MATIUS 3:9 - KITAB NU TUMPU ALLA LELE MA'IMAI'

⁹ Boli montaha'imani komiu timbali molapas lengkat i hukuman ka' motatae kalana i Abraham mompolee' miu. Tutugi, batu-batu pe'e aiya, Tumpu timbali mombau lee' i Abraham!

MATIUS 3:9 ပူးပေါင်းရင်းမြစ်များ

YEHEZKIEL 33:24

“O manusia anu madi' tumuu' batu, aha to mia-mian anu jojoong i kota-kota' i tano' nu Israel anu singkapmo ihansun aijo'. Nontaloakonmo, ‘I Abraham na nohumpak tano' aiya' iwi-iwi' padahan ia ola sausa'nyo. Kita aiya na manjoo', jadi tano' aiya kitamo ahi' na tumpunyo.’ ”

MARKUS 7:21

Kalana lengkat i unonyo, aitumo lengkat i uno nu kinyonyoa, lubat na pikilan-pikilan ma'idek anu monsabapi mian mombau anu masala', montomang, mompatei,

LUKAS 12:17

Mian kaya aijo' nontampu'unimo binapikin i uno nu kinyonyoanyo, ‘Madi'mo daagi' ko tampat bau pompo'una'an hasin nu tano'ku. Mosia na pikilanku tempo' uuka?’

LUKAS 16:24

‘Tuumangku Abraham!’ loboo' nu mian kaya aijo'. ‘Kalibosi na aku. Pokau mae na i Lazarus molobong bua' nu limanyo i uno nu uee lantas toka mae mohumpisi jila'ku. Tahahumo sansala na aku i uno nu apu aiya!’

LUKAS 19:40

I Yesus nontaami, “Palesayamo! De aha momohokot, batu-batu haha aiya na moloboo'.”

LUKAS 3:8

Potoa'i kalakuanum, de komiu binala tobatmo, madi'mo mombau dosa-dosa' miu! Boli montampu'uni motatae, tukoo miu i Abraham aijo' mompolee' miu! Inau': Te batu pe'e aiya, Tumpu moko ala mombau lee' i Abraham!

LUKAS 5:22

Nusumbu' i Yesus apaa na anu pinokilawa nu aha. Jadi Ia notatae, “Ka' kadaka' komiu mompokilawa sumo aitu i uno nu kinyonyoa miu?

LUKAS 7:39

Salatan mian nu Farisi anu nolaga i Yesus nontoa han aijo', ia notataemo i kinyonyoanyo, “De mian aiya nabi, tantu nusumbu' ihe na boune aijo' anu nongkanyang Ia, apaa mule' boune aijo' tumuu' i uno nu dosa'!”

YOHANES 8:33

“Kami aiya lee' i Abraham,” na koonyo nu aha, “Ma'isa toho' kami binotuanan pa' ihe! Apaa na poso'nyo nu potatae-Um, ‘Komiu o pobebasje’?”

YOHANES 8:37

Memang Kusumbu' komiu aiya lee' i Abraham. Panyo komiu kahanda' mompatei Aku, kalana komiu madi' montalima pokinde'-Ku.

YOHANES 8:53

De i Abraham pe'e i natemo ka' to nabi-nabi iwi-iwi' suele i natemo, Beleyum aiya ihe? Te Beleyum mule' na lebe daka'molingkudui tuuma mami i Abraham!”

SISIKON NU TO RASUL-RASUL 13:26

To Utu-utus lee' i Abraham, ka' iwi-iwi' to Utu-utus anu sangga'atannyo, i aiya anu mohongo hi Tumpu! Tumpu nompakatumo hi kita lele kasalamatan aijo';

SISIKON NU TO RASUL-RASUL 15:14

I Simon sala'je nontalangkan mosia na Tumpu momona-Nyo nompotoa, palahatian-Nyo hi to mia-mian anu misa' Yahudi, ko kahanda' mompile'i to mia-mian anu aijo' hi aha sangga'at da timbali mian anu palesayamo hi Ia.

ROMA 4:1

Desumo aitu, apaa na timbali otaloakonto mongkona i Abraham, mompolee' nu bansanto? Mosia na anu ingoa'annyomo?