MATIUS 4:22 - KITAB NU TUMPU ALLA LELE MA'IMAI'

²² ka' balo pinala'ian nu aha na duangan, ka' tuuma nu aha, lantas nombatuki Yesus.

MATIUS 4:22 ပူးပေါင်းရင်းမြစ်များ

MATIUS 10:37

Mian anu mongkalibosi tumanyo kabai tinanyo molingkudui Aku, madi' pantas timbali anu mombatuki Aku. Sumo aitu mule' na mian anu mongkalibosi anaknyo mo'ane kabai boune, molingkudui Aku.

MATIUS 4:21

I Yesus i lumajang lau-laus, lantas nontoa mule' ua'aha na mian sangga'at anu moto utus, aijo'mo i Yakobus ka' i Yohanes, ana-anak i Zebedeus. Aha hingga-hinggat tiba tuuma nu aha hau-haunyo mompoko ima'i buani' i uno nu duangan. I Yesus mule' nolagamo aha,

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MARKUS 1:20

I Yesus lau-laus nolaga aha. Ka' aha nompala'i tuuma nu aha i uno nu duangan tiba te mian anu tinamboannyo. Lantas aha namba nombatuki Yesus.

LUKAS 14:26

“De mian toka hi belengku panyo lebe mongkalibosi tinanyo, tuumanyo, bengkele'nyo, to ana-anaknyo, to utu-utusnyo, ka' suele posi butongnyo, ia madi' moko ala timbali mian anu saja' mombatuki Aku.

LUKAS 14:33

Kahimpusannyo, i Yesus notatae, “Sumo aitu mule' na komiu. Madi' ko samian pe'e atina' hi komiu timbali mombatuki Aku, de ia madi' mongkulubanakon iwi-iwi na apaa.”

LUKAS 5:11

I Simon ka' to sanga-sangalunyo nohela' duangan aijo' nokiijo' i biwi nu bone', lapas aijo' iwi-iwi' pinala'iannyomo ka' nombatukimo Yesus.

2 KORINTUS 5:16

Kalana aijo' kami madi'mo daagi' mongkila-kila mian susumo timbangan nu mian. Memang kami toho'mo nongkila-kila Kristus sumomo salaku ia mian, panyo uuka aiya madi'mo.