MATIUS 5:24 - KITAB NU TUMPU ALLA LELE MA'IMAI'

²⁴ tionyo ia mompala'i pe'e anu nu sombahkon aijo' i ahop nu tampat ponsombahkonan, lantas mamba baladame tiba mian aijo'. Lapas aijo' timbalije ia minsusule' ka' monsombahkon anu nu bee' hi Tumpu.

MATIUS 5:24 ပူးပေါင်းရင်းမြစ်များ

AYUB 42:8

Jadi, uuka aiya alamae na sapi' lakinyo popitu', ka' domba lakinyo popitu', ka' lambamo hi Ayub. Lantas sombahkonmo na aijo' iwi-iwi' salaku koloban anu opotunu bau pongampuni belemiu. Nudoa'akonje i Ayub na belemiu ka' do'anyo Ku talimaje. Belemiu madi'mo Ku ambangi, maumo sabenannyo belemiu pantasmo na mohumpak hukuman. Belemiu madi' nompoto'i anu sahondo-hondonyo mongkona butong-Ku, padahan i Ayub na nontaloakonmo ahi'.”

AMSAL 25:9

Sala paham tiba sangalu nu beleyum, posi atunmo ima-ima' tiba ia, panyo lahasia nu mian sangga'at boli nu sisik.

MATIUS 23:23

Silaka na komiu to gulu-gulu' agama ka' to mia-mian nu Farisi! Komiu ola ahi' mombau pula-pula! To lampa-lampa sumo solasi, adas manis, ka' suele jintan, komiu mombee'i, de sampulu' na bahagian sambahagian hi Tumpu. Padahan hahan anu palalu hondo i uno nu to atu-atulan nu agama, sumo umpamanyo: Ka'adilan, mompahakali-kalibosi, ka' mohongo-hongo, madi' o palahatikan miu. Padahan aijo'mo na tionyo o bau miu, tiba madi' timbali mompojohok anu toto sangga'at.

MATIUS 5:23

Kalana aijo', de sala'samian itina' hi komiu hau-haunyo monsombahkon anu obee' hi Tumpu, lantas tonginau' daagi' ko mian ma'idek na kinyonyoanyo hi ia,

MARKUS 9:50

Timuson aijo' ma'ima', panyo de timbalimo matawas, apaa saidi' mae timbali po'ule' opo'asing? Jadi, kukahanda'i komiu sumo timuson – tumuu'mo hingga-hinggat ka' mompaha kali-kalibosi.

1 KORINTUS 11:28

Jadi batu-batu mian tionyo mompalesa pe'e butongnyo, atina'je ka' ia timbali mongkaan roti ka' monginum anggur aijo'.

1 TIMOTIUS 2:8

Ku kahanda'i da mau mule' iya mae na to momo'ane balado'a ming kinyonyoa ahi' anu susi', madi' pusa kabai ko po'uwalian.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.