MATIUS 28:17 - KITAB NU TUMPU ALLA LELE MA'IMAI'

¹⁷ Salatan aha nontoamo i Yesus kiijo' mae, aha tinolodadupumo nonsombah Ia, panyo daagi' ko anu i kiijo' hi aha bata-bata.

MATIUS 28:17 ပူးပေါင်းရင်းမြစ်များ

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 45:11

O to Lalangkoyang nu tomundo' potombihing mae na potataengku kolilimimo na bansa tiba to sanga-sangalu nu beleyum.

MATIUS 16:28

Da osumbu' anu daagi' aiya hi komiu, daagi' ko anu madi' silaka, de ma'isa pe'e montoa Anak nu Mian toka mae sumo Tomundo.”

MATIUS 28:9

Monti-montiik i Yesus tinokamo nonsingkaboti to bou-boune haha aijo' ka' notatae, “Tabea'!” Lantas aha tinoka nongohani Ia, lapas aitu nontanggogolimo tengke-Nyo ka' nonsombah Ia.

MARKUS 16:11

Panyo salatan aha nohongo taalu' i Yesus tinumuu'mo, ka' taalu' i Maria nontoamo Ia, aha madi' palesaya.

MARKUS 16:13

Jadi aha ninsusule' ka' nonsisik han aijo' hi anu sangga-sangga'atannyo. Panyo aha madi' palesaya.

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

YOHANES 5:23

Nubau nu Tuuma sumo aijo' da iwi-iwi' na mian mongadati Anak sumo aha mongadati Tuuma. Mian anu madi' mongadati Anak, madi' suele mongadati Tuuma anu nonsai mae Anak.

SISIKON NU TO RASUL-RASUL 1:3

Ilapas Ia sinilaka kopinnyo patom pulu' na sinaa Ia toto minsan saja' manintoa nyata-nyata' hondo hi to rasul-rasul aijo' pomponyata'-Nyo saba' Ia totu-totu'u tinumuu'mo. Aha nontoamo Ia, ka' Ia notataemo hi aha mongkona mosia na Tumpu mompalentah sumo Tomundo.

1 KORINTUS 15:6

Lapas aijo' Ia nompotoa butong-Nyo mule' hi lima atu na anu saja' mombatuki Ia, aitu pe'e ugaat molabi tempo'nyo aitu. Kanjoo'annyo na mian haha aijo' daagi' tumuu' tempo' uuka aiya, ola toto sangga'at na sinilakamo.