MATIUS 5:11 - KITAB NU TUMPU ALLA LELE MA'IMAI'

¹¹ Bila-bilahi na komiu de o alu, o sakisa, o pitana'i kalana Aku.

MATIUS 5:11 ပူးပေါင်းရင်းမြစ်များ

MAZMUR 35:11

Sakisi-sakisi anu toto ide-idek na kinyonyoanyo nongewamo mae aku, ka' nontuukmo mae aku koonyo nu aha nombaumo hahan anu madi' kusumbu'.

MAZMUR 44:22

Tantu nusumbu' ahi' nu Tumpu kalana Nu kiop ahi' na lahasia nu kinyonyoa mami.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

YESAYA 66:5

Potombihing apaa na anu nutaloakon nu Tumpu, o, belemiu anu mabuhuk ka' montuluti Ia, “Kalana belemiu tulu-tulutan hi beleng-Ku, daagi' ko anu atina' hi bangsa nu belemiu na anu mongka'ideki belemiu, ka' madi' mongka'oho' mosangalu tiba belemiu. Aha ola mompopo'ambang belemiu ka' potatae, ‘Bakas da Tumpu mompotoa katalasanggoan-Nyo, da kami montoa belemiu lame'mo.’ Panyo posi ahamo ahi' na na'ambang.

YEREMIA 37:14

Tinaamanku, “Madi' totu'u! Aku madi' ko kahanda' mopalai ka' mainggalumo hi aha sampobali'.” Panyo madi' pinalesaya i Yeria. Ia nohakopmo ka' nomboamo aku nangadap hi to mia-mian anu ko pangkatnyo ipamalentahan.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 10:22

Iwi-iwi' na mian mongka'ideki komiu, kalana komiu mombatuki Aku. Panyo mian anu batahan toka i mihinyo, oposalamat.

MATIUS 10:25

Sukupmo de samian na mulit timbali sumo gulu'nyo, ka' samian na posaihon sumo tuannyo. De kapala nu auwan osanggohimo Beelzebul, sumo aitu mule' iwi-iwi' na isi nu salaigan. Aha tionyo obee'i sanggo anu lebe ma'idek mule'!”

MATIUS 10:39

Mian anu mompagala mompotumuu' kantumuu'annyo tionyo mingkot na kantumuu'annyo, panyo mian anu mingkot na kantumuu'annyo kalana tulut hi beleng-Ku, tionyo mohumpak kantumuu'annyo.”

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 24:9

Lapas aitu, komiu o hakop ka' o bee' da o sakisa ka' o patei. Songko-songko na dunia mongka'idekimo komiu, kalana komiu anu mombatuki Aku.

MATIUS 27:39

To mia-mian anu notulu i kiijo' kinolilo-lilok na ubak ka' nongambangi i Yesus.

MARKUS 13:13

Komiu nuka'ideki nu mian iwi-iwi', kalana komiu anu saja' mombatuki Aku. Panyo mian anu balatahan toka i mihinyo, oposalamat.”

MARKUS 13:9

Komiu tionyo mombala'ingati, kalana komiu o hakop ka' o hela' mokiijo' hi anu momputusi hukuman. Komiu o boboti i to lai-laigan pogalejaan. Komiu oboa mangadap hi anu mongkuasai ka' hi to tomu-tomundo', kalana komiu anu saja' mombatuki Aku. Ka' aijo'mo na kasampatan hi komiu mombee'i katalangan mongkona Aku hi aha.

MARKUS 4:17

Panyo lele aijo' madi' jojoong i uno nu kinyonyoa nu aha, sahingga madi' pin. Salatan aha mongoa'i sansala i kasusa'an kabai okabisa'i kalana lele aijo', lau-laus aha madi'mo palesaya.

MARKUS 8:35

Kalana mian anu mongka'oho' balatahan i kantumuu'annyo, madi' matantu na kantumuu'annyo. Panyo mian anu mongkolobanakon kantumuu'annyo hi belengku ka' bau kapalaluan nu Lele Ma'ima' anu lengkat mae hi Tumpu, momposalamat ia.

LUKAS 21:12

Panyo ma'isa pe'e iwi-iwi' aijo' toka, komiu o hakopmo ka' o sakisa. O putusi na palakala miu i Laigan Pogalejaan ka' oposoop i uno nu talungku'. Ka' komiu o hela' ka' opokiijo'akon i ahop nu to tomu-tomundo tiba anu batu-batu ko kuasa, kalana komiu anu mombatuki Aku.

LUKAS 21:17

Komiu saidi' mae nuka'ideki nu mian iwi-iwi', kalana komiu mombatuki Aku.

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

LUKAS 9:24

Kalana mian anu monggagan mompintoongi kantumuu'annyo, tionyo molapus na kantumuu'annyo. Panyo mian anu mombee' kantumuu'an bau kapalaluan-Ku, aijo' na momposalamat ia.

YOHANES 15:21

Iwi-iwi' aijo' saidi' mae nubau nu aha hi komiu, kalana komiu anu saja' mombatuki Aku, kalana aha madi' monsumbu' Ia anu nonsai mae Aku.

YOHANES 9:28

Lantas ingudulan nu aha na ia ka' notatae, “Oko na anu saja' mombatuki Ia; kami misa'! Kami anu mombatuki i Musa.

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

ROMA 8:36

I Uno nu Kitab nu Tumpu tinulis sumo uuka, “Sansina-sinaa kami tumuu' i uno nu balaa', kapatean kalana Beleyum. Kami obau sumo domba anu okahanda'imo okolot.”

1 KORINTUS 4:10

Kalana i Kristus, kamimo na mian anu ponga', ka' komiu mian Kristen na pande! Kami madi' moko ala mombau apa-apaa, komiu mahoson! Kami o'alu, ka' komiu na opopodaka'!

2 KORINTUS 4:11

Kalana de daagi' kami tutuu', kami saja' mongahopi kapatean kalana i Yesus, da kalana aijo' kantumuu'an i Yesus suele timbali oponyata' i butong mami anu ola tumuu' sasaingoni' aiya.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

1 PETRUS 2:23

Tempo'nyo Ia inguda-udahan, Ia madi' suele nonguda-udahi. Tempo'nyo Ia nongoa'i sansala Ia madi' noto muhuk, Ia ola nonsimpalakon palakala-Nyo hi Tumpu, Mian Kopian anu adin aijo'.

1 PETRUS 4:14

Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.

ANU PINOTO'I HI YOHANES 2:3

Komiu sabaan, ka' komiu nongoa'imo sansala kalana Aku, ka' komiu madi' mongoa'i mompele-pele.