MATIUS 28:16 - KITAB NU TUMPU ALLA LELE MA'IMAI'

¹⁶ Sampulu' ka' sa'angu' na anu saja' mombatuki Yesus aijo' namba nokiijo' i bungkutnyo nu Galilea, sumo anu pinalentahkonmo i Yesus hi aha.

MATIUS 28:16 ပူးပေါင်းရင်းမြစ်များ

MATIUS 26:32

Panyo salatan Aku po'ule'mo tumuu', Aku na mambamo momona mokiijo' i Galilea, komiu imihije mae.”

MATIUS 28:10

“Boli mabuhuk,” koonyo i Yesus hi aha, “Lako' poto'iakon hi to utu-utus-Ku da aha mamba mokiijo' i Galilea; i kiijo' mae aha montoaje Aku.”

MATIUS 28:7

Palia-lia' uuka mamba, ka' opoto'iakon hi anu saja' mombatuki Ia, ‘Ia po'ule'mo tinumuu' ka' tempo' uuka Ia nambamo i moona nokiijo' i Galilea. I kiijo' mae komiu montoaje Ia!’ O inau', apaa na anu tinaloakonkumo hi komiu.”

MARKUS 14:28

Panyo salatan Aku po'ule'mo tumuu', Aku ka' komiu, Aku na mamba i moona mokiijo' i Galilea.”

MARKUS 15:41

Ahamo na to boboune anu mombatuki ka' montulungi Yesus salatan Ia tinoka i Galilea. Ka' daagi' da'isan suele na to boboune sangga'at i kiijo' anu tinokamo i Yerusalem nohingga-hinggat mae tiba i Yesus.

MARKUS 16:14

Kahimpusannyo, i Yesus nompotoa butongnyo hi aha sampulu' ka' sa'angu' na anu saja' mombatuki Ia, tempo'nyo aha hau-haunyo mongkaan. Ia nompokinde'i aha, kalana aha ma'isa talalo palesaya ka' talalo panggaga, sahingga madi' palesaya hi mian anu nontoamo i Yesus, tinumuu'mo.

MARKUS 16:7

Uuka lako'mo, potokakon na lele aiya hi anu saja' mombatuki Ia, sala'samian aijo'mo i Petrus. Taloakon, ‘Ia nambamo imoona nokiijo' i Galilea. I kiijo' mae komiu montoaje Ia, susumo anu tinaloakon-Nyomo hi komiu.’ ”

YOHANES 6:70

I Yesus nontaami, “Te misa' Aku na nompile'i komiu sampulu' ohua' na mian aiya? Panyo samian anu aiya hi komiu te roh anu ma'idek!”

1 KORINTUS 15:15

Lebe-lebe mule' nyata' kami binaleko'mo na monsisik Tumpu Allah, kalana kami nompolelemo i Kristus sinilaka po'ule'mo pinotumuu' nu Tumpu, yo aitu Tumpu madi' ahi' po'ule' nompotumuu' Ia – de memang totu'u mian silaka madi'mo po'ule' opotumuu'!