MATIUS 5:30 - KITAB NU TUMPU ALLA LELE MA'IMAI'

³⁰ De lima nu koananum monsaduakon beleyum baladosa', kolongakon ka' alin na lima aijo'! Lebe ma'ima' molapus na limaum sambiha', ka' de mule' iwi-iwi' na butongum minsoop i nalaka.”

MATIUS 5:30 ပူးပေါင်းရင်းမြစ်များ

MATIUS 11:6

Kopi-kopian na mian anu madi' mombahakon tiba monsalakon Aku!”

MATIUS 13:21

Panyo lele aijo' madi' mimbakat i uno nu kinyonyoa nu aha, sahingga madi' montahan pin. Salatan aha mongoa'imo susa' kabai o sakisa, kalana lele aijo', lau-laus aha moojalo.

MATIUS 16:23

I Yesus nonsiloi lantas notatae hi Petrus, “Lako' pala'i na tampat aiya, Ponggoda! Beleyum montewa' Aku. Pikilanum aijo' pikilan nu mian; misa' pikilan nu Tumpu!”

MATIUS 17:27

Panyo boli kita monsinggung kinyonyoa nu to mia-mian aijo'. Jadi, lako'mo pokiijo'mo i dowiwi da momeka. Ala na ikan momona i humpakum. I uno nu nganga'nyo aijo' beleyum mohumpakje doi anu sukup bau pombayan hasin nu kita ohua'. Ala na doi aijo' ka' bayan hi aha na hasin nu Laigan nu Tumpu.”

MATIUS 18:8

De limaum kabai tengkeum monsaduakon beleyum baladosa', okolongakon ka' o'alin. Lebe ma'ima' beleyum tumuu' tiba Tumpu Allah, maumo madi' ko sambiha' na lima kabai tengke, de mule' beleyum o alin i uno apu nalaka tiba ohua' na lima ka' tengkeum.

MATIUS 22:13

Lantas tomundo aijo' notatae hi to poka-pokauhonnyo, ‘Segoti na tengke ka' lima nu mian aiya, ka' alin na ia i sambiha'nyo i tampat anu pikat. I kiijo' daagi' ko anu tumando' ka' sansala.’ ”

MATIUS 25:20

Posaihon anu nontalima olima' na madala na doi mosoni' aijo' tinoka, ka' nombee' sampulu' na madala. ‘Kita Tuan,’ na koonyo, ‘Kita Tuan nombee' olima' na madala doi mosoni' hi belengku. Toamo, aku kino hasinnyo nohumpak ka'untungan olima' na madala suele.’

MATIUS 26:31

Lantas i Yesus notatae hi anu saja' mombatuki Ia, “Pihi uuka komiu iwi-iwi' mopadeka'mompala'i Aku; kalana i uno nu Kitab nu Tumpu tinulis: Tumpu notatae, ‘Aku mompatei polaya' domba aijo', ka' sampahas na dombanyo mosungke-sungkehet.’

MATIUS 5:22

Panyo uuka Aku motatae hi beleyum, ihe na pusa hi mian sangga'at, tionyo o putusi na palakalanyo; ka' ihehe na monguduli mian sangga'at, tionyo o putusi na palakalanyo i ahop nu Mian Kopian Daka' nu Agama. Ka' ihehe na montaloakon hi mian sangga'at, ‘Talalo ponga'’, patut o alin i uno nu apu nalaka.

MATIUS 5:29

De mataum koanan monsaduakon beleyum baladosa', kubetakon ka' o alin na mata aijo'! Lebe ma'ima' molapus na sala'sa'angu' na pakakas nu butongum, ka' de mule' iwi-iwi' na butongum o alin i uno nu nalaka.

MARKUS 9:43

De limaum mombau beleyum baladosa', kolongi na lima aijo'! Sahanyo beleyum tumuu' tiba Tumpu mau ola sambiha' na lima, de mule' beleyum ua-uambiha' na lima minsoop i nalaka, aijo'mo apu anu sidu-sidutu'. [

LUKAS 12:5

Sahanyo Ku potiju' hi belemiu ihe na tionyo okabuhuk miu. Pabuhuk hi Tumpu! Kalana nu poko patei, Ia ko kuasa mule' mongalin i uno nu nalaka! Palesayamo, Ia na anu tionyo okabuhuk miu.

LUKAS 17:2

Lebe ma'ima' de batu ponggiling oposegot i gogohongnyo, lantas ia o alin i uno nu ambai, ka' de mule' ia monsaduakon sala'samian na to mia-mian ise' aiya mombau dosa'.

ROMA 9:33

Mongkona batu aijo', i Kitab nu Tumpu tinulis sumo uuka, “O intomakon na aiya: I Sion pinotimpas-Kumo sambatu na batu anu monsaduakon mian tosumpun; aijo'mo sambatu na batu daka' anu monsaduakon mian motua'. Panyo mian anu palesaya hi Ia madi' mompele-pele'.”

1 KORINTUS 8:13

Mokonyo aijo' de kaanon monsaduakonmo Utusku baladosa', saba' aku madi'mo hondo daagi' mongkaan ponoha'. Kalana boli-boli Utusku baladosa'mo kalana aku.

GALATIA 5:11

Mongkona aku, to Utu-utus, kadaka' aku saja' oka'ideki de aku daagi' mompolele tukoongku atulan nu sunat aijo' daagi' ahi' palalu? De aku memang mompolele sumo aijo', saba' anu ku polele mongkona salib i Kristus madi'mo timbali monsaduakon painggagan.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.