MATIUS 27:57 - KITAB NU TUMPU ALLA LELE MA'IMAI'

⁵⁷ Pihi aijo' tinokamo na samian anu kaya lengkat mae i Arimatea, sanggonyo i Yusuf. Ia suele anu saja' mombatuki Yesus.

MATIUS 27:57 ပူးပေါင်းရင်းမြစ်များ

YESAYA 53:9

Ia i lamunmo hingga-hinggat tiba mian anu ma'idek na palabuatannyo; pinolamunan ia itotonga' nu mian anu kaya, maumo ahi' ia madi' toho' nombau anu ma'idek, ka' madi' toho' nongakali.”

MATIUS 27:58

Ia namba hi Pilatus ka' nomoita mayat i Yesus. Lantas i Pilatus nompalentahkon da mayat i Yesus obee'akon hi ia.

MARKUS 6:29

Salatan anu saja' mombatuki Yohanes nohongo han aijo', aha namba nongala bangke' i Yohanes, lantas i lamun nu aha.

SISIKON NU TO RASUL-RASUL 13:29

Ka' salatan ilapas na aha nombau iwi-iwi' anu noko tulismo i uno nu Kitab nu Tumpu mongkona Ia, aha nontauhakon bangke'-Nyo lengkat i kau' salib, lantas pino'una'nyomo na Ia i uno nu kubun.

1 SAMUEL 1:1

Daagi ko samian na mo'ane sanggonyo i Elkana minsoop tulunan nu bansa Efraim. Ia jojoong i kota Rama i da'erah Efraim anu mabungkut. I Elkana anak i Yeroham, makumpu mae i Elihu. Ia monsoop poto'utusan mae i Tohu, gampanyo mae nu aha tulunan i Zuf.

1 SAMUEL 7:17

Saja' sumo aijo' na nu bau, ka' de lapasmo ia minsusule'mo ilaigannyo kiijo' i Rama. Ikiijo' mae ia tinimbalimo mian kopian nu aha mian Israel, ka' mule' nompotinjomo sa'angu' na mezbah ponsomban Tumpu.