MATIUS 3:7 - KITAB NU TUMPU ALLA LELE MA'IMAI'

⁷ Manjoo' suele na mian nu Farisi tiba Saduki tinoka hi Yohanes da o palamandikan. Panyo tempo'nyo ia nontoa aha tinokamo mae ia notatae hi aha, “Komiu mian ma'idek! Ihe na nontaloakon komiu timbali molapas lengkat i hukuman nu Tumpu anu tokaje mae?

MATIUS 3:7 ပူးပေါင်းရင်းမြစ်များ

KAJADIAN 3:15

Oko ka' boune aijo' saja' mompaha ka'i-ka'ideki, lee'nyo ka' lee'um saja' mompahabali'. Lee'nyo mohansuni ubakum ka' oko monsa'u pantigan nu aha.”

AMSAL 28:4

Ihe na madi' montoongi atulan mosambiha' hi mian anu ma'idek na kinyonyoanyo, ihe na montuluti atulan mongewa mian anu palaganta.

YESAYA 59:5

Tanga'an nu belemiu haha aijo' anu ma'idek monsaduakonmo kasilaka'an susumo nggalau' nu ulo anu ko bisa'nyo. De nggalau' aijo' otitigi'mo lubatmo mae na ulonyo. Tanga'an aijo' madi' hondo kogunanyo hi belemiu sumomo hude loa' na tinonun.

YEREMIA 51:6

Posalamatmo na belemiu! Popalaimo mae pala'i na Babel dumo belemiu suele opateimo kalana dosa' nu aha! Kalana aiyamo na tempo'nyo Aku mombalosimo palabuatan ma'idek anu binaumo nu aha Babel, ka' mohukumo ia sitimbang tiba palabuatan nu aha.

YEREMIA 6:10

Tinaamanku, “O Tumpu hihe na potataeanku, ka' ihe na anu ku pokinde'i? Aha panggaga hondo ka' madi' ka oho' mompalahatikan. Nu kokojoi nu aha ka' nu ka'ideki nu aha na potuunon nu Belento anu pinoto'ingkumo hi aha.

MATIUS 12:24

Salatan to mia-mian Farisi nohongomo aijo', aha nontaami, “Mian aiya timbali molaa' roh anu ma'idek, kalana i Beelzebul kapala nu to roh-roh ma'idek, nombee'mo kuasa aijo' hi aha.”

MATIUS 12:34

Komiu mian ma'idek, mosia na timbali komiu montaloakon hahan anu ma'ima', de komiu ma'idek? Apaa na anu otaloakon nu nganga', aijo'mo na anu mosabat lengkat i kinyonyoa!

MATIUS 15:12

Lantas anu saja' mombatuki Yesus tinoka ka' notatae hi Ia, “Osumbu'mo nu Kita Tuuma saba' to mia-mian nu Farisi aijo' ingise'-ise'mo, tempo'nyo nohongo Kita Tuuma notatae sumo aijo'?”

MATIUS 16:1

Daagi' kino pia-piangkuka na mian nu Farisi ka' mian nu Saduki tinoka hi Yesus nonsobai Ia. Aha nompoita Ia mombau anu okabangangi da mompototu'u taalu' Ia tinoka lengkat mae hi Tumpu Allah.

MATIUS 16:6

I Yesus notatae hi aha, “Bala'ingati mae na ragi nu to mia-mian Farisi ka' Saduki.”

MATIUS 22:15

Lapas aijo', to mia-mian nu Farisi namba binasale' hingga-hinggat mongkona mosia na aha mompoki-pokilawa i Yesus da o humpak na kasala'annyo.

MATIUS 22:23

I sinaa aitu mule' to pia-piangkuka na mian nu Saduki tinokamo hi Yesus. Aha mian anu mongakui, saba' mian mate madi' mo mompo'ule' tumuu'.

MATIUS 22:34

Tempo'nyo to mia-mian nu Farisi nohongo saba' i Yesus nombaumo to mia-mian nu Saduki madi'mo daagi' moko ala motatae apa-apaa, aha nosa'angu'mo.

MATIUS 23:33

Komiu ma'idek ka' lee' nu mian ma'idek! Mosia na komiu timbali momposalamat butong i hukuman nu nalaka?

MATIUS 5:20

Jadi, o inau': Madi' opoko ala miu na timbali mian anu palesayamo hi Tumpu, de madi' molabii to gulu-gulu' agama, ka' to mia-mian Farisi i uno nu han mombau pongka'oho' nu Tumpu Allah!”

MARKUS 12:13

To pia-piangkuka na mian nu Farisi ka' to pia-piangkuka na mian gampa mae i Herodes sinai mompoki-pokilawa kahanda' monsobai Yesus da ohumpak na kasala'annyo.

MARKUS 12:18

To pia-piangkuka na mian anu lengkat mae gampa nu Saduki tinoka hi Yesus. (Aha gampa anu ko pikilan tukoonyo, saba' mian mate madi'mo po'ule' tumuu'.)

MARKUS 8:15

“Obala-bala'ingati na ragi nu to mia-mian Farisi ka' ragi i Herodes,” koo-Nyo i Yesus hi aha.

LUKAS 16:14

To mia-mian Farisi nohongomo iwi-iwi' anu tinaloakon i Yesus. Lantas kinokojoanmo nu aha, kalana aha mongka'ima'i doi.

LUKAS 18:11

Mian nu Farisi aijo' tinuminjo posi sausa'nyo, ka' binalado'a, ‘O Tumpu, aku mompotoka talima kaseh hi kita, kalana aku madi' sumo sangga'at, mangoa, tageo'kabai masala'. Aku montalima kaseh, kalana aku madi' sumo topo tage hasin aijo'.

LUKAS 7:30

Panyo to mia-mian nu Farisi tiba to gulu-gulu' agama madi' mongka'oho' montalima tanga'an nu Tumpu hi butong nu aha. Aha madi' mongka'oho' nu palamandikan i Yohanes.

YOHANES 1:24

To mia-mian anu sinai nu mian Farisi,

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

YOHANES 9:40

To pia-piangkuka mian nu Farisi anu daagi' kiijo' nohongomo i Yesus notatae sumo aijo', lantas aha nompokilawamo hi Ia, “Pongka'oho'-Um da kami suele aiya mapisok?”

SISIKON NU TO RASUL-RASUL 15:5

Panyo to pia-piangkuka na mian lengkat hi aha Farisi anu pinalesayamo, tinuminjo ka' notatae, “To mia-mian bansa sangga'at anu pinalesayamo aijo' tionyo o sunat ka' palalu mombatuki atulan i Musa.”

SISIKON NU TO RASUL-RASUL 20:31

Kalana aijo' o bala'ingati! Inau' sabab totolu' na taun na kino pinnyo nonjujuhakon lolu', sinaa pihi aku madi' toho' milawe na mongajan komiu toto samian.

SISIKON NU TO RASUL-RASUL 26:5

Pininmo na aha nonsumbu' mongkona aku. Ka' de aha mongka'oho', aha timbali mombee'i katalangan saba' lengkat pe'e momonanyo aku tinumuu'mo sumo mian nu Farisi ka' mombatuki iwi-iwi' na atulannyo anu talalo maboat i uno nu agama mami.

SISIKON NU TO RASUL-RASUL 5:17

Ahennyo imam daka' ka' iwi-iwi' na anu saja' mombatuki ia, aitumo to mia-mian anu minsoop i posa'angu'an nu Saduki, nontampu'unimo mombau anu ma'idek, kalana kinyonyoa nu aha madi'mo sinanang.

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 5:9

Uuka aiya kita po'ule'mo na'ima' tiba Tumpu kalana tinokongmo nu kasilakan i Kristus; kalana aijo' kita tantumo suele oposalamat, madi'mo nukona nu tambuha' nu Tumpu kalana i Kristus.

1 TESALONIKA 1:10

Aha notatae mule' mongkona mosia na komiu montaha'imani katokaan nu Anak nu Tumpu lengkat mae i suluga', aijo'mo i Yesus, anu sinilakamo po'ule'mo pinotumuu' nu Tumpu. I Yesusmo ai-aijo' na anu momposalamat kita i tambuha' nu Tumpu anu saidi' mae toka.

IBRANI 11:7

Kalana bala'iman, sahingga i Nuh pinoto'imo nu Tumpu mongkona hahan anu jadi aiya mae i ahop, anu madi' pinoko ala tinoanyo. I Nuh tulu-tulutan hondo hi Tumpu, sahingga ia nombaumo sa'angu' na kapan anu ahennyo nomposalamatmo butongnyo tiba aha sampoto'utus. Tiba jalan anu sumo aijo', dunia i hukumo, panyo i Nuh kalana ia bala'iman, sahingga koonyo nu Tumpu ia mian anu ma'ima'.

IBRANI 6:18

Ohua' na han aijo' madi'mo daagi' mongabali': Tumpu madi' toho' baleko' i janji'-Nyo ka' sumpa'-Nyo. Kalana aijo', kita anu ningkongmo hi Tumpu, kinakeha'mo da mahoson na mintoong hi anu otaha'imani anu naningkoyamo i ahopto.

1 YOHANES 3:10

Aiya na pompaha sala'annyo, to ana-anak nu Tumpu tiba to ana-anak nu Ibilis; ihehe na madi' mombau pongka'oho' nu Tumpu, kabai madi' mongkalibosi Utusnyo, ia misa' anak nu Tumpu.