MATIUS 3:5 - KITAB NU TUMPU ALLA LELE MA'IMAI'

⁵ Manjoo' na mian lengkat mae Yerusalem, lengkat i songko-songko na tano' nu Yudea, ka' lengkat i tano-tano' anu mompaha'ohani Kaunyo nu Yordan, tinokamo hi Yohanes.

MATIUS 3:5 ပူးပေါင်းရင်းမြစ်များ

MATIUS 2:1

I Yesus i hampeakon i kota Betlehem i tano' Yudea tempo'nyo i Tomundo Herodes nompalentah. Tempo'nyo aitu to pia-piangkuka na anu pande monsumbu' ilimu' nu mandala' nolengkat mae sasu kabete'an tinokamo i Yerusalem.

MATIUS 4:25

Manjoo' hondo na mian anu mombatuki Yesus tempo'nyo aitu. Daagi' ko anu tinoka lengkat mae i Galilea, daagi' ko anu tinoka lengkat mae i Sampulu' na Kota, lengkat mae i Yerusalem lengkat mae i Yudea, daagi' mule' ko anu lengkat mae i lipu' santoa nu Yordan.

MARKUS 1:5

Iwi-iwi' na mian anu nolengkat mae i kampung Yudea ka' i kota Yerusalem namba nohongo i Yohanes. Aha nongakui to dosa-dosa' nu aha, ka' i Yohanes nompalamandikan aha i Kaunyo nu Yordan.

LUKAS 16:16

Atulan anu binee' i Musa tiba ajalan nu to nabi-nabi, tataap o pake sampe tempo'nyo i Yohanes anu Mompalamandikan. Mulai tempo' aitu, Lele Ma'ima' mongkona mosia na Tumpu mompalentah susumo Tomundo, saja'mo i leleakon. Ka' mian mompakisakon butong da timbali minsoop mian anu palesayamo hi Tumpu.

LUKAS 3:3

Saba' i Yohanes namba noyaya i songko-songko na tampat nu Kaunyo Yordan, ka' nompotoka lele lengkat mae hi Tumpu. Noloboo' na i Yohanes, “Balatobatmo na komiu bolimo komiu mombau dosa', ka' komiu tionyo opalamandikan, da Tumpu mongampuni komiu.”

LUKAS 3:7

Manjoo' na mian toka hi Yohanes, da o palamandikan. I Yohanes notatae hi aha, “Komiu mian ma'idek! Ihe na nontaloakon komiu madi' mohumpak hukuman lengkat hi Tumpu anu toka mae?

YOHANES 3:23

Tempo'nyo aitu i Yohanes ma'isa ninsoop i talungku'. Ia nompalamandikan i lipu' Ainon, madi' majo'on lengkat i Salim, kalana i kiijo' mae manjoo' na uee. To mia-mian tinoka hi ia, ka' pinalamandikannyo na aha.

YOHANES 5:35

I Yohanes aijo' sumo sulu' anu moak ka' monjingkai. Madi' pin na komiu sanang montalima jingkanyo aijo'.