MATIUS 5:18 - KITAB NU TUMPU ALLA LELE MA'IMAI'

¹⁸ O inau'! Sapinnyo langit ka' dunia daagi', sa'angu' na hulup kabai titik anu talalo ise' pe'e i uno nu atulan aijo' madi' o hapusakon, de iwi-iwi' ma'isa jadi!

MATIUS 5:18 ပူးပေါင်းရင်းမြစ်များ

MAZMUR 102:26

naipuan mae Belento nompotimbalimo dunia; langit suele lima nu Belento na nompotimbali.

MAZMUR 111:8

Atulan-Nyo opake sampe toka sidu-sidutu' totu'u ka' adin na mompojalan.

MAZMUR 119:152

Salatanmo pe'e naipuan mae sinumbu'kumo i pangajalan nu Belento iwi-iwi', taalu' Belento nontantukanmo sampe toka sidu-sidutu'.

YESAYA 40:8

Hemput manggasmo ka' bunga-bunga magayoumo, panyo potatae nu Tumpunto tataap sampe toka sidu-sidutu'.”

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

YESAYA 51:6

Tonto'i mokiita' na langit ka' toa na tano'; langit madi'mo otoa-toa susumo tibuk ka' tano' luso'mo susumo baju' anu pininmo na saja' pinusok, iwi-iwi' na anu monjojoongi silakamo susumo momot. Panyo kasalamatan anu Ku bee'mo na tataap ahi' sampe toka sidu-sidutu', ka' kamanangan-Ku na madi' ahi' kokamingkotannyo.

MATIUS 10:15

O inau'! I Sinaa Kakiamatan, to mia-mian nu Kota' Sodom ka' Gomora lebe dengke na o ampuni nu Tumpu, ka' de mule' to mia-mian nu kota' aijo'!”

MATIUS 10:23

De komiu osansala i sala'sa'angu' na kota, popadeka' mamba i kota sangga'at. Ku poto'i hi beleyum: Ma'isa pe'e komiu moko lambani iwi-iwi' na to kota-kota Israel, Anak nu Mian tokamo.

MATIUS 10:42

De ihe na mompo'inumi, mau mule' ola uee lop hi sala'samian to mia-mian anu madi' ko angga'nyo, kalana ia anu saja' mombatuki Aku, palesayamo ia tantu montalima tamboonyo!”

MATIUS 11:11

Inau' pe'e! I dunia aiya ma'isa toho' ko mian anu lebe daka' molingkudui Yohanes anu Mompalamandikan. Maumo sumo aitu mian anu talalo ise' atina' hi mian anu palesayamo hi Tumpu lebe daka' molingkudui Yohanes.

MATIUS 13:17

Jaga mae, da'isan na nabi ka' mian anu tulut hi Tumpu mongkahanda'i montoa anu tinoa miu uuka aiya, panyo aha madi' montoa. Aha mongka'oho' mohongo apaa na anu i hongo miu uuka aiya, panyo aha madi'mo daagi' mohongo.”

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 17:20

I Yesus nontaami, “Kalana komiu madi' talalo palesaya. O inau'! De komiu palesaya totu-totu'u kodaka'nyo sumo batu nu sasawi, komiu timbali motatae hi bungkutnyo aiya, ‘Polalin mokiijo' mae!’ tantu bungkutnyo aiya timbali molalin. Madi' ko sa'angu' pe'e na anu madi' opoko ala obau miu! [

MATIUS 18:18

“Osumbu'mo: Apaa na anu opoliwa' miu i dunia aiya, sumo aitumo suele opoliwa' i suluga'. Ka' apaa na anu opototu'u miu i dunia aiya, suele opototu'u i suluga'.

MATIUS 18:3

Lantas i Yesus notatae, “Palesayamo! Ola ahi' de komiu mongabali' ka' timbali susumo to ana-anak, komiu timbali minsoop mian anu palesayamo hi Tumpu.

MATIUS 19:23

Lantas i Yesus notatae hi anu saja' mombatuki Ia, “Aku motatae hi beleyum, susa' hondo na mian anu kaya timbali mian anu palesayamo hi Tumpu.

MATIUS 19:28

I Yesus notatae hi aha, “Palesayamo: I Dunia Bu'ou, Anak nu Mian sumuhangje i kasuhangan-Nyo anu talasanggo. Tempo'nyo aitu, komiu anu saja' mombatuki Aku, sumuhangje i sampulu' ka' ohua' na kasuhangan anu talasanggo, ka' momputusi sampulu' ka' ohua' na tulunan nu bansa Israel!

MATIUS 21:21

“Totu'u” tinaaman i Yesus, “De komiu palesaya ka' madi' bata-bata, komiu timbali mombau apaa na anu Binaungkumo i kau' ara aiya. Ka' misa' ola aijo', aitu pe'e komiu timbali motatae i bungkutnyo aiya, ‘Talahangkat ka' tongalin mokaiyong i uno nu ambai’; saba' han aijo' tionyo timbali.

MATIUS 21:31

Jadi, ua'aha na anak aijo', ihe na anu nombau pongka'oho' nu tuumanyo?” “Anu tumpe,” tinaaman nu Kapala nu to Ima-imam ka' to pola-polaya' nu Yahudi aijo'. Lantas i Yesus notatae hi aha, “Palesayamo: Anu saja' montage hasin, ka' to bou-boune anu masala' na tongkoimoona timbali mian anu palesayamo hi Tumpu ka' de mule' komiu.

MATIUS 23:36

Palesayamo: Iwi-iwi' aijo' nu tanggungje nu to mia-mian tempo' uuka!”

MATIUS 24:2

I Yesus notatae hi aha, “Tinoamo miu iwi-iwi' aijo'? Da osumbu'mo, madi' ko sa'angu' pe'e na batu nu laigan aijo' na tasusun i tampatnyo, iwi-iwi' o hobo'akon.”

MATIUS 24:47

Palesayamo, tuan aijo' mompalesayakon iwi-iwi' na halata'nyo hi posaihon aijo'.

MATIUS 25:12

Panyo boting mo'ane aijo' nontaami, ‘Aku madi' monsumbu' komiu!’ ”

MATIUS 25:40

Tomundo aijo' nontaami, ‘Da osumbu': tempo'nyo komiu mombau han aijo', mau pe'e hi sala'samian i to utu-utus-Ku anu talalo kanteles, alati'nyo komiu nombaumo hi beleng-Ku!’

MATIUS 25:45

Tomundo aijo' nontaami, ‘Da osumbu'mo: de komiu madi' ka'oho' montulungi, sala'samian anu talalo kanteles aiya, alati'nyo komiu madi' mongka'oho' montulungi Aku.’

MATIUS 5:26

Ka' o inau': Tantu komiu madi' moko posabat i talungku' aijo' de ma'isa pe'e pinondenda hi beleyum opolunas iwi-iwi'.”

MATIUS 6:16

“De komiu bapuasa', boli mompotoa ohup susa', sumo mian anu mimpula-pula. Aha mombali'i lupa nu ohupnyo da iwi-iwi' na mian monsumbu' au'aitu aha bapuasa'. O inau' aijo'mo na tamboonyo anu tinalimamo nu aha.

MATIUS 6:2

Jadi, de komiu mombee' sadaka' hi mian kasiasi, boli lewa' o hengge-hengge'akon na han aijo' sumo anu nu bau nu to mia-mian geguan. Nu ka'ima'i nu aha na mombau sumo aijo' i uno nu laigan pogalejaan tiba i jalan daka', da nu puji' nu mian. O inau' aha nontalimamo tamboonyo.

MATIUS 8:10

Salatan i Yesus nohongo apaa na anu tinaloakon nu suludadu aijo', Ia binangang hondo. Lantas Ia notatae hi to mia-mian anu hau-haunyo mombatuki Ia, “Palias na mian aiya. Hi mian nu Israel ma'isa pe'e toho' Aku nongkabot kinodaka'nyo nu palesaya aiya!

MARKUS 10:15

Inau'mo na aiya! Ihena madi' mangadap hi Tumpu sumo samian na anak, madi' timbali minsoop mian anu palesayamo hi Tumpu.”

MARKUS 10:29

Koonyo i Yesus, “Palesayamo: Mian anu nompala'imo auwannyo, kabai utusnyo mo'ane, kabai boune, kabai tinanyo, kabai tuumanyo, kabai to ana-anaknyo, kabai pe'e sawah ale'nyo kalana Aku ka' kalana Lele Ma'ima' lengkat mae hi Tumpu,

MARKUS 11:23

Totu'u komiu moko potatae i bungkutnyo aiya, ‘Polalin ka' pokaiyong i ambai!’ Jadi han aijo' timbali obau miu; asan komiu madi' bata-bata, ka' komiu palesaya saba' apaa na anu otaloakon miu aijo' totu-totu'u timbali.

MARKUS 12:43

Sahingga i Yesus nolaga anu saja' mombatuki Ia ka' notatae, “Palahatikan na aiya: Balu anu kasiasi aijo' nomposoop i uno nu peti' aijo' lebe manjoo' tiba anu pinosoop nu iwi-iwi' na mian sangga'at.

MARKUS 13:30

Osumbu'mo! Iwi-iwi' na kajadian aiya saidi' mae timbali, ma'isa pe'e to mia-mian anu tumuu' tempo' u'uka aiya silaka iwi-iwi'.

MARKUS 14:18

Ka' hau-haunyo aha suha-suhang mongkaan, i Yesus notatae, “Hongo: samian anu aiya hi komiu, anu u'uka aiya mongkaan hingga-hinggat ka' Aku, daagi' ko anu mongkabisa'ije Aku.”

MARKUS 14:25

Palesayamo: Aku madi'mo po'ule' monginum anggur aiya, sampe toka i tempo'nyo Aku monginum anggur anu bu'ou tiba komiu i Dunia Bu'ou nu Tuumang-Ku.”

MARKUS 14:30

“Jaga,” koonyo i Yesus, “Pihimo aiya, ma'isa pe'e manuk mintutuhu' pinduan, beleyum pintolunmo na nombahakon Aku.”

MARKUS 14:9

Palesayamo! I songko-songko na dunia maumo iyayamae na Lele Ma'ima' lengkat hi Tumpu o leleakon, apaa na anu binaumo nu boune aiya saja' o sisik madi' okolilimi na ia.”

MARKUS 3:28

Osumbu'mo! De mian anu mombau dosa' ka' montaeakon anu moko kulang, ia daagi' o ampuni.

MARKUS 6:11

Panyo de komiu toka i sa'angu' na tampat, ka' to mia-mian i kiijo' madi' mongka'oho' montalima ka' mohongo komiu, pala'imo na tampat aijo'. Ka' osapui na abu' i tengkeum salaku sa'angu' na tanda hi aha!”

MARKUS 8:12

I Yesus nongoa'i sinusa' lantas nontaami, “Apaa na sababnyo mian tempo' uuka momoita Aku da mombau anu okabangangi? Madi'! Aku madi' mombee'i tanda anu sumo aijo' hi aha!”

MARKUS 9:1

“Osumbu'mo!” koonyo i Yesus. “Itotonga' nu belemiu aiya madi' ko anu mate, de ma'isa montoa Tumpu mompalentah nu kuasa-Nyo!”

MARKUS 9:41

Inau'mo! Mian anu mombee'i monginum hi komiu, kalana komiu mombatuki Tomundo anu Momposalamat, ia tantu montalimaje tamboonyo.”

LUKAS 11:51

salatanmo pe'e i Habel pinatean sampe i Zakharia pinatean, anu tinimbali i olot nu mezbah ka' Laigan nu Tumpu. Palesayamo: To mia-mian tempo' aiya, tantu o hukum kalana iwi-iwi' sinumo aijo'mo.

LUKAS 12:37

Palias na ko untungnyo na to posa-posaihon anu tinokan hau-haunyo montanda'i tuannyo toka. Palesayamo: Tuan aijo' nosadia'imo, ka' nompokaumo posaihon haha aijo' sumuhang, lantas ia mombee'imo apaa na anu palalu hi aha.

LUKAS 13:35

Kalana aitu Tumpu madi'mo monjagai beleyum. Osumbu'mo, mulai uuka beleyum madi'mo daagi' montoa Aku, sampe beleyum motatae, ‘Nubalakati na Ia anu tinokamo i uno nu sanggo nu Tumpu.’ ”

LUKAS 16:17

Panyo lebe dengke langit tiba dunia lanyap, ka' de mule' sa'angu' na hulup i uno nu Atulan nu Tumpu na o alinakon.

LUKAS 18:17

O inau'! Mian anu madi' mangadap hi Tumpu sumo samian na anak, madi' timbali minsoop mian anu palesayamo hi Tumpu Allah.”

LUKAS 18:29

“Palesayamo!” na koonyo i Yesus. “Mian anu mompala'imo laigannyo, kabai bengkele'nyo, kabai utusnyo, kabai tuuma tinanyo, kabai to ana-anaknyo, kalana mohongo anu o atun nu Tumpu,

LUKAS 23:43

“Palesayamo,” na koonyo i Yesus hi ia, “Sinaa aiya beleyum hingga-hinggatmo ka' Aku i Firdaus.”

LUKAS 4:24

Tinuangan i Yesus, “O inau', madi' ko nabi anu o adati i posi kampungnyo.

YOHANES 1:51

Koonyo i Yesus mule', “Totu'u, palesayamo, beleyum montoaje langit tontuhea', ka' to mala-malaikat nu Tumpu moliba' mintau' hi Anak nu Mian.”

YOHANES 10:1

“Totu'u hondo na potataeng-Ku aiya: Mian anu minsoop i pangkun nu domba malaluan i pagan, ka' madi' montulu sabatan, panyo moliba' montulu jalan sangga'at, mian aijo' anu mombuling ka' mule' ia tololang.

YOHANES 10:7

Lantas i Yesus po'ule' mule' notatae minsan, “Totu'u na potataeng-Ku aiya: Akumo na sabatan pinsoopan nu domba.

YOHANES 12:24

Totu'u hondo na potataeng-Ku aiya: De sambatu na gandum madi' o tugan i uno nu tano' ka' mate, ia tataap samba-sambatunyo. Panyo de batu nu gandum aijo' mate, atina'je ka' mohasinakon manjoo' na gandum.

YOHANES 13:16

Totu-totu'u hondo na potataeng-Ku aiya: Samian na posaihon madi' lebe daka' molingkudui tuannyo, ka' samian na posaihon madi' lebe daka' molingkudui anu nonsai.

YOHANES 13:38

Tinaaman i Yesus, “Totu-totu'u sanang na beleyum mate kalana Aku? Da nusumbu', ma'isa pe'e manuk mintutuhu' saidi' beleyum polo'mo pintolun na motatae tukooyum, beleyum madi' monsumbu' Aku!”

YOHANES 14:12

Totu'u hondo na potataeng-Ku aiya: Mian anu palesaya hi beleng-Ku tionyo mombau apaa na anu binaung-Kumo, – aitu pe'e ia tionyo mombau anu lebe daka' mule' – kalana aku mamba hi Tuuma.

YOHANES 16:20

Palesayamo, komiu humaangje ka' montando'i, panyo dunia ola lame'. Komiu susa' na kinyonyoa, panyo kasusa'anum aijo' timbalije kalame'an.

YOHANES 16:23

I sinaa aitu, komiu madi'mo daagi' mompokilawa apa-apaa hi beleng-Ku. Palesayamo: Mau mule' apaa na opoita miu hi Tuuma de momboa sanggong-Ku, aijo' nubee' nu Tuuma hi beleyum.

YOHANES 21:18

Totu'u hondo na potataeng-Ku aiya: Tempo'nyo beleyum daagi' olitau, posi beleyum na mombutu' kompongum, ka' mamba pa' moya na nu kahanda'i. Panyo de beleyum langkai'mo, beleyum montajuakonmo limaum, ka' mian sangga'at na mompungu beleyum, ka' momboa beleyum hi anu madi' nu ka'ima'i na kalambanan.”

YOHANES 3:11

Palesayamo: kami monsisik ola apaa na anu osumbu' mami, ka' kami timbali sakisi ola apaa na anu tinoamo mami; panyo komiu madi' mongka'oho' montalima anu sinakisian mami.

YOHANES 3:3

I Yesus nontaami, “Palesayamo, madi' ko samian pe'e timbali minsoop anu palesayamo hi Tumpu, de madi' ia po'ule' ohampeakon.”

YOHANES 3:5

I Yesus nontaami, “Totu-totu'u na potataeng-Ku aiya: de mian madi' ohampeakon nu uee ka' mule' nu Roh nu Tumpu, mian aijo' madi' timbali mian anu palesayamo hi Tumpu.

YOHANES 5:19

I Yesus nontaami mian haha aijo' sumo uuka, “Palesayamo, Anak madi' moko ala mombau apa-apaa de ola posi kuasanyo. Ia ola mombau apaa na anu tinoa-Nyomo binau nu Tuuma-Nyo. Kalana apaa na anu binaumo nu Tuuma, aijo'mo suele na nubau nu Anak.

YOHANES 6:26

I Yesus nontaami, “Totu'u, komiu molio Aku, misa' kalana komiu nonsumbu'mo alati'nyo nu anu okabangangi binaung-Ku, panyo kalana komiu nobosumo na nongkaan.

YOHANES 6:32

Lantas i Yesus notatae hi aha, “Palesayamo: Misa' i Musa, panyo Tuumang-Kumo na anu nombee'i komiu roti anu sahondo-hondonyo lengkat mae i suluga'.

YOHANES 6:47

Osumbu'mo: Mian anu palesaya na ko kantumuu'an anu talakana' toka sidu-sidutu'.

YOHANES 6:53

Lantas i Yesus notatae hi aha, “Palesayamo: De komiu madi' mongkaan butong Anak nu Mian ka' monginum baso'-Nyo, komiu totu-totu'u madi' tumuu'.

YOHANES 8:34

“Totu'u hondo na potataeng-Ku aiya,” koonyo i Yesus hi aha, “Mian anu mombau dosa', atina' botuan nu dosa'.

YOHANES 8:51

Totu'u hondo na potataeng-Ku aiya, mian anu mombatuki potataeng-Ku, sidu-sidutu' madi' mate.”

YOHANES 8:58

I Yesus nontaami, “Totu'u na anu Ku taloakon hi komiu: ma'isa pe'e i hampe na i Abraham, Aku polo-polo'mo daagi'.”

1 PETRUS 1:25

panyo potatae nu Tumpu tataap sampe toka sidu-sidutu'.” Potatae nu Tumpu aijo' Lele Ma'ima' anu binebakonmo hi belemiu.

ANU PINOTO'I HI YOHANES 20:11

Lapas aijo', aku nontoamo sa'angu' na kasuhangan mopute' ka' daka', ka' Ia anu sinumuhang aita'. Langit ka' tano' i madi'mo ko anu i ahop-Nyo, sahingga madi'mo daagi' tinoa.