MATIUS 3:17 - KITAB NU TUMPU ALLA LELE MA'IMAI'

¹⁷ Lapas aitu hongomo na potatae nu Tumpu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku.”

MATIUS 3:17 ပူးပေါင်းရင်းမြစ်များ

MAZMUR 2:7

Notataemo na tomundo', “Ku bebakonmo apaa na anu tinantukanmo nu Tumpu. Ia notataemo hi belengku, ‘Beleyum ana-Ku mo'ane, sinaa aiya aku timbalimo Tuuma nu beleyum.

YESAYA 42:1

Tumpu notatae, “Aiyamo na posaihon-Ku anu Ku tinjohi, mian anu pinile'au-Kumo ka' mule' anu nomposanangmo kinyonyoang-Ku. Kuasang-Ku binee'-Kumo hi ia, da momboa ka adilan hi toto sa'angu' na bansa.

YESAYA 42:21

Tumpu situjumo na momposalamat; Ia mongkahanda'i da atulan-Nyo oholomati ka' opopodaka'.

IMAMAT 15:15

Imam tionyo ahi' monsombahkonmo sa'angu' na tomonsi' bau koloban pongampuni dosa' ka' sa'angu' mule' bau koloban anu opotunu. Sumo aijo'mo na imam mombau anu pomposusi' mian aijo' hi ahop nu Tumpu.

MATIUS 12:18

“Aiyamo na anu pinile'an-Ku anu sinaing-Kumo, mian anu Ku kalibosi ka' anu kona i kinyonyoang-Ku. Roh-Ku, Kubee'je hi Ia, ka' ka'adilan-Ku Nu leleakonje hi to bansa-bansa.

MATIUS 17:5

Hau-haunyo i Petrus daagi' motatae, sehu' anu majingka hondo nohohungimo aha, ka' lengkat i sehu' aijo' tolohongo na potatae anu nontaloakon, “Aiyamo na Anak-Ku anu Kuku kalibosi. Ia momposanang kinyonyoang-Ku. Hongo na Ia!”

MARKUS 1:11

Lapas aitu i hongonyo potatae nu Tumpu nontaeakon, “Beleyum na Anak anu Ku kalibosi. Beleyum na anu momposanang kinyonyoangku.”

MARKUS 9:7

Lapas aitu sehu' nongkulubimo aha, ka' lengkat i sehu' aijo' i hongo na lewo' notatae. “Aiyamo na Anak-Ku anu Kuku kalibosi. Hongoakon na Ia!”

LUKAS 3:22

ka' Roh nu Tumpu nintau'mo i buan-Nyo sumo tomonsi' malapati'. Lantas i hongo na potatae nu Tumpu nontaloakon, “Beleyum na Anak-Ku, anu Kuku kalibosi. Beleyum momposanang kinyonyoang-Ku.”

LUKAS 9:35

Ilapas na kundom aijo' i hongomo na lewo' notatae, “Aiyamo na Anak anu pinile'an-Kumo. O hongo na Ia!”

YOHANES 5:20

Kalana Tuuma mongkalibosi Anak, ka' mompotiju' hi Ia iwi-iwi' apaa na anu pinosi bau-Nyomo. Aitu pe'e Tuuma mompotiju'je hi Ia hahan anu lebe daka' mule', sahingga komiu bangang.

YOHANES 5:37

Ka' Tuuma anu nonsai mae Aku, suele mombee'imo katalangan mongkona Aku. Komiu ma'isa toho' nohongo potatae-Nyo kabai nontoa butong-Nyo.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

KOLOSE 1:13

Ia nolapasakonmo kita i kuasa nu kapintungan ka' nolalinmo i uno nu kalaja'an nu Anak-Nyo anu Nu kalibosi.

2 PETRUS 1:17

Kami kiijo' mae tempo'nyo Ia ingadatan ka' pinotalasanggo nu Tumpu Tuumanto. Tempo'nyo aitu i hongo na potatae lengkat mae hi Anu Talasanggo anu notatae hi Ia, “Aiyamo na Anak-Ku anu ku ku kalibosi. Ia momposanang kinyonyoang-Ku!”

1 YOHANES 5:9

Kita palesaya hi anu sinakisianmo nu mian, panyo anu sinakisianmo nu Tumpu na lebe totu'u. Ka' aijo'mo na anu sinakisianmo nu Tumpu mongkona Anak-Nyo.

ANU PINOTO'I HI YOHANES 14:2

Lantas i hongongku na potatae lengkat mae i langit buungan sumo onyi' nu ombu'an anu ueenyo mabohos ka' sumo gohung dolu-dolundungan daka' hondo. Potatae aijo' o hongo sumo onyi' nu musiik mian mongkuti' kasapi anu hau-haunyo mompahaikakon kasapinyo.