MATIUS 5:15 - KITAB NU TUMPU ALLA LELE MA'IMAI'

¹⁵ Madi' ko mian anu montutungi sulu', lantas mongkulubi sulu' nu gumbang. Ia ola ahi' mompo'una' sulu' aijo' i tampat nu sulu', da monjingkai batu-batu mian i uno nu laigan.

MATIUS 5:15 ပူးပေါင်းရင်းမြစ်များ

NOSABATMO 25:37

Obau popitu' na sulu' i tengke nu sulu' aijo' ka' tutungi ma'i-ma'ima' sahingga jingkanyo majo'on.

ZAKHARIA 4:2

Pinokilawanyo mae, “Apaa na anu tinoamo nu beleyum?” “Sa'angu' na sulaan nu sulu' mosoni' na tinutuk,” na koongku. “Aita mae i pupusnyo daagi' ko tampat bau pongisian lanya', ka' anu montikubi popitu' na sulu' ka' toto sa'angu' ko tampat bau pompokonan sumbunyo.

NOMBILANGMO 8:2

“Poto'i hi Harun de ia montutungimo popitu' na sulu' i tengkenyo nu sulu' aijo', ia tionyo ahi' montutungi ma'i-ma'ima' sahingga timbali monjingkai sasu ahop nu tengkenyo aijo'.”

MARKUS 4:21

Pinotusnyo mule' na i Yesus notatae, “Toho' tinoa na mian mompomoak sulu' ka' okulubi nu gumbang, kabai opo'una' i aluk nu kamale'an? Te misa' ia mompo'una' sulu' aijo' i tengke nu sulu'?

LUKAS 11:33

“Madi' ko anu montutungi sulu' lantas momposuluk kabai mongkulubi nu gumbang. Ia mompo'una' sulu' aijo' i tengke nu sulu', da mian anu minsoop timbali montoa jingkanyo.

LUKAS 11:36

De songko-songko na butongum majingka, ka' madi' ko sambagian pe'e na anu pintung, saba' songko-songko na butongum aijo' majingka hondo sumo nu jingkaimo nu sulu'.”

LUKAS 8:16

“Madi' ko mian anu montutungi sulu', lantas mongkulubi nu gumbang kabai mompo'una' i aluk nu kahoyotan. Ia tionyo mompo'una' sulu' i sulaannyo nu sulu', da mian anu minsoop montoa jingkanyo.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

IBRANI 9:2

Sa'angu' na kemah pinotinjo anu i sasu ahopnyo, sinanggohan Salipi' anu Susi'. I kiijo' daagi' ko sulaan nu sulu' ka' daagi' mule' ko meja' tiba roti anu osombahkon hi Tumpu.

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.