MATIUS 27:66 - KITAB NU TUMPU ALLA LELE MA'IMAI'

⁶⁶ Lantas aha namba i kubulan, nonsegen batu pontumbannyo ka' nompojoong anu monjagai i ahopnyo, da boli ko anu mohenggo kubulan aijo'.

MATIUS 27:66 ပူးပေါင်းရင်းမြစ်များ

DANIEL 6:17

Sahingga ahennyo i tomundo' nompalentahmo da i Daniel ohakopmo ka' olumbu'akonmo i uno nu liang nu singa. Notatae na i tomundo' hi Daniel, “O'amalakon da Tumpu anu nu sombah totu-totu'u aijo' na momposalamat beleyum.”

MATIUS 27:60

Lantas aitu, ia nompo'una' mayat i Yesus i uno nu kubulan posi anunyo anu binaunyo i uno nu sa'angu' na bungkutnyo nu batu. Lapas aijo', ia nolingginakonmo batu daka' bau pongkulubi bau pontumban bolo' aijo', lantas ia namba.

MATIUS 27:65

“Komiu daagi' ko suludadu ponjagai,” koonyo i Pilatus hi aha, “Lako'mo jagai na kubulan aijo' totu-totu'u.”

MATIUS 28:11

Hau-haunyo to bou-boune haha aijo' namba, aha to pia-piangkuka na suludadu anu nonjagai kubulan aijo' ninsusule'mo i kota', ka' nompoto'i hi Kapala nu to Ima-imam iwi-iwi' apaa na anu jinadimo.

MATIUS 28:2

Monti-montiik kino luulu'mo anu daka' hondo. Samian na Malaikat nu Tumpu nintatau' lengkat mae i suluga' lantas nolingginakon batu pinongkulubi aijo', ka' sinumuhang i buannyo.

YOHANES 20:1

Subu-subu i sinaa nu duminggu daagi' pintung, i Maria Magdalena namba i pinolamunan. Tinoanyo na batu pinongkulubi tinondedensu'mo lengkat i bolo' nu pinolamunan aijo'.

2 TIMOTIUS 2:19

Panyo usoi anu mahoson binau nu Tumpu madi' opoko ala o idei. I buannyo tinulismo sumo uuka, “Tumpu monsumbu' to mia-mian-Nyo”, ka' “Mian anu motatae tukoonyo ia anumo nu Tumpu, mian aijo' tionyo montibahakonmo mombau palabuatan anu sala'.”

YOSUA 10:18

“Lingginakon mokiijo' na batu anu toto daka-baka' i sabatan nu liang aijo', ka' pojoong na anu monjagai ikiijo',” na koonyo i Yosua,

ANU PINOTO'I HI YOHANES 20:3

Lapas mae malaikat aijo' nongalinmo ulo anu daka' hondo aijo' i uno nu keles kapatean, lantas nonggunsingmo keles kapatean aijo' ka' sinegennyomo na ulo anu daka' hondo aijo' da madi'mo daagi' moko ala mongakali to bansa-bansa i uno nu tempo' samadala na taun na kopinnyo aijo'. Lapas aijo', ia opolapasmo ka' tempo'nyo madi'mo pin.