MATIUS 4:23 - KITAB NU TUMPU ALLA LELE MA'IMAI'

²³ I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MATIUS 4:23 ပူးပေါင်းရင်းမြစ်များ

MAZMUR 103:3

Ia na anu nongampunimo dosa' nu beleyum iwi-iwi', anu nompa'alinmo iwi-iwi' na panyakit nu beleyum,

MAZMUR 74:8

Aha kahanda'mo, mompatundu' kami ingko-ingkot, ka' mompapuimo iwi-iwi' na tampat anu bau ponsomban Tumpu i lipu' aiya.

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

MATIUS 12:9

I Yesus nompala'i tampat aijo' lantas namba i sa'angu' na laigan pogalejaan.

MATIUS 13:19

Bine' anu nanabu' i jalan sumomo to mia-mian mohongo lele mongkona mosia na Tumpu mompalentah, panyo madi' mangalati'. Anu Ma'idek aijo' tinoka ka' nongagoi apaa na anu daagi' pinoto'i i uno nu kinyonyoa nu aha.

MATIUS 13:54

lantas ninsusule'mo i kampung-Nyo. I kiijo' mae Ia namba nongajan i laigan pogalejaan, ka' to mia-mian anu nohongo Ia i kiijo' binangangmo hondo. Aha notatae, “Lengkat iyamae na mian aiya nohumpak kapandean sumo aijo'? Ka' lengkat mae iya na Ia nohumpak kuasa mombau anu okabangangi?

MATIUS 14:14

Tempo'nyo i Yesus ilumobos lengkat i duangan ka' nontoa mian da'isan aijo', Ia nolibosmo hi aha. Lantas Ia nompa'alin to mia-mian anu masakit kiijo' hi aha.

MATIUS 24:14

Ka' Lele Ma'ima' mongkona mosia na Tumpu mompalentah o polele i songko-songko na dunia, da iwi-iwi' na mian mohongo. Lapas aitu, tokaje na kakiamatan.”

MATIUS 3:2

“Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 9:35

Sumo aijo' na i Yesus namba nonsongkohi sa'angu' na kota, namba i kota sangga'at, ka' lengkat mae i sa'angu' na kampung namba i kampung sangga'at. Ia nongajan i to lai-laigan pogalejaan, ka' noleleakon Lele Ma'ima' mongkona mosia na Tumpu Allah mompalentah sumo Tomundo'. Ia nompa'alin to mia-mian anu mongepe iwi-iwi' na ngahan nu panyakit, ka' anu madi' sampa' na butongnyo.

MARKUS 1:14

Salatan i Yohanes tinalungku', i Yesus namba nokiijo' i Galilea, ka' noleleakon Lele Ma'ima' lengkat hi Tumpu i kiijo' mae.

MARKUS 1:21

I Yesus ka' anu saja' mombatuki Ia tinoka i kota Kapernaum. Tempo' po'ule'mo sinaa nu Sabat, i Yesus ninsoop i uno nu laigan pogalejaan, ka' nontampu'uni nongajan.

MARKUS 1:39

Kalana aijo' i Yesus namba noyaya, songko-songko i Galilea, ka' nombee'i sisik nu Tumpu i to lai-laigan pogalejaan, ka' nolaa' to roh-roh ma'idek.

MARKUS 3:10

Ia mompa'alin da'isan na mian, sahingga iwi-iwi' na mian masakit nogogensotan ka' mompagala mongohani da timbali mongkanyang Ia.

MARKUS 6:2

Tempo'nyo sinaa nu Sabat ia nontampu'unimo nongajan i laigan pogalejaan. Da'isan na mian i kiijo'. Tempo'nyo to mia-mian aijo' nohongo pangajalan i Yesus, aha binangang hondo. Aha notatae, “Lengkat iya na mian aiya nohumpak iwi-iwi' sumo aijo'? Kapandean anu sumo aijo' apaa aiya lengkat hi Ia? Mosia na Ia timbali mombau anu okabangangi?

MARKUS 6:6

Ia binangang kalana aha madi' palesaya. Lapas aijo' i Yesus namba i kampu-kampung ise' anu mompaha ohani aijo', ka' mongajan.

LUKAS 10:9

Opa'alinakon na to mia-mian anu masakit i kota aijo', ka' opoto'i hi to mia-mian i kiijo'. ‘Tumpu malia'mo montampu'uni mompalentah sumo Tomundo hi komiu.’

LUKAS 13:10

Daagi' ko sansinaan i sinaa nu Sabat, i Yesus nompogulu' i sa'angu' na Laigan Pogalejaan.

LUKAS 16:16

Atulan anu binee' i Musa tiba ajalan nu to nabi-nabi, tataap o pake sampe tempo'nyo i Yohanes anu Mompalamandikan. Mulai tempo' aitu, Lele Ma'ima' mongkona mosia na Tumpu mompalentah susumo Tomundo, saja'mo i leleakon. Ka' mian mompakisakon butong da timbali minsoop mian anu palesayamo hi Tumpu.

LUKAS 20:1

Daagi' kino sansinaan, i Yesus hau-haunyo mompogulu' ka' mompolele Lele Ma'ima' lengkat hi Tumpu, hi to mia-mian i uno nu Laigan nu Tumpu. Kapala nu to ima-imam, gulu-gulu' agama tiba to pola-polaya' nu Yahudi, tinokamo

LUKAS 4:14

Lapas aijo', i Yesus ninsusule'mo nokiijo' i Galilea; Ia kinuasanmo nu Roh nu Tumpu. Lele mongkona butong-Nyo tinogilelemo i songko-songko na da'erah aijo'.

LUKAS 5:17

Daagi' ko sansinaan tempo'nyo i Yesus hau-haunyo mongajan, daagi' ko to pia-piangkuka na mian nu Farisi tiba to gulu-gulu' agama sinumuhang i kiijo'. Aha tinoka lengkat mae i Yerusalem tiba lengkat mae i to kota-kota Galilea ka' i Yudea. Kuasa nu Tumpu daagi' hi Yesus, da nompa'alin to mia-mian masakit.

LUKAS 6:17

Lapas aijo' i Yesus nintudunmo lengkat mae i bungkutnyo aijo' hingga-hinggat tiba to rasul-rasul aijo', lantas nilawe ka' tinuminjo i sa'angu' na tampat anu mahata. I kiijo' suele daagi' ko mian da'isan sangga'at anu saja' mombatuki Ia, tinoka lengkat iyayamae i songko-songko na Yudea, Yerusalem, ka' to kota-kota Tirus ka' Sidon anu i biwi nu ambai.

LUKAS 6:6

Daagi' ko sansinaan nu Sabat sangga'at, i Yesus namba nongajan i laigan pogalejaan. I kiijo' daagi' ko samian na limanyo lupe na sambiha'.

LUKAS 7:21

Tempo'nyo aitu i Yesus nompa'alin da'isan na mian, ka' nolaa' manjoo' na roh ma'idek tiba mule' nompotimbali da'isan na mian mapisok timbali nontoa.

LUKAS 7:22

I Yesus nontaami, “Pinsusule'mo hi Yohanes, ka' opoto'iakon apaa na anu ihongomo miu ka' tinoa: mian anu mapisok montoa, mian anu lupe i lumajang, mian anu ko panyakit kilit okabuhuk i na'alin, mian anu mabongon nohongo, mian anu sinilakamo po'ule' tinumuu', ka' Lele Ma'ima' lengkat mae hi Tumpu pinoto'iakon hi to mia-mian kasiasi.

LUKAS 8:1

Madi' pinin lengkat i aijo', i Yesus nambamo i kota-kota ka' i kampu-kampung da mompolele Lele Ma'ima', saba' Tumpu Allah montampu'unimo mompalentah susumo Tomundo. Sampulu' ohua' na anu saja' mombatuki namba hingga-hinggat ka' Ia.

LUKAS 9:11

Panyo salatan sinumbu'mo nu to mia-mian na han aijo', aha nombatukimo Yesus. Ia nontalima aha, lantas binasisik hi aha mosia na Tumpu mompalentah sumo Tomundo. Ka' Ia mule' nompa'alinmo mian masakit anu kiijo' hi aha.

LUKAS 9:60

I Yesus nontaami, “Pojohok na mian silaka molamun miannyo anu silaka. Panyo beleyum lako' ka' songkohakon na lele saba' Tumpu montampu'unimo mompalentah.”

YOHANES 18:20

I Yesus nontaami, “Aku saja' basisik sahondo-hondonyo i ahop nu mian da'isan. Aku saja' mompogulu' i to lai-laigan Pogalejaan ka' i Laigan nu Tumpu, tampat nu mian Yahudi biasanyo silimu'. Madi' toho' Aku montaloakon apa-apaa maninsuluk.

YOHANES 6:59

Iwi-iwi' aijo' tinaloakon i Yesus tempo'nyo Ia nompogulu' i uno nu laigan pogalejaan i Kapernaum.

YOHANES 7:1

Lapas aijo' i Yesus nambamo noyaya i Galilea. Ia madi' mongka'oho' mamba i tano' nu Yudea kalana anu mongkuasai Yahudi i kiijo' mae kahanda'mo mompatei Ia.

SISIKON NU TO RASUL-RASUL 10:38

Komiu nonsumbu'mo saba' Tumpu nompile'imo i Yesus mian nu Nazaret aijo' ka' nombee' hi Ia Roh nu Tumpu ka' kuasa. Komiu mule' nonsumbu'mo saba' i Yesus namba iyaya mae da mombau anu ma'ima'; Ia nompa'alin iwi-iwi' mian anu kinuasanmo nu Ibilis, sabab Tumpu mongkalibosi Ia.

SISIKON NU TO RASUL-RASUL 18:4

Panyo toka i sinaa nu Sabat i Paulus mamba basisik i laigan pogalejaan da to mia-mian nu Yahudi mau pe'e to mia-mian nu Yunani palesaya hi Yesus.

SISIKON NU TO RASUL-RASUL 20:25

Aku nambamo nolenga to Utu-utus iwi-iwi' ka' nompolelemo suele mongkona mosia na Tumpu mompalentah susumo Tomundo'. Uuka ku oa'i madi'mo daagi' mompahakabot tiba to Utu-utus.

SISIKON NU TO RASUL-RASUL 28:31

Ka' baani hondo na ia mompoto'i hi aha mongkona mosia na Tumpu mompalentah sumo Tomundo', ka' mongkona i Tumpu Yesus Kristus. I Paulus nombau han aijo' binebas hondo madi' ko anu lewa' montewa'. 64

ROMA 10:15

Ka' mosia na mian timbali momboa lele aijo' de aha madi' opokau? I uno nu Kitab nu Tumpu tinulis sumo uuka, “Paya' na ko'ima'nyo na to mia-mian montalima Lele Ma'ima' lengkat hi Tumpu!”