MATIUS 3:6 - KITAB NU TUMPU ALLA LELE MA'IMAI'

⁶ Aha nongakui dosa-dosa' nu aha, ka' i Yohanes nompalamandikanmo aha i Kaunyo nu Yordan.

MATIUS 3:6 ပူးပေါင်းရင်းမြစ်များ

EZRA 10:1

Hau-haunyo i Ezra binalado'a ka' i humangmo ka' nongakuimo dosa' i ahop nu Laigan nu Tumpu, manjoo' hondo na mian nu Israel tinokamo sinihuk mau to momo'ane, kabai to boboune, ka' to ana-anak. Tinikubanmo nu aha na ia ka' singkapmo nolotando' na i humang.

MAZMUR 32:5

Lantas ingakuankumo na dosa'ku hi Belento, kasala'anku madi'mo ko anu pinohowiningku. Tinantukankumo na aku mongakuimo hi Belento, ka' Belento nongampunimo iwi-iwi' na dosa'ku.

AMSAL 28:13

Ihe na momposuluk dosa'nyo, madi' mohumpak kauntungan. Ihe na mongakui ka' madi'mo mombau, saidi mae nukalibosimo nu Tumpu.

YEHEZKIEL 36:25

Lapas aijo' belemiu Ku pipi'mo nu uee anu molino hondo da belemiu belesi'mo madi'mo ko pilogotnyo ka' mule' iwi-iwi' anu nohumimi'imo belemiu.

DANIEL 9:4

Iwi-iwi' na dosa' nu bansangku ingakuankumo hi Tumpungku. Aku notatae, “O, Tumpu, belentomo na aku daka'na kakuasa'an, ka' kami mongangga'i Belento. Belento saja' mongganapi palajanjian nu Belento ka' nompotoamo mae kalibosan nu belento anu madi' ko kamingkotannyo hi aha anu mongkalibosi belento ka' mombau anu Nu palentahkon.

IMAMAT 16:21

Ia tionyo ahi' mompotiik limanyo ohu-ohua' i ubak nu mee' aijo' ka' mongakui iwi-iwi' na kasala'an, dosa' ka' anu i langgaanmo nu bansa Israel. Tiba jalan anu sumo aijo' iwi-iwi' na kasala'an nu bansa Israel i lalinmo nokiijo' i ubak nu mee' aijo'. Lantas samian na anu pinalentahmo da molaa'mo mee' aijo' da mambamo i padang bola.

IMAMAT 26:40

Panyo lee' nu belemiu mongakuije dosa' nu aha ka' dosa' nu mompolee' nu aha anu madi'mo mohongo-hongo Aku ka' noto idekmo beleng-Ku,

NOMBILANGMO 5:7

mian aijo' tionyo ahi' mongakui dosa'nyo ka' mombayan bau polugi'i sampe tabayan ka' otuangi mule' uampulu' na palasen, hi mian anu pinolugi'nyomo.

MATIUS 3:11

Aku mompalamandikan komiu nu uee da momponyata' saba' komiu binala tobatmo i dosa-dosa' miu; panyo lapas na aku tokaje mae na anu mompalamandikan komiu nu Roh nu Tumpu tiba apu. Ia lebe daka' molingkudui aku. Ka' momboa sapatu-Nyo pe'e aku madi' pantas.

MARKUS 1:5

Iwi-iwi' na mian anu nolengkat mae i kampung Yudea ka' i kota Yerusalem namba nohongo i Yohanes. Aha nongakui to dosa-dosa' nu aha, ka' i Yohanes nompalamandikan aha i Kaunyo nu Yordan.

LUKAS 1:16

Manjoo' na mian nu Israel nu laya'je minsusule' hi Tumpu Allah, Tumpu nu aha.

LUKAS 3:16

Mokonyo aijo', i Yohanes notatae hi aha iwi-iwi', “Aku mompalamandikan komiu nu uee, panyo tokajemae na mian anu lebe daka' molingkudui aku. Mombukai segot nu sapatu-Nyo pe'e, aku madi' pantas. Nupalamandikanje na komiu nu Roh nu Tumpu ka' apu.

SISIKON NU TO RASUL-RASUL 1:5

Kalana i Yohanes mompalamandikan nu uee, panyo daagi' to pia-pian sinaa komiu opalamandikanmo nu Roh nu Tumpu.”

SISIKON NU TO RASUL-RASUL 11:16

Lantas aku tinolo inau', Tumpu toho' notatae, ‘Yohanes nompalamandikan nu uee, panyo komiu o palamandikanje nu Roh nu Tumpu.’

SISIKON NU TO RASUL-RASUL 19:18

Da'isan na mian anu pinalesayamo hi Yesus, tinoka mongakui i ahop nu mian da'isan apaa na anu binaumo nu aha u'utu mae.

SISIKON NU TO RASUL-RASUL 22:16

Uuka bolimo daagi' montanda'i talalo pin. Pobulamo ka' bee'mo na butongum da opalamandikan. Poita hi Tumpu da beleyum nu ampuni na to dosa-dosa'um.’ ”

1 KORINTUS 10:2

Da timbali mombatuki i Musa, aha iwi-iwi' pinalamandikan i uno nu kundom ka' i uno nu ambai aijo'.

KOLOSE 2:12

Kalana salatan komiu pinalamandikanmo, komiu i lamunmo hingga-hinggat tiba i Kristus; ka' tiba palamandian aijo' mule', komiu po'ule'mo pinotumuu' suele hingga-hinggat tiba i Kristus, kalana komiu pinalesayamo i kuasa nu Tumpu anu nompo'ule'mo nompotumuu' i Kristus sinilaka.

IBRANI 6:2

kabai pu'unyo nu pangajalan mongkona palamandian kabai mongkona mompotudu lima i ubak nu mian, kabai mongkona mian anu silakamo, po'ule' mule' tumuu' kabai hukumannyo anu sampe toka sidu-sidutu'.

IBRANI 9:10

Kalana hahan anu obau aijo' ola otalima de anu o kaan, o inum, ka' ngangahan nu han anu bau pomposusi'. Iwi-iwi' ola atulan nu dunia anu opake ola sampe de tokamo na tempo'nyo Tumpu Allah mombali'imo atulan anu bu'ou.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.

YOSUA 7:19

I Yosua notataemo hi Akhan, “Anaku, pangakumo ka' poto'imo totu-totu'u aiya i ahop nu Tumpu, Tumpu Allah nu Israel, apaa na anu binaumo nu beleyum. Poto'imo mae hi belengku boli oposuluk.”

1 PETRUS 3:21

Jadi, anu tinimbali aijo' susumo ibalatnyo palamandian anu tempo' uuka aiya momposalamat belemiu. Palamandian aijo' misa' sa'angu' na jalan mompolomas butong songko-songko anu kudulon, panyo salaku janji' miu hi Tumpu lengkat i kinyonyoa anu ma'ima'. Palamandian aijo' momposalamat belemiu kalana i Yesus Kristus sinilaka po'ule'mo pinotumuu',

1 YOHANES 1:9

Panyo de kita mongakui iwi-iwi' na dosa'to hi Tumpu, Ia monsidahakonmo janji'-Nyo ka' mombaumo apaa na anu adin. Ia mongampunimo iwi-iwi' na dosa'to, ka' mompolomasmo kasala'anto iwi-iwi' anu binauntomo.