MATIUS 4:11 - KITAB NU TUMPU ALLA LELE MA'IMAI'

¹¹ Ahennyo Ibilis nompala'imo Yesus, ka' to mala-malaikat tinokamo montulungi Ia.

MATIUS 4:11 ပူးပေါင်းရင်းမြစ်များ

1 TOMU-TOMUNDO' 19:6

I Elia noposilele'mo duhu-duhuk, lantas nontoamo koko ubaknyo saangu' na roti anu tinunu ka' selekan ko isinyo uee. Kinaannyomo ka' inginumnyomo, lapas aijo' po'ule' mule' ia nale'.

MATIUS 26:53

Nu sumbu' Aku madi' moko ala momoita tulung hi Tuumang-Ku, ka' Ia malia' mae hondo na monsai mae molabi sampulu' ka' ohua' na pasukan nu Suludadu malaikat?

MATIUS 4:6

Lantas aijo' Ibilis notataemo hi Ia, “Te Beleyum misa' Anak nu Tumpu? Desumo aijo' pingkanabu' mokaiyong; kalana i uno nu Kitab nu Tumpu tinulis sumo uuka, ‘Tumpu monsaije to mala-malaikat-Nyo monjagai Beleyum, aha molabotje Beleyum nu lima nu aha da Tengkeum madi' tonsumpun i batu.’ ”

MARKUS 1:13

Patompulu' na sinaa Ia jinojoong i kiijo', sinobaan nu Ibilis. To bina-binatang anu ma'ela' suele kiijo' tiba Ia, ka' to mala-malaikat anu mongkalibosi Ia.

LUKAS 22:43

Samian na malaikat tinoka hi Ia ka' nombee'i kahosonan Ia.

LUKAS 22:53

Sansina-sinaa Aku tiba komiu kiijo' i Laigan nu Tumpu, komiu madi' mohakop Aku. Panyo aiyamo na tempo'nyo komiu mohakop, tempo'nyomo kuasa nu pintung montoongimo pamalentahannyo.”

LUKAS 4:13

Salatan Ibilis lapasmo nanonsobai Yesus nu lupa-lupa na jalan, pinala'iannyomo na i Yesus, ka' nontanda'i tempo' anu ma'ima'.

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

1 TIMOTIUS 3:16

Madi' ko samian pe'e na madi' mangaku, palias na kinodaka'nyo na lahasia nu agamanto: Ia nompotoamo butong-Nyo i uno nu lupa sumo manusia, ka' pinonyata'mo totu-totu'u nu Roh nu Tumpu, tiba tinoamo nu to mala-malaikat. Lelenyo sinongkohakonnyomo i to bansa-bansa, ka' Ia opalesaya i songko-songko na dunia, ka' i hangkat nokiita' i suluga'.

IBRANI 1:14

Desumo aijo', to mala-malaikat haha aijo' ihe ahi' na sabenannyo na aha? Aha aijo'mo na to roh-roh anu mombau apaa na anu nu pokauhakon nu Tumpu, ka' anu nu palentah nu Tumpu Allah, da montulungi to mia-mian anu mohumpak kasalamatan.

IBRANI 1:6

Panyo tempo'nyo Tumpu nonsai mae Anak-Nyo tumpe-tumpe toka i dunia aiya, Tumpu notataemo sumo uuka, “Iwi-iwi' na malaikat nu Tumpu patut monsombah Anak aijo'.”