MATIUS 5:23 - KITAB NU TUMPU ALLA LELE MA'IMAI'

²³ Kalana aijo', de sala'samian itina' hi komiu hau-haunyo monsombahkon anu obee' hi Tumpu, lantas tonginau' daagi' ko mian ma'idek na kinyonyoanyo hi ia,

MATIUS 5:23 ပူးပေါင်းရင်းမြစ်များ

KAJADIAN 41:9

Lapas aijo' anu mongkalesang inumon notataemo hi tomundo, “Sinaa aiya ku akuimo na kasala'anku.

1 TOMU-TOMUNDO' 2:44

Nusumbu' totu-totu'u na ka'idekan nu beleyum iwi-iwi' hi tuumangku. Kalana aijo', Tumpu mohukummo beleyum,

MOHAANGI 3:20

Saja'mo ku popikilakon na han aijo', sahingga kinyonyoangku madi'mo sinanang.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

HOSEA 6:6

Lebe Ku ka'ima'i, hi belemiu da monsumbu' mae Aku, ka' saja' ahi' mongkalibosi mae Aku, nulingkudui na mompapui ka' monsombahkon koloban hi beleng-Ku.

MATIUS 23:19

Komiu talalo mapisok! Iya na talalo palalu? Anu sinombahkonnyo kabai tampat ponsombahkonan anu mompotimbali palasombahan aijo' susi'?

MATIUS 5:24

tionyo ia mompala'i pe'e anu nu sombahkon aijo' i ahop nu tampat ponsombahkonan, lantas mamba baladame tiba mian aijo'. Lapas aijo' timbalije ia minsusule' ka' monsombahkon anu nu bee' hi Tumpu.

MATIUS 8:4

Lantas koonyo i Yesus hi ia, “O inau'! Boli monsisik mau mule' pa' hi he. Panyo lako' hi imam ka' opoita na ia da montantukan beleyum na'alinmo. Lapas aijo' sombahkon na koloban anu pinalentahkon i Musa, bau bukuti' hi to mia-mian saba' beleyum totu-totu'u na'alinmo!”

MARKUS 11:25

Ka' de komiu balado'a, panyo kinyonyoaum madi' sanang hi samian ka' samian, ampuni pe'e na mian aijo', da Tuumaum i suluga' mule' mongampuni dosa-dosa'um. [

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.