatmo na samian anu mongkuasai Israel anu pinolengkatannyo mae daagi' pe'e naipuan mae.”

MATIUS 5:40

Ka' de komian anu mongkalaak komiu hi Mian Kopian, ka' montuntut baju'um, bee'akonmo hi ia na juba'um.

LUKAS 22:64

Binobodan nu aha na mata-Nyo ka' pinokilawa nu aha hi Ia, “Soba tili'i, ihe na nondoke Oko?”

LUKAS 6:7

To pia-piangkuka na gulu' agama mian nu Farisi mongka'oho' molio kasala'an i Yesus, da timbali mongkalaak Ia. Jadi, aha saja' mompotamatakon pa' Ia nompa'alinmo mian masakit i sinaa nu Sabat.

YOHANES 18:23

I Yesus nontaami, “De Aku nontaloakon apa-apaa anu madi' totu'u, poto'i mae aiya apaa na anu sinala'! Panyo de anu Ku taloakon aijo' memang totu'u, kadaka' beleyum mohapa' Aku?”

1 KORINTUS 6:7

Ma'isa pe'e mamba mahampalakala hi mian anu misa' Kristen; panyo de maluannyo ko po'uwalian anu itina' hi komiu timbalimo pontu'osian sa'angu' na kakalahan hi komiu. Sahanyo komiu opotimbali madi' adin, kabai opolugi'!

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

IBRANI 12:4

Kalana i uno nu usaha nu beleyum mongewa dosa', komiu ma'isa toho' kino iman sumo aijo' sampe baso' tionyo jinujuhakonmo.

YAKOBUS 5:6

Komiu nohukummo ka' nompateimo to mia-mian anu madi' ko sala'nyo, ka' aha madi' nongewa komiu.

1 PETRUS 3:9

Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.