MATIUS 5:35 - KITAB NU TUMPU ALLA LELE MA'IMAI'

³⁵ mau mule' sanggo nu dunia, sabab dunia aijo' latas nu tengke-Nyo; kabai sanggo nu Yerusalem, sabab aijo'mo na kota nu Tomundo Daka'.

MATIUS 5:35 ပူးပေါင်းရင်းမြစ်များ

MAZMUR 48:2

Memang talasanggo ahi' na Tumpu ka' talalo ahi' opuji', ikota' nu Tumpu, ipuge'nyo anu susi'.

MAZMUR 87:2

Iwi-iwi' na kota' i Israel, Yerusalemo na anu talalo hondo nu kalibosi.

MAZMUR 99:5

Oholomati ka' opopodaka' na Tumpunto anu talasanggo tolodadupumo i ahop nu kasuhangannyo ka' sombahmo na Ia. Ia talalo hondo Susi'!

YESAYA 66:1

Tumpu notatae, “Langit atina'mo na kajojoongan-Ku, ka' tano' katinjoan nu tengkeng-Ku. Jadi laigan anu mosia na anu nu bauakon hi beleng-Ku, ka' tampat iya mae na pombauan nu beleyum bau jojoongan-Ku?

MALEAKHI 1:14

Mohumpak kutuk na anu topo akali anu mompalasombahkon hi beleng-Ku binatang anu madi'mo mingkaliangan de memang ahi' hi aha aijo' daagi ko potuu'onnyo anu jinanji'nyomo binatang anu ma'ima na osombahkon hi beleng-Ku! Kalana Akumo na Tomundo' anu Talasanggo ka' mule' o adati nu iwi-iwi' na bansa.”

MATIUS 5:36

Boli mule' basumpa' sanggo nu ubakum, sabab posi beleyum madi' moko bau bulu nu ubakum timbalimo pute' kabai mo'itom, mau mule' ola sahamba.

SISIKON NU TO RASUL-RASUL 7:49

‘Langit aitumo na kasuhangan-Ku, ka' tano' polapisi tengkeng-Ku. Laigan apaa na anu ka'oho' opotinjoakon miu hi beleng-Ku? Iya mae na tampat bau pilawean-Ku?

ANU PINOTO'I HI YOHANES 21:10

Sahingga Roh nu Tumpu nongkuasaimo aku, ka' malaikat aijo' nomboamo aku i bawo nu bungkutnyo anu talalo matangkas hondo. Ia nompotoamo hi belengku Yerusalem, kota anu susi' aijo', kota aijo' nintatau' mae lengkat i suluga', lengkat mae hi Tumpu,

ANU PINOTO'I HI YOHANES 21:2

Sahingga aku nontoamo kota susi' aijo', aijo'mo Yerusalem nintatau' mae lengkat i suluga' hi Tumpu. Kota aijo' pinosadiakonmo sumo samian na boting boune binaju'anmo da monsingkabotimo boting mo'ane.