MATIUS 5:3 - KITAB NU TUMPU ALLA LELE MA'IMAI'

³ “Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

MATIUS 5:3 ပူးပေါင်းရင်းမြစ်များ

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

2 TAWARIKH 33:19

I Uno nu kitab Sisikon nu to Nabi-nabi tinulismo suele na do'a i Manasye ka' mosia na Tumpu nontaami do'a aijo', ka' mule' sisikon mongkona iwi-iwi na dosa'nyo tempo'nyo ia ma'isa binalatobat, iwi-iwi na tampat bau ponsomban pilogot ka' iwi-iwi na patong Pilogot boune Asyera anu binaunyomo ka' to pilo-pilogot anu nu sombah.

2 TAWARIKH 33:23

Panyo madi' pokakana tiba tuumanyo, i Amon madi' mongaku kasala'annyo ka' madi' po'ule' balatobat ka' monsombah Tumpu; ka' mule' ia na lebe baladosa' molingkudui tuumanyo.

2 TAWARIKH 34:27

beleyum nompele-pele'mo ka' nagakumo kasala'an i ahopku. Aku nompopobuhukmo Yerusalem tukoongku Ku hukumo na Yerusalem ka' mian anu jojoong i kiijo', panyo salatan beleyum nohongomo anu pinompobuhuku-Ku aijo' beleyum i humangmo ka' nombea-beakmo baju' nu beleyum salaku tanda sinusa'mo na kinyonyoa nu beleyum,

2 TAWARIKH 7:14

lantas mian anu pinalesayamo hi belengku anu saja' monsanggo sanggongku, mangakumo kasala'an, ka' balado'amo ka' mule' tokamo hi belengku, ka' madi'mo mombau kalakuan nu aha anu toto ide-idek, saba' kiita' mae i suluga' Ku hongo mae na do'a nu aha. Ku ampunimo na dosa' nu aha haha aijo' ka' mompotimbalimo mule' lipu' nu aha bilahi.

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

MAZMUR 1:1

Mohumpak kabilahian na mian anu madi' mombatuki pokinde' nu mia anu ma'idek na kinyonyoanyo, madi' montiho mian anu baladosa' ka' madi' lewa' gandi-gandian tiba mian anu mompisala'i ka' mongalu Tumpu,

MAZMUR 112:1

O puji' na Tumpu. Mohumpak ka'ima'an na mian anu tulu-tulutan, anu mongka'ima'i iwi-iwi' na palentah nu Tumpu.

MAZMUR 128:1

Nyanyian mamba i tampat anu ko balakatnyo. Mohumpak kantumuu'an ma'ima' na mian anu mongkabuhuk ka' montuluti palentah nu Tumpu.

MAZMUR 146:5

Mohumpak kantumuu'an ma'ima' na mian anu talalo hondo montaha'imani Tumpu-nyo, ka' ko Tumpu i Yakub salaku anu montulungi ia.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 34:18

De maluanyo mian anu bala iman hondo, mongkakase momoita tulung, nu hongo nu Tumpu, ka' momposalamatakon aha da madi' nu kona nu iwi-iwi' na kasusa'an.

MAZMUR 41:1

Anu mongkapalai panyanyi. Mazmur i Daud.

MAZMUR 51:17

O Tumpu tulungiakon mae na aku motatae, sahingga aku mompuji-puji'mo Belento.

MAZMUR 84:12

Kalana Tumpu na monjagai kita ka' tomundo' anu talasanggo hondo, anu mongkalibosimo mae kita ka' i hangkatnyomo na sanggonto. Ia saja' montalima maumo pa'apaa asan anu ma'ima' na opoita kona hi mian anu kantumuu'annyo madi' ko anu ma'idek.

AMSAL 16:19

Lebe ma'ima' boli takabun ka' madi' ko halata'; ka' de ola mule' mombatuki mian anu takabun ka' mompake halata' nu mian anu ingagoan.

AMSAL 29:23

Mian anu takabun saidi mae madi'mo o'adati mian anu madi' takabun saidi mae o puji'mo.

AMSAL 8:32

Kalana aijo' potombihingakon mae na aku, o belemiu anu ma'isa langkai' ka' bengkele', Otuluti na anu ku poto'i da belemiu sanang na kantumuu'an.

YESAYA 30:18

Maumo ahi' sumo aijo' panyo Tumpu na me ahi' montatanda tempo'nyo, Ia mompotoamo kalibosan-Nyo hi belemiu. Ia memang mongkalibosimo belemiu. Kalana Tumpu aijo'mo na Tumpu anu mombau apa-apaa madi' hondo sala'. Mohumpak kabilahian na mian anu saja' mompasehakon kantumuu'annyo hi Ia.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 61:1

Kuasa nu Tumpu Anu Matangkas na Kuasanyo aiyamo hi belengku; Ia nompile'imo aku ka' nonsaimo aku da momboa lele ma'ima' hi mian anu kasiasi ka' mompa'alin mian anu ihansunmo na kinyonyoanyo; da mombebakon hi mian anu tinahanmo saba' aha malia'mo opobebas, ka' hi to mia-mian i uno nu talungku' saba' aha osabatakonmo.

YESAYA 66:2

Songko-songko na dunia aiya, anu binau nu limang-Ku, saba' iwi-iwi' aijo' binaumo. Panyo anu Ku inde'i, aijo'mo mian anu ma'ima' na kinyonyoanyo, anu mongakui to dosa-dosa'nyo, anu mabuhuk ka' tulu-tulutan hi beleng-Ku.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MATIUS 11:25

Tempo'nyo aitu i Yesus binala do'amo, “Tuuma, Tumpu anu mongkuasai langit ka' tano'! Aku mompoita talima kaseh hi Kita saba' iwi-iwi' aijo' Belento nolahasiakonmo hi to mia-mian anu pande, ka' ko ilimu', panyo Belento nompotiju'akonmo hi to mia-mian anu madi' ko sikolah.

MATIUS 11:6

Kopi-kopian na mian anu madi' mombahakon tiba monsalakon Aku!”

MATIUS 13:16

“Panyo palias na ka'untungan miu,” koonyo i Yesus hi anu saja' mombatuki Ia, “Kalana komiu totu'u nontoa ka' nohongo.

MATIUS 19:14

Sahingga i Yesus notatae hi anu saja' mombatuki Ia, “Bakas na to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali mian anu palesayamo hi Tumpu.”

MATIUS 24:46

Palias na kosanangnyo nu posaihon aijo' de tuannyo minsusule'mo mae, ka' montokai mae ia hau-haunyo mombau kalaja'anyo.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 8:11

Totu'u! Manjoo' na mian anu tokaje lengkat mae i kabete'an tiba kinsoban da balame-lame' hingga-hinggat tiba i Abraham, i Ishak, ka' i Yakub, i uno nu Dunia Bu'ou nu Tumpu.

MARKUS 10:14

Montoa han aijo', i Yesus pinusa lantas Ia notatae hi anu saja' mombatuki Ia, “Pojohok da to ana-anak aijo' toka hi beleng-Ku! Boli montewa' aha, kalana to mia-mian anu susumo aiya na timbali minsoop mian anu palesayamo hi Tumpu.

LUKAS 11:28

Panyo i Yesus nontaami, “Lebe bilahi mule' na mian anu mohongo potatae nu Tumpu ka' mombau palentah-Nyo!”

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

LUKAS 22:29

Sumo Tuumangku nombee'imo hak mompalentah, sumo aitumo mule' na Aku mombee' hak aijo' hi komiu.

LUKAS 22:30

Ka' desumo aijo'mo, komiu timbalimo hingga-hinggat balasanang tiba Aku, de Aku timbalimo Tomundo. Ka' komiu saidi' mae sumuhangmo aita' i sampulu' ka' ohua' na kasuhangan nu Tomundo, da mompalentah sampulu' ka' ohua' na tulunan bansa nu Israel.”

LUKAS 4:18

“Roh nu Tumpu daagi' hi beleng-Ku, kalana Ia nohangkatmo Aku da mompolele Lele Ma'ima' hi mian kasiasi. Ia nompokau Aku da mompoto'iakon opobebasmo na mian anu i hakop ka' kapa'alinan nu mian mapisok; da bau pompobebas mian anu o sansala

YOHANES 20:29

Sahingga i Yesus notatae hi ia, “Te misa' o beleyum palesayamo kalana nontoamo Aku? Higahi na mian anu palesaya mau mule' madi' montoa Aku.”

PO'ULE' INGULIT 8:2

O' inau'! Patompulu' na taun na kopinnyo Tumpu Allah miu nolaya'mo mae belemiu i uno nu lumambanan anu majo'on nontului mae padang bola. I uno nu lumambanan aijo' niat nu Tumpu Allah da monsobai belemiu, da Nu toa apaa na anu i uno nu kinyonyoa nu belemiu ka' apaa belemiu montuluti sagala palentah-Nyo.

YAKOBUS 1:10

Ka' mian Kristen anu kaya de nu tauhakonmo nu Tumpu tionyo ahi' suele saja' mongoa'i lame'. Kalana mian kaya mingkot sumo bunga nu hemput.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YAKOBUS 2:5

O inau', to Utu-utus anu okanonongi! Mian anu kasiasi i dunia aiya, pinile'anmo nu Tumpu da timbali mian anu kaya i uno nu iman. Mian haha aijo' pinosoopmo da timbalimo mian anu palesayamo hi Tumpu, sumo anu jinanji'mo nu Tumpu hi mian anu mongkalibosi Ia.

ANU PINOTO'I HI YOHANES 19:9

Lantas malaikat aijo' notataemo hi belengku, “O tulis na aiya: ‘Mohumpak ka'ima'an na anu i lagamo mamba i bau-bauon pinonika'an Anak nu Domba aijo'.’ ” Lapas mule' malaikat aijo' nompaka potatae mule', “Aiyamo na lele anu totu'u lengkat mae hi Tumpu.”

ANU PINOTO'I HI YOHANES 22:14

Mohumpak ka'ima'an na mian anu nombaso'imo juba'nyo sampe belesi', ka' sahingga aha ko hakmo mongkaan bua' nu kau' kantumuu'an ka' minsoopmo i uno nu kota aijo' montului sabatan daka' aijo'.

ANU PINOTO'I HI YOHANES 3:17

Belemiu notatae, ‘Kami kaya ka' sukup; kami madi' kakulangan apa-apaa.’ Panyo madi' osumbu' miu, palias na ko kasiasinyo ka' ko susa'nyo na ka'ada'an miu! Belemiu kasiasi, to langgo-langgo' ka' mapisok.