MATIUS 27:8 - KITAB NU TUMPU ALLA LELE MA'IMAI'

⁸ Mokonyo aijo' sampe sinaa aiya, tano' aijo' sinanggohan, “Tano' Baso'”.

MATIUS 27:8 ပူးပေါင်းရင်းမြစ်များ

2 TAWARIKH 5:9

Kau' anu bau polembanan aijo' mantan hondo, sahingga puusnyo poti-potingkolong kantoan mokiijo' lengkat i ahop nu Salipi' anu Talalo Hondo Susi', panyo madi' kantoan i sambiha'nyo. (Sampe sinaa uuka aiya kau' haha aijo' daagi' kiijo').

MATIUS 27:7

Salatan nosa'angu'mo na pikilan nu aha, pinakemo nu aha na doi aijo' bau pinongoli tano' anu osanggohi Tano' nu anu Mombau Kuhon Tano'. Tano' aijo' opake bau pongkubulan to mia-mian anu i santano'an.

MATIUS 28:15

Saba' suludadu anu monjagai aijo' nongala doi aijo' ka' nombau sumo anu pinoto'imo hi aha. Kalana aijo, sisik aijo' daagi' saja' togilele hi mian nu Yahudi sampe sinaa aiya.

SISIKON NU TO RASUL-RASUL 1:19

Iwi-iwi' na mian anu jojoong i Yerusalem monsumbu' han aijo'. Mokonyo aijo' i uno nu basa' nu aha, aha nonsanggohi tano' aijo' Akeldama, alati'nyo ‘Tano' Baso'’.)

PO'ULE' INGULIT 34:6

Tumpu nolamunmo ia, i sa'angu' na bangka'nyo nu Moab i santoa nu kota Bet-Peor, panyo sampe sinaa uuka aiya madi' ko samian pe'e na monsumbu' hondo-hondo pa' iya mae na kubulannyo.

YOSUA 4:9

I totonga' nu Yordan aijo' suele i Yosua nompotambunmo sampulu' ka' ohua' na batu i tampat kinatinjoan nu to ima-imam anu nolemban Peti' Palajanjian aijo'. (Batu haha aijo' daagi' sabole-bole ikiijo' sampe tempo' uuka aiya.)

TO MIA-MIAN KOPIAN 1:26

Lapas aijo' ia nolalinmo i lipu' nu aha mian Het, lantas nombaumo sa'angu' na kota ikiijo' ka' sinanggohannyomo Lus. Kota aijo' sanggonyo daagi' sabole-bole sumo aijo'.