MATIUS 4:4 - KITAB NU TUMPU ALLA LELE MA'IMAI'

⁴ I Yesus nontaami, “I uno nu Kitab nu Tumpu tinulis: Mian madi' ola tumuu' nu roti, panyo mule' suele kalana potatae anu nu taloakon nu Tumpu.”

MATIUS 4:4 ပူးပေါင်းရင်းမြစ်များ

NOSABATMO 16:15

Salatan tinoamo nu aha mian Israel, aha madi' monsumbu' pa' apaa na aijo'. Sahinga aha nompaha poki-pokilawamo samian ka' samian, “Apaa na aijo'?” Lantas i Musa notataemo hi aha, “Aijo'mo na anu okaan anu nubee' nu Tumpu hi belemiu.

NOSABATMO 16:35

Manna aijo' binaumo kaanon nu aha mian Israel kopinnyo pinatompulu' na taun, i lambakonnyo tinoka i Kana'an, tampat anu kinajojoonganmo nu aha. (

NOSABATMO 16:8

Tumpu nombee'imo belemiu ponoha' de mamalomo ka' roti daagi' subu sampe belemiu mobosu, kalana Tumpu nohongomo belemiu saja'mo motambuha' hi Ia. Sabenannyo de belemiu saja'mo motambuha' hi kami, belemiu sumomo saja'mo motambuha' hi Tumpu.”

NOSABATMO 23:15

I bitu'on Abib, kona i tempo'nyo anu pinotantumo nu belemiu tionyo ahi' molame'akonmo lamean nu Roti anu Madi' ko Raginyo susumo sonto' anu pinalentah-ng-Kumo hi belemiu, kalana i bitu'onmo aijo' na belemiu nompala'imo mae Mesir. Boli mongkaan roti anu ginalo'an ragi na mombau, kopinnyo ipitun hau-haunyo molame'akon aijo'. De belemiu tokamo mae monsombah Aku, belemiu tionyo ahi' momboa mae anu osombahkon.

MATIUS 15:11

Anu minsoop i nganga' madi' mombau da mian aijo' mahumimi'; ola ahi' anu mosabat lengkat i nganga'nyo, aijo'mo na anu mompotimbali ia mahumimi'.”

MATIUS 4:10

I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

MATIUS 4:7

I Yesus nontaami, “Panyo i uno nu Kitab nu Tumpu tinulis mule', ‘Boli beleyum monsobai Tumpuum.’ ”

MARKUS 7:20

Lantas i Yesus notatae mule', “Anu mosabat lengkat hi mian, aijo'mo na montawasi ia.

LUKAS 4:12

I Yesus nontaami, “I uno nu Kitab nu Tumpu tinulis, ‘Boli monsobai Tumpuum.’ ”

LUKAS 4:4

I Yesus nontaami, “I uno nu Kitab nu Tumpu tinulis, ‘Mian madi' ola tumuu' nu roti.’ ”

LUKAS 4:8

I Yesus nontaami, “I uno nu Kitab nu Tumpu tinulis, ‘O sombah na Tumpuum ka' o hongo na palentah-Nyo.’ ”

YOHANES 15:26

Ku pokauje mamba hi komiu, pontulungi anu nolengkat mae hi Tuuma. Iamo na Roh anu mompoto'i kahondoan mongkona Tumpu. De Ia toka, Ia mombee'i katalangan mongkona Aku.

YOHANES 6:63

Anu nompotimbali mian tumuu' aijo'mo Roh nu Tumpu. Kahosonan nu mian madi' ko kaliangannyo. Potatae anu Ku taloakon hi komiu aiya, aijo'mo na potatae nu Roh nu Tumpu ka' potatae anu mombee'i kantumuu'an.

ROMA 15:4

Iwi-iwi' anu tuli-tulis i uno nu Kitab nu Tumpu, aijo' bau pompangajali kita. Kalana pangajalan anu otalimanto i Kitab nu Tumpu mompotimbali kita sabaan ka' mahoson, sahingga kita moko ala montaha'imani Tumpu.

EFESUS 6:17

Ala na kasalamatan salaku songko' anu ko aja'nyo, ka' potatae nu Tumpu salaku bajak lengkat hi Roh nu Tumpu Allah.

PO'ULE' INGULIT 8:3

Ia nompojohokmo belemiu da mo'ohop, lantas belemiu binee'an-Nyomo manna da okaan. Daagi' pe'e u'utu mae belemiu ka' mompolee' miu ma'isa toho' nongkaan kaanon aijo'. Tumpu nombau sumo aitu da mongajan belemiu kalana manusia madi' tumuu' de ola kalana anu okaan, panyo maumo pa' apaa na anu nutaeakon nu Tumpu timbali bau kantumuu'an.