MATIUS 27:6 - KITAB NU TUMPU ALLA LELE MA'IMAI'

⁶ Kapala nu to Ima-imam nontoluk doi aijo' ka' notatae, “Doi aiya, doi nu baso'. Koonyo nu atulan nu agama, doi aiya madi' timbali oposoop i uno nu tampat ponguna'an doi i Laigan nu Tumpu.”

MATIUS 27:6 ပူးပေါင်းရင်းမြစ်များ

YESAYA 61:8

Tumpu notatae, “Aku mongka'ima'i ka'adilan ka' mongka'ideki anu saja' monsansala' tiba palabuatan ma'idek. Ku bee'je na pontamboi beleyum anu madi' sala-sala', ka' mojanji' tiba belemiu sampe toka sidu-sidutu'.

MATIUS 23:24

Komiu to pola-polaya' anu mapisok! Lalo i uno nu anu o inum miu na o tilis miu, padahan unta na o lonyom miu!

MATIUS 27:5

I Yudas nolumbu'akon doi i uno nu Laigan nu Tumpu, lantas namba ka' nonsegotmo butong, ka' natikalayo'.

MATIUS 27:7

Salatan nosa'angu'mo na pikilan nu aha, pinakemo nu aha na doi aijo' bau pinongoli tano' anu osanggohi Tano' nu anu Mombau Kuhon Tano'. Tano' aijo' opake bau pongkubulan to mia-mian anu i santano'an.

MARKUS 7:11

Panyo komiu nongajanakon: De mian motatae hi tu'anyonyo, ‘Apaa na anu tionyo kubee' hi tuuma tina, noko sombahkonkumo hi Tumpu,’

YOHANES 18:28

Subu-subu hondo aha nomboa i Yesus lengkat mae laigan i Kayafas namba i laigan nu gubernur. To mia-mian nu Yahudi madi' ninsoop i uno nu laigan daka', da aha madi' mahenyu susumo koonyo nu agama, kalana aha kahanda'mo mongkaan kaanon nu Paskah.

PO'ULE' INGULIT 23:18

Ka' mule' suele doi anu o humpak nu aha kalana masala' aijo' madi' timbali oboa i laigan nu Tumpu Allah nu belemiu bau pombayan anu i niatakonmo, kalana Tumpu Allah nu belemiu mongka'ideki anu masala' i tampat-tampat ponsomban pilogot ka' tambonyo nu aha anu nasala'mo.