MATIUS 4:9 - KITAB NU TUMPU ALLA LELE MA'IMAI'

⁹ Lantas Ibilis notataemo hi Yesus, “Iwi-iwi' aiya kubee'je hi Beleyum de Beleyum toloduku monsombah aku.”

MATIUS 4:9 ပူးပေါင်းရင်းမြစ်များ

MAZMUR 72:11

Iwi-iwi' na to tomu-tomundo' tolodadupumo i ahopnyo, iwi-iwi' na bansa baumo posaihonnyo.

AMSAL 8:15

To tomu-tomundo' ku tulungi na mompojalan palentah, anu ko kakuasa'an kutulungi na montinjohakon ka'adilan.

DANIEL 4:32

Belento olaa'mo nu aha mian da'isan ka' tumuu'mo tiba to bina-binatang i padang. Kopinnyo popitu' na taun ka' belento mongkaanmo hemput susumo sapi'. Lapas aijo' belento mongakuimo talu' Tumpu Allah Anu Matangkas na Kuasanyo na balakuasa i kalaja'an nu manusia ka' kalaja'an aijo' obee'mo hi hehe na anu pinile'an-Nyomo.”

MATIUS 26:15

Ia notatae hi aha, “Apaa na anu obee' miu hi belengku, de aku mombee' i Yesus hi komiu?” Saba' binilang nu aha tolumpulu' na doi salaka, lantas binee'mo na doi aijo' hi ia.

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

YOHANES 12:31

Uuka aiya tempo'nyomo na dunia oputusi na palakalanyo; uuka aiya anu mongkuasai dunia aiya otua'akonmo.

YOHANES 13:3

Sinumbu'mo i Yesus na Tuumanyo nombee'mo iwi-iwi' na kuasa hi Ia. Nusumbu' suele na Ia, lengkat mae hi Tumpu, ka' po'ule' minsusule' hi Tumpu.

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

YOHANES 16:11

ka' Tumpu momtampu'unimo mohukum, kalana anu mongkuasai dunia aiya i hukummo.

2 KORINTUS 4:4

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

1 TIMOTIUS 3:6

Samian na anu montoongi jama'at madi' timbali mian anu sala'je tinimbali Kristen, kalana saidi' mae ia timbalimo kobubuun, lantas okutukimo sumo Ibilis naipuan mae.

ANU PINOTO'I HI YOHANES 19:10

Aku dinumaladupu i ahop nu malaikat aijo' kahanda' monsombah ia, panyo ia notatae mae hi belengku, “Boli! Boli monsombah aku, sombahmo na Tumpu! Kalana aku mule' posaihon sumo beleyum ka' sumo to utu-utusum iwi-iwi' anu nintoongmo dodo-dodo i potatae anu sinisikmo i Yesus!” Kalana apaa na anu pinoto'imo i Yesus aijo'mo na anu mombee'i to mia-mian da moko ala monsisikakon hahan anu tokaje mae.

ANU PINOTO'I HI YOHANES 19:16

I juba'-Nyo ka' i pa'anyo tuli-tulis na sanggo sumo uuka, “Tomundo nu tomundo iwi-iwi', ka' Tumpu nu tuan iwi-iwi'.”