MATIUS 4:1 - KITAB NU TUMPU ALLA LELE MA'IMAI'

¹ Lapas aitu i Yesus binoa nu Roh nu Tumpu nokiijo' i padang bolaa da o sobai nu Ibilis.

MATIUS 4:1 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

1 TOMU-TOMUNDO' 18:12

De ku pala'imo na tampat aiya, ku gantang Roh nu Tumpu momboamo belento Tuuma i tampat anu madi' ku sumbu'! Ka de ku poto'imo hi Ahab tukoongku belento Tuuma i aiya mae, lapas mae madi'mo nu humpak na belento Tuuma, tantu nu pateimo na aku. Da osumbu' nu belento Tuuma, aku aiya totu-totu'u monsombah Tumpu salatan pe'e aku daagi' anak!

2 TOMU-TOMUNDO' 2:16

ka' notatae, “Kami aiya 50 na mian iwi-iwi' to hoso-hoson. Kalana aijo' imbo' da mamba olionto na i Elia tuan nu beleyum aijo'. Ugaat Roh nu Tumpu nomboamo ia nokiita' i bungkutnyo kabai i bangka'nyo, ka' nompojoongmo i kiijo' mae.” “Bolimo pilenje!” na koonyo i Elisa.

YEHEZKIEL 11:1

Lantas aku ihangkatmo nu Roh nu Tumpu ka' binoamo isabatan daka' Timur i Laigan nu Tumpu, sabatan anu mo'ahop sasu kabete'an. Ikiijo' tinoangku 25 na mian, galu-galumo ikiijo' ua'aha na polaya' nu bansa aijo'mo i Yaazanya anak i Azur tiba Pelaca anak i Benaya.

YEHEZKIEL 11:24

Hau-haunyo nontoa aijo' Roh nu Tumpu nohangkatmo aku ka' nonsule'akonmo aku namba hi aha mian anu binoamo ka' pinojoongmo kiijo' mae i Babel. Lapas aijo' anu tinoangku aijo' madi'mo ko anu tinoangku.

YEHEZKIEL 3:12

Lantas Roh nu Tumpu nohangkatmo aku ka' aitu mae ihikungku ihongongkumo na potatae susumo gohung na kodaka'nyo nontaloakon, “Opuji' na Tumpu anu talasanggo kiita' i suluga'!”

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

YEHEZKIEL 40:2

Nontoamo anu pinotoa, Tumpu Allah nomboamo aku i tano' nu aha Israel ka' pinojoong-Nyomo na aku i bungkutnyo anu matangkas. I ahopku tinoangkumo na sanggombu na laigan anu pokakana susumo kota'.

YEHEZKIEL 43:5

Aku ihangkatmo nu Roh nu Tumpu ka' binoa-Nyomo na aku ipopasan anu sasu unonyo; ikiijo tinoangkumo na Laigan nu Tumpu sinaputmo nu jingka nu katokaan nu Tumpu.

YEHEZKIEL 8:3

Ia nonguluakonmo mae anu susumo lima lantas nontoongimo bulu nu ubaku. Lantas tinoangku, aku ihangkatmo tangka-tangkas nokiita' ilanga nu Roh nu Tumpu ka' binoamo i Laigan nu Tumpu i Yerusalem isabatan pinsoopan mokiijo' ipopasannyo anu i unonyo sasu utaranyo. Ikiijo' daagi' ko patong nu pilogot anu nonsaduakonmo da Tumpu notambuha'.

YOHANES 14:30

Aku madi'mo daagi' basisik lebe manjoo' tiba komiu, kalana tempo'nyomo na kuasa nu dunia aiya toka. Panyo ia madi' mongkuasai butong-Ku.

SISIKON NU TO RASUL-RASUL 8:39

Salatan aha ninsusule'mo lengkat mae i uee, Roh nu Tumpu Allah nongalamo i Filipus lengkat i kiijo'. Anu ko pangkat matangkas lengkat mae i Etiopia aijo' madi'mo daagi' nontoa ia. Anu ko pangkat matangkas aijo' i lame'mo na nolausakon lumambanannyo.

ROMA 8:14

To mia-mian anu nukuasai nu Roh nu Tumpu, aijo' ana-anak nu Tumpu.

IBRANI 2:18

Ka' kalana Ia toho'mo nongoa'i kasansala'an ka' sinobaan, sahingga Ia noko alamo nontulungi to mia-mian anu kinonamo nu soba'an, kalana Ia toho'mo sinobaan ka' nongoa'imo kasansala'an.

YAKOBUS 1:14

Panyo mian tagoda de ia ahi' memang mongkamiluimo ka' ko tanga'annyo anu ma'idek.