MATIUS 5:14 - KITAB NU TUMPU ALLA LELE MA'IMAI'

¹⁴ Komiu jingka nu dunia. Kota anu aita' i bungkutnyo madi' opoko posuluk.

MATIUS 5:14 ပူးပေါင်းရင်းမြစ်များ

AMSAL 4:18

Jalan nu mian anu ma'idek na kinyonyoanyo pintung sumomo londomi' de malomo. Aha tosumpun ka' motua' madi' nusumbu' nu aha. Panyo mule' ahi' jalan anu nutulu nu mian anu ma'ima' na kinyonyoanyo sumomo ahi' batu nu sinaa bete'mo mae; ko pipinnyo ko jingka-jingkanyomo, sahingga ahennyo mae majingkamo hondo.

YEHEZKIEL 5:5

Tumpu Anu Matangkas na Kuasanyo notatae, “Soba toa aiyamo na Yerusalem. Kota' aiya Ku po una'mo i puso nu dunia tiba nega-negara sangga'at anu mompaha ohani.

YOHANES 12:36

Palesayamo i jingka aijo', de jingka aijo' hau-haunyo daagi' hi belemiu, o usahakon da komiu timbali ana-anak nu jingka.” Noko taloakon na i Yesus sumo aijo', Ia nambamo nompala'i tampat aijo' ka' madi'mo mongka'oho' manintoa hi aha.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.

YOHANES 8:12

I Yesus binasisik mule' hi mian da'isan tukoo-Nyo, “Akumo na jingka nu dunia. Mian anu mombatuki Aku, madi' lumajang i pintung, panyo mohumpak jingka kantumuu'an.”

YOHANES 9:5

De Aku daagi' i dunia aiya, Akumo na jingka nu dunia aiya.”

2 KORINTUS 6:14

Boli mongka'oho' timbali sangalu nu to mia-mian anu madi' palesaya hi Yesus; aijo' madi' sosok. Iya na toho' ka'ima'an mosa'angu' tiba ka'idekan! Madi' toho' jingka maninggalo' tiba pintung.

FILIPI 2:15

Tiba jalan anu sumo aijo', komiu mompotoamo saba' komiu to ana-anak nu Tumpu anu madi' ko alunyo, anu tumuu' madi' baleko' ka' madi' geguan hi aha mian anu ma'idek ka' baladosa'. Ka' de komiu monsisikmo hi aha lele anu mombee'i kantumuu'an, tionyo ahi' komiu toka hi aha timbali sumo jingka anu jongkilaban monjingkai dunia. De komiu tumuu' sumo aijo', atina'je ka' aku mongoa'i sanang hi komiu de tempo'nyomo i Yesus Kristus mompo'ule'mo toka. Aijo' na bukuti'nyo saba' usahangku madi' pinalasuma ka' usahangku kino hasinnyomo.

1 TESALONIKA 5:5

To Utu-utus iwi-iwi' atina'mo na mian anu tumuu' i uno nu jingka. Kita misa' mian anu tumuu' i uno nu kapintungan, kabai anu ibahagianmo nu anu pinihimo ka' pinintungmo.

ANU PINOTO'I HI YOHANES 1:20

Aiyamo na lahasia nu popitu' na mandala' anu tinoamo nu beleyum i limang-Ku koanan, ka' i popitu' na tengke nu sulu' mosoni' aijo': Popitu' na mandala' aijo' atina'mo na to mala-malaikat i popitu' na jama'at aijo', ka' popitu' na tengke nu sulu' aijo' atina'mo na jama'at anu popitu' aijo'.”

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.