MATIUS 5:37 - KITAB NU TUMPU ALLA LELE MA'IMAI'

³⁷ Taloakonmo, ‘Ii'’ kabai ‘Madi'’ – molabii anu sumo aijo' nyata' nolengkat mae i Ibilis.”

MATIUS 5:37 ပူးပေါင်းရင်းမြစ်များ

MATIUS 13:19

Bine' anu nanabu' i jalan sumomo to mia-mian mohongo lele mongkona mosia na Tumpu mompalentah, panyo madi' mangalati'. Anu Ma'idek aijo' tinoka ka' nongagoi apaa na anu daagi' pinoto'i i uno nu kinyonyoa nu aha.

MATIUS 13:38

Ale' aijo', aiyamo dunia aiya. Bine' anu ma'ima', aijo'mo to mia-mian anu tinimbalimo mian anu palesayamo hi Tumpu. To pada-padang aijo'mo to mia-mian anu mosambiha' hi Ibilis.

MATIUS 15:19

Kalana lengkat i uno nu kinyonyoa lubat na pikilan-pikilan anu ma'idek, anu monsabapi mian mompatei, masala' mombau anu moko mahenyu, montomang, mombee'i sakisi baleko', ka' mompitana'akon.

MATIUS 5:36

Boli mule' basumpa' sanggo nu ubakum, sabab posi beleyum madi' moko bau bulu nu ubakum timbalimo pute' kabai mo'itom, mau mule' ola sahamba.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

YOHANES 17:15

Madi' Ku poita da kita Tuuma mongala aha i dunia aiya, panyo Ku poita da kita Tuuma mompimpaliakon aha i Anu Ma'idek.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

EFESUS 4:25

Kalana aijo' to Utu-utus iwi-iwi' bolimo baleko'. Pombaumo gau' anu hodi' hi samian ka' hi samian, kalana kita iwi-iwi' bubuu'mo ninsoop bagian butong i Kristus.

EFESUS 6:16

Saja' opake na kapalesaya'an miu hi Tumpu salaku toongon bau pompedas; tiba kapalesaya'an anu totu-totu'u sumo aijo' komiu timbali mompoho' mata nu pana' iwi-iwi' anu ko apunyo lengkat mae hi anu ma'idek.

KOLOSE 3:9

Boli mompaha aka-akali samian ka' samian, kalana kantumuu'an anu nanau'mo tiba sipatnyo iwi-iwi' ilapasakonmo miu.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

2 TESALONIKA 3:3

Panyo Tumpu mongkanonongi. Ia mompohoson ka' monjagai komiu da te Ibilis madi' mompoposia komiu.

YAKOBUS 5:12

Anu talalo hondo penting, aijo'mo: Boli basumpa', mau tiba sanggo nu langit, mau tiba sanggo nu tano', kabai tiba sanggo nu mau mule' pa' apaa. Ola ahi' otaloakon “Ii'” de kahanda' nu beleyum ii', ka' “Madi'” de kahanda' nu beleyum madi'; da komiu boli opokonai hukuman nu Tumpu.

1 YOHANES 2:13

Aku nontulismo toka hi belemiu to Tutuuma, kalana komiu nonsumbu'mo Ia anu polo-polo'mo daagi' salatanmo pe'e i momonanyo. Aku nontulismo toka hi belemiu, to Oli-olitau kalana komiu nohungku'imo, Anu Ma'idek.

1 YOHANES 3:12

Boli kita sumo i Kain, anu tinimbalimo anak nu Ibilis ka' nompateimo posi Utusnyo. Apaa na sababnyo i Kain nompateimo Utusnyo? Kalana hahan anu binaunyomo aijo' sala', panyo hahan anu binaumo nu Utusnyo aijo' totu'u.

1 YOHANES 5:18

Osumbu'to saba' iwi-iwi' na mian anu tinimbalimo to ana-anak nu Tumpu, madi' sabau-baunyomo dosa', kalana Anak nu Tumpu Allah na monjagai ia, ka' Anu Ma'idek madi'mo moko ala mombau apa-apaa hi ia.