MATIUS 4:10 - KITAB NU TUMPU ALLA LELE MA'IMAI'

¹⁰ I Yesus nontaami, “Lako' na oko anu Monggoda! I uno nu Kitab nu Tumpu tinulis: O sombah na Tumpu, Tumpuum, ka' ola Ia na hongo na palentah-Nyo!”

MATIUS 4:10 ပူးပေါင်းရင်းမြစ်များ

1 TAWARIKH 21:1

Ibilis kahanda'mo monsilakai aha mian nu Israel; kalana aijo' pagalamo sinale'annyo na i Daud da obilangmo na mian.

AYUB 1:12

Jadi pinoto'imo nu Tumpu hi Anu Monggoda aijo', “Ma'ima'mo desumo itina', baumo pa' oposiamo na kakaya'an i Ayub iwi-iwi' asan boli oko mondoke ia.” Lantas Anu Monggoda aijo' nambamo pinala'iannyomo na Tumpu.

AYUB 1:6

Daagi' kino sansinaan to mala-malaekat kiita' i suluga' nangadapmo hi Tumpu, ka' Anu Lewa' Monggoda kiijo'mo hi aha suele hingga-hinggat.

AYUB 2:1

To mala-malaekat kiita' i suluga' po'ule' ninsusule' nangadap hi Tumpu, ka' Anu lewa' Monggoda kiijo'mo hi aha suele hingga-hinggat.

MAZMUR 109:6

Hangkatmo na samian anu ma'idek na kinyonyoanyo da momputusi ia, bakas da ia nu kalaak nu anu monsampobali' ia.

NOSABATMO 23:25

De belemiu monsombahmo Aku, Tumpu Allah nu belemiu, belemiu Ku balakatimo nu anu okaan ka' anu o inum ka' iwi-iwi' na panyakit Ku pojo'onmo hi belemiu.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

MATIUS 16:23

I Yesus nonsiloi lantas notatae hi Petrus, “Lako' pala'i na tampat aiya, Ponggoda! Beleyum montewa' Aku. Pikilanum aijo' pikilan nu mian; misa' pikilan nu Tumpu!”

MARKUS 1:13

Patompulu' na sinaa Ia jinojoong i kiijo', sinobaan nu Ibilis. To bina-binatang anu ma'ela' suele kiijo' tiba Ia, ka' to mala-malaikat anu mongkalibosi Ia.

LUKAS 10:18

I Yesus nontaami, “Aku nontoa Ibilis nanabu' lengkat mae i langit sumo kilat.

LUKAS 11:18

Sumo aitumo i uno nu kalaja'an Ibilis; de sa'angu' na gombu mahantuda' tiba gombu sangga'at, kalaja'an aijo' mahungku'. Komiu motatae, tukoo miu, Aku molaa' roh ma'idek kalana kuasa nu Beelzebul.

LUKAS 13:16

Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?”

LUKAS 22:3

Lapas aitu Ibilis nompinsoopimo i Yudas anu osanggohi Iskariot, aijo'mo sala'samian anu aijo' hi aha sampulu' ka' ohua' na anu saja' mombatuki Yesus.

LUKAS 22:31

“Simon, Simon, hongo! Ibilis binee'anmo kasampatan da monguji' komiu; sumo gandum oga'atakonmo i kilitnyo sahingga anu ma'ima' oga'atakonmo i anu ma'idek.

LUKAS 4:8

I Yesus nontaami, “I uno nu Kitab nu Tumpu tinulis, ‘O sombah na Tumpuum ka' o hongo na palentah-Nyo.’ ”

YOHANES 13:27

Lia-lia' salatan i Yudas nontalimamo roti aijo', Ibilis ninsoopmo i kinyonyoanyo. Lantas i Yesus notatae hi ia, “Donganmo bau pa' apaa na anu kahanda' nu bau.”

SISIKON NU TO RASUL-RASUL 26:18

da aha mosabat lengkat i kapintungan ka' minsoop i uno nu jingka; da aha molapas i ponggodaan nu Ibilis, lantas nu kuasaimo nu Tumpu. Kalana palesaya hi beleng-Ku to dosa-dosa' nu aha o ampunimo ka' aha timbalimo mian anu palesayamo hi Tumpu, anu pinile'anmo na aha.’ ”

SISIKON NU TO RASUL-RASUL 5:3

Sahingga i Petrus notatae hi ia, “Ananias, kadaka' nu pojohok na Ibilis mongkuasai kinyonyoaum, sampe beleyum nombaleko'i Roh nu Tumpu, hoko-hokot nontahan posi anu nu butongum sambagian na doi oli nu tano' anu pinobaluk aijo'?

1 KORINTUS 5:5

komiu tionyo mombee' mian aijo' hi Ibilis da butong nu mian aijo' osilakai, desumo aitu yo santuu'nyo oposalamat de Tumpu po'ule'mo toka.

1 KORINTUS 7:5

Boli mosi tade-tade samian ka' samian salaku moto bengkele'. Timbali panyo boli pin asan ua-ua'aha bubuu' setuju. Desumo aitu yo toto samian moko ala balado'a ka' madi' ko anu monggoda. Panyo lapas mae tionyo ahi' komiu po'ule' motuang salaku moto bengkele'. De madi' sumo aijo' komiu saidi' mae salatan nusale'imo nu roh ma'idek obatukimo miu, kalana komiu madi' moko ala mongintim napisu.

2 KORINTUS 11:14

Madi'mo okatalanggangakon na aha mombau sumo aijo', kalana Ibilis pe'e mingadi-adi' sumo malaikat anu susi'!

2 KORINTUS 12:7

Panyo da boli aku talalo buulon kalana saja' montoa anu madi' ko gampanyo aijo', aku binee'anmo sangahan na panyakit i butongku anu binau sumo sala'sa'angu' jalan nu Ibilis. Panyakit aijo' binee' bau pondoke aku, da aku madi' timbali buulon.

2 KORINTUS 2:11

Kubau sumo aijo' da Ibilis boli mongala kasampatan mongkuasai kita; kalana osumbu'to na tanga'annyo iwi-iwi'.

PO'ULE' INGULIT 10:20

O'adati na Tumpu Allah nu belemiu, ka' ola Ia na osombah. Tionyo ahi' belemiu saja' tulu-tulutan hi Ia, ka' basumpa' ola samata-mata hi sanggo-Nyo.

YAKOBUS 4:7

Mokonyo aijo' pati'aluk hi Tumpu ka' ewa na Ibilis, sahingga Ibilis mopadeka' mompala'i komiu.

YOSUA 24:14

“Jadi, uuka aiya,” koonyo mule' i Yosua, “o'adati na Tumpu. Opalesaya ka' o hongo-hongo na Ia nu kinyonyoa anu totu-totu'u ka' boli panggaga. Bolimo mompalesaya to pilo-pilogot sangga'at anu sinombah nu mompolee' miu naipuan mae tempo'nyo i Mesopotamia ka' i Mesir. Anu opalesaya ka' o hongo-hongo ola samata-mata Tumpu.

1 PETRUS 5:9

O'ewa na ia nu iman anu totu-totu'u, kalana sinumbu'mo nu belemiu to Utu-utus sangko Kristen sangga'at i songko-songko na dunia singkona nongoa'imo kasansala'an sumo komiu.

1 SAMUEL 7:3

Lantas notataemo na i Samuel hi aha mian nu Israel, “De belemiu po ule'mo monsombah Tumpu, ka' totu-totu'u ahi na kinyonyoa nu belemiu monsombah Ia, saba' tionyo ahi' belemiu mongalin iwi-iwi' na pilogot nu aha mian anu lengkat mae i salipu'an tiba patong nu Pilogot Boune Astoret. Bee'mo na butong nu belemiu totu-totu'u hi Tumpu ka' olamo Ia na osombah sahingga belemiu madi'mo opoposia nu aha mian Filistin.”