MATIUS 3:2 - KITAB NU TUMPU ALLA LELE MA'IMAI'

² “Balatobatmo bolimo mombau dosa-dosa' miu,” tukoonyo, “kalana Tumpu mompalentahmo sumo Tomundo!”

MATIUS 3:2 ပူးပေါင်းရင်းမြစ်များ

1 TOMU-TOMUNDO' 8:47

opoita daa Belento mopotombihingankon do'a nu aha. De i lipu' aijo' aha mompala'imo to dosa-dosa' nu aha ka' balado'amo hi Belento ka' mule' mongakuimo na aha binaladosa'mo ka' nombaumo anu ma'idek, potombihingakon mae na do'a nu aha o Tumpu.

AYUB 39:12

Pa' nu palesayakonmo hi ia na montoluki anu pinadakmo nu beleyum, ka' oboa i tampat anu lewa' pongututan nu beleyum?

AYUB 42:6

Mokonyo aijo' aku ma'ambangmo de ku inau'mo na anu tinaloakonkumo iwi-iwi' ka' aku nompele-pele'mo kalana aitu aku sinumuhangmo aiya i tano' anu ningabu'mo.”

YEHEZKIEL 33:11

Poto'iakon hi aha saba' atas sanggong-Ku, Tumpu anu tumuu', Tumpu Anu Matangkas na Kuasanyo, Aku madi' sanang de mian anu palabuatannyo ma'idek silaka; panyo mule' ahi' Ku ka'ima'i da ia bolimo daagi' lewa' mombau dosa'nyo haha aijo' da ia tataap tumuu'. O bansa Israel, bolimo daagi' lewa' mombau palabuatan ma'idek! Kadaka' belemiu mongka'ima'i silaka?

DANIEL 2:44

Tempo'nyo tomundo' haha aijo' mompalentah Tumpu i suluga' nompotinjomo sa'angu' na kalaja'an anu timbali totahan sampe toka sidu-sidutu' ka' anu madi' nu poko ala nu patundu' nu bansa maumo pa' iyamae. Kalaja'anmo ai-aijo' na mohansuni iwi-iwi' na kalaja'an sangga'at haha aijo'.

MATIUS 10:7

Sisikakon hi aha saba' Tumpu tokamo lia-lia' mompalentah sumo Tomundo'.

MATIUS 11:20

Lantas i Yesus nontampu'uni nomposala' to kota-kota', iya na anu talalo manjoo' pinombauan-Nyo anu okabangangi. Kalana to mia-mian i kota-kota' aijo' madi' mongka'oho' balatobat i dosa-dosa' nu aha.

MATIUS 12:41

I Sinaa Kiamat, mian nu Niniwe saidi' mae po'ule' tumuu' tiba to mia-mian tempo' uuka, ka' montutuk aha. Kalana to mia-mian nu Niniwe aijo' binala tobatmo i to dosa-dosa' nu aha, salatan i Yunus nompotokamo sisik nu Tumpu hi aha. Panyo uuka aiya daagi' ko anu lebe daka' molingkudui i Yunus!

MATIUS 13:11

I Yesus nontaami, “Kalana komiu binee'anmo balakat da monsumbu' lahasia anu mongkona mosia na Tumpu mompalentah, panyo aha i madi'.

MATIUS 13:24

I Yesus monsisikakon mule' sa'angu' na kantuang hi mian da'isan, koo-Nyo, “De Tumpu mompalentah, ka'ada'annyo sumo kantuang aiya: Samian na topo ale' monsa'u bine' anu ma'ima' i ale'nyo.

MATIUS 13:31

I Yesus nonsisik mule' sa'angu' na kantuang hi mian da'isan, koonyo, “Bisuannyo Tumpu mompalentah, ka'ada'annyo sumomo kantuang aiya; sa'angu' na batu nu sasawi ingala nu samian, lantas sinau i ale'nyo.

MATIUS 13:33

Daagi' ko sa'angu' na kantuang sangga'at anu sinisikakon i Yesus hi mian da'isan. “Bisuannyo Tumpu mompalentah, ka'ada'annyo sumomo ragi anu ingala nu samian na boune, lantas ginalo'akon tiba patom pulu' na liter na labu nu tiligu sampe mo'insu' iwi-iwi'!”

MATIUS 13:47

“De Tumpu mompalentahmo, ka'ada'annyo: O'umpamakon nu buani' anu binuani'akon i dowiwi, lantas nohumpak manjoo' na ngahan nu ikan.

MATIUS 13:52

Lantas i Yesus notataemo, “Aijo', na sababnyo batu-batu gulu' Agama anu timbalimo mian anu palesayamo hi Tumpu, sumo samian na tumpu nu laigan anu monsabatakon lengkat i tampat nu halata'nyo anu bu'ou ka' anu pininmo.”

MATIUS 18:23

Kalana de Tumpu mompalentahmo, ka'ada'annyo sumomo i uno nu kantuang aiya: Samian na tomundo mongka'oho' mompolunasakon sama-samaya' nu to posa-posaihonnyo.

MATIUS 20:1

“De Tumpu mompalentah, ka'ada'annyo sumomo kantuang aiya: Samian na tumpu nu ale' nu anggur nosabat tempo'nyo daagi' subu, molio mian anu mokalaja i ale' nu anggurnyo.

MATIUS 22:2

tukoo-Nyo, “De Tumpu mompalentah, ka'ada'annyo sumomo kantuang aiya: Samian na tomundo nombau bau-bauon po'osoan nu anak mo'anenyo.

MATIUS 23:13

“Silakamo na komiu to gulu-gulu' agama ka' to mia-mian nu Farisi! Komiu saja' mombau pula-pula. Komiu ola monsaduakon da mian madi' totu-totu'u timbali mian anu palesayamo hi Tumpu Allah. Posi komiu pe'e madi' mongka'oho' mian anu palesayamo hi Tumpu, ka' mian sangga'at anu oka'oho', miu da boli palesaya. [

MATIUS 25:1

“De Anak nu Mian toka sumo Tumpu, lupanyo sumo i uno nu kantuang aiya: Sampulu' na langkoyang anu mombatuki boting, toto samian mongala pansona', lantas mamba molabot boting mo'ane.

MATIUS 25:14

“De Anak nu Mian toka sumo Tumpu. Lupanyo suele sumo i uno nu kantuang aiya: Samian na mo'ane kahanda' mamba i tampat anu majo'on. Ia nolaga to posa-posaihonnyo, lantas ia nombagi-bagiakon halata'nyo hi aha.

MATIUS 4:17

Lengkat tempo'nyo aijo' i Yesus nontampu'unimo nompolele, “Balatobatmo bolimo komiu mombau dosa-dosa' miu, kalana Tumpu Allah malia'mo mompalentah sumo Tomundo!”

MATIUS 4:23

I Galilea, i Yesus nonsongkohi iwi-iwi' na lipu' ka' nongajan i laigan pogalejaan. Ia nompolele Lele Ma'ima' tukoonyo Tumpu tionyo mompalentah. Ka' Ia mule' nompa'alin to mia-mian anu masakit ka' anu madi' sampa' na butongnyo.

MATIUS 5:10

Bila-bilahi na mian anu mongoa'i ponsakisa kalana mombau kahanda' nu Tumpu; aha minsoopmo mian anu palesayamo hi Tumpu!

MATIUS 5:3

“Bila-bilahi na mian anu mongoa'i madi' moko ala, ka' ola montaha'imani Tumpu samata-mata; aha ninsoopmo mian anu palesayamo hi Tumpu!

MATIUS 6:10

Kitamo na Tomundo' mami. O'amalakon kitamo na mompalentah i dunia ka' kahanda'to o tuluti sumo i suluga'.

MATIUS 6:33

Jadi, o usahakon pe'e da Tumpu mompalentah i kantumuu'anum, ka' o bau na kahanda'-Nyo. Sahingga iwi-iwi' anu sangga'at nubee'je nu Tumpu suele hi beleyum.

MARKUS 1:15

Koo-Nyo, “Tumpu malia'mo montampu'uni mompalentah. Balatobatmo bolimo mombau dosa-dosa'um, ka' opalesayamo na Lele Ma'ima' anu lengkat mae hi Tumpu!”

MARKUS 1:4

Sumo anu tinulis aijo', sumo aitumo na i Yohanes i lubat mae i padang bolaa. Ia nompalamandikan mian ka' nompotokakon lele lengkat mae hi Tumpu. “Komiu tionyo mombabali'i dosa-dosa'um ka' tionyo o palamandikan, da Tumpu mongampuni komiu,” sumo aitu na koonyo i Yohanes.

MARKUS 6:12

Sahingga aha sampulu' ka' ohua' na anu saja' mombatuki Yesus aijo' nambamo. Aha nambamo nombebakon lele da mian tionyo balatobat i to dosa-dosa'nyo.

LUKAS 1:16

Manjoo' na mian nu Israel nu laya'je minsusule' hi Tumpu Allah, Tumpu nu aha.

LUKAS 11:20

Panyo Aku molaa' roh ma'idek tiba kuasa nu Tumpu, ka' aijo' alati'nyo, saba' Tumpu montampu'unimo mompalentah atina' hi komiu.

LUKAS 13:3

Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha.

LUKAS 13:5

Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”

LUKAS 15:10

Sumo aitumo na malaekat nu Tumpu lame' de daagi' ko samian anu ma'idek balatobatmo i dosa-dosa'nyo. Palesayamo!”

LUKAS 15:7

Jadi, sumo aitumo na i suluga' ko kalame'an anu daka' hondo kalana samian anu baladosa' binala tobatmo, nolingkuduimo anu siompulu' ka' osio', na mian anu na'ima'mo ka' madi'mo palalu balatobat.”

LUKAS 16:30

Panyo tinaaman nu mian kaya aijo', ‘Aijo' madi' sukup, kita Tuumangku Abraham. Panyo de ko anu mate ka' po'ule' tumuu' ka' toka hi aha, aha balatobatje i dosa-dosa' nu aha.’

LUKAS 21:31

Sumo aitumo mule' de komiu montoamo hahan aitu timbalimo, osumbu'mo miu saba' Tumpu malia'mo mompalentah susumo Tomundo.

LUKAS 24:47

Sumo aitu mule' i uno nu sanggo nu Tomundo anu Momposalamat aijo' tionyo ahi' pagala opoto'i hi iwi-iwi' bansa, saba' mian tionyo ahi' balatobat, ka' saba' Tumpu mongampunimo dosa'. Ka' lele aijo' tionyo ahi' pagala opoto'i, otampu'uni lengkat mae i Yerusalem.

LUKAS 6:20

I Yesus nontoa anu saja' mombatuki Ia, lantas notatae, “Bila-bilahi na komiu to mia-mian kasiasi, kalana komiu minsoop mian anu palesayamo hi Tumpu!

LUKAS 9:2

Lapas aijo' Ia nompokau aha namba nompa'alinakon mian masakit, ka' mompolele lele mongkona mosia na Tumpu mompalentah sumo Tomundo.

SISIKON NU TO RASUL-RASUL 11:18

Lapas nohongo aijo', aha madi'mo daagi' nonggagakon. Lantas aha nompuji'mo Tumpu. Aha notatae, “Desumo atina', to mia-mian misa' Yahudi suele obee'i tempo' nu Tumpu da balatobat bolimo mombau to dosa-dosa'nyo ka' mongoa'i kantumuu'an ma'ima'!”

SISIKON NU TO RASUL-RASUL 17:30

Jadi kaponga'anto aijo' kinolilimanmo nu Tumpu, panyo tempo' uuka Ia nompokaumo iwi-iwi' mian i songko-songko na dunia da bolimo mombau to dosa-dosa' nu aha.

SISIKON NU TO RASUL-RASUL 2:38

Tinaaman i Petrus, “Balatobatmo, bolimo mombau dosa-dosa' miu. Ka' tionyo komiu toto samian opalamandikan nu sanggo i Yesus Kristus, da dosa-dosa'um o ampuni. Sahingga to Utu-utus montalimaje tambo nu Roh nu Tumpu lengkat hi Tumpu.

SISIKON NU TO RASUL-RASUL 20:21

Mau hi to mia-mian Yahudi kabai hi to mia-mian bansa sangga'at aku saja' mompokinde'i da aha bolimo mombau to dosa-dosa' nu aha ka' tokamo hi Tumpu, tiba palesaya hi Tumpu Yesus.

SISIKON NU TO RASUL-RASUL 26:20

Tiba sahondo-hondonyo aku mompoto'iakon hi to mia-mian, da aha bolimo mombau to dosa-dosa' nu aha, ka' mombee'mo butong nu aha hi Tumpu, lantas mompotoa i uno nu kantumuu'an nu aha saba' aha madi'mo daagi' mombau dosa-dosa' nu aha. Pinoto'ingkumo na han aijo' momonanyo i Damsyik, lapas aijo' i Yerusalem, ka' i songko-songko Yudea ka' aijo' hi aha to mia-mian anu misa' Yahudi.

SISIKON NU TO RASUL-RASUL 3:19

Mokonyo aijo' to Utu-utus, balatobatmo i dosa-dosa' miu ka' pinsusule'mo mae hi Tumpu, da Ia mongalinakon dosa-dosa' miu.

2 KORINTUS 7:10

Kalana kalibosan anu sumo aijo' sahingga kinyonyoa nongabali'mo ahennyo oposalamatmo. Ka' mian madi' ko mompele-pele' i han aijo'. Sumo aitu mule' kalibosan anu ola mombatuki kahanda' nu mian monsaduakon kapatean.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

2 TIMOTIUS 2:25

Ia madi' ko sega-sega na mongajan mian anu ka'oho' monggagakon; o'amalakon da Tumpu mombee'i kasampatan hi mian haha aijo' da balatobat mombabali'i dosa-dosa' nu aha, ka' monsumbu' pangajalan anu totu'u.

IBRANI 6:1

Kalana aijo', imbo' da kita mondensu'akonmo i panga-pangajalan anu lebe tongkohimona mongkona kantumuu'an nu mian Kristen anu sinsumbu'mo, da lebemo mangalati', ka' boli ola mongkamata pu'u-pu'unyo momona nu pangajalan nu agamanto. Boli kita po'ule' mule' mongulit pu'unyo nu pangajalan au'aitu mian madi'mo timbali mombau hahan anu madi'mo mingguna ka' tionyomo ahi' palesaya hi Tumpu,

2 PETRUS 3:9

Tumpu madi' lat na mombee' apaa na anu jinanji'-Nyomo, mau mule' daagi' ko anu monsangka sumo aijo'. Panyo mule' ahi', Ia sabaan hi belemiu, kalana Ia madi' mongka'oho' ko anu obinasai mau ola samian. Ia mongkahanda'i da iwi-iwi' na mian bolimo mombau to dosa-dosa'nyo.

ANU PINOTO'I HI YOHANES 2:21

Binee'-Kumo na ia na kasampatan da balatobatmo i to dosa-dosa'nyo, panyo ia madi' mongka'ima'i montibahakon hahan masala' aijo'.

ANU PINOTO'I HI YOHANES 2:5

Kalana aijo' o inau', sangkeheng na komiu talalomo nanabu'! Balatobatmo i to dosa-dosa' miu, ka' obau na anu binaumo miu imoonanyo. De madi' saba' Aku tokamo mae hi belemiu, ka' mombubut tengke nu sulu' miu aijo' i tampatnyo.